Yawˇshuˆ 5:14 - Akha

¹⁴ Tsawˇ haˬ kʼoeˇ gʼaˬ ehˇ-eu, “Maˬ ngeuˇ. Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ loꞈ-ehˇ ngaˇ oe-euˬ ma.” Yawˇshuˆ uˬ duˬ tahˬ-eu laꞈ kʼoeˇ miˇ tsa ga lah-awˇ ehˇ-eu, “Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˇ ngaˬ-ahˇ aˬ jeˬ bi mˇ mawꞈ-eu nya.”

Yawˇshuˆ 5:14 Referans Kwoze

Iˇsaˬyaˇ 55:4

Miˇ kʼahˬ tsawˇ jeuˬ deuˬ-ahˇ sheuˬ gʼeh-eu baoˬ aˬ yawꞈ-ahˇ ngaˇ biꞈ-awˇ, aˬ yawꞈ-ahˇ gʼoe-awˇ tsawˇ jeuˬ kʼoeˇ deuˬ-ahˇ, ngaˬ-euˬ baoˬ ngaˇ bi mawˇ-euˬ ma.

Aˇ dahˬ 17:3

Aˬbyaˬ baˬ ba miˇ tsa tuˆ ni awˆ byaˆ-awˇ, Miˬyehˇ-ahˇ uˬ duˬ tahˬ-euˬ meh. Kʼoeˇ ngeh, Miˬyehˇ heu loꞈ-ehˇ paˇ ehˇ-eu meh.

Luˇkaꞈ 20:42

Aˬ jeˬ miˇ neh ehˇ naˇ, Daˬbiˇ aˬ yawꞈ neh Ja ceuˬ-eu sahˬ boꞈ laꞈ kʼoeˇ heu loꞈ-ehˇ ehˇ taˬ-euˬ meh. ‘Nawˬ-ahˇ muiˇ-eu tsawˇ haˬ deuˬ-ahˇ, nawˬ-euˬ aˬ kuiˇ pehˬ zaˬ uˬ moˆ, ngaˇ maˬ nyehꞈ uiˬ jiˇ kʼoeˇ keuˆ ni, ngaˬ-euˬ aˇ maˇ paw nuiˇ-awˬ lehˇ, ngaˬ-euˬ sahˬ paˬ kuˇ hawˇ kamˇ-ahˇ SahˬpaˬMiˬyehˇ ehˇ nehˬ-euˬ meh.’

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Daˬyeˬlaˇ 10:13

Paˇshaˇ miˇ kʼahˬ-ahˇ haw piˇ luꞈ-eu mˬ taˆ gʼaˬ kʼehˇ kʼoeˇ gʼaˬ, nyiˬ tseˇ tiꞈ nah keuˆ ni ngaˬ-ahˇ laˆ tsoeˬ nehˬ laꞈ-euˬ meh. Kʼoeˇ ngeh, mˬ taˆ gʼaˬ kʼehˇ deuˬ laꞈ kʼoeˇ yaw huiˬ tiˬ gʼaˬ pyeuꞈ-eu Miˇkeˬlaˇ-aˬ, ngaˇ tiˬ gʼaˬ tehꞈ-ehˇ Paˇshaˇ miˇ kʼahˬ-ahˇ shaˬ luꞈ gaˇ ya mawˇ-awˇ, ngehˬ gʼeh le-euˬ meh.

Panmaeq 12:7

Kʼoeˇ naˇ, mˬ kʼoeˇ taˆ guiˇ deuˆ-euˬ meh. Miˇkeˬlaˇ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ byaˆ yahˬ kʼoeˇ mawˇ-ahˇ deuˆ-awˇ, byaˆ yahˬ kʼoeˇ mawˇ gʼeh, aˬ yawꞈ-euˬ mˬ taˆ gʼaˬ kʼehˇ deuˬ sheuˬ-awˇ deuˆ-euˬ meh.

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Maꞈtehˬ 22:44

‘Nawˬ-ahˇ muiˇ-eu tsawˇ haˬ deuˬ-ahˇ, nawˬ-euˬ aˬ kuiˇ pehˬ zaˬ uˬ moˆ, ngaˇ maˬ nyehꞈ uiˬ jiˇ kʼoeˇ keuˆ ni, ngaˬ-euˬ aˇ maˇ paw nuiˇ-awˬ lehˇ, Ngaˬ-euˬ Sahˬ paˬ kuˇ hawˇ kamˇ-ahˇ, Sahˬ paˬ Miˬyehˇ ehˇ nehˬ-euˬ meh.’

Maꞈtehˬ 8:2

Kʼoeˇ ngeh, coiˬ doi naˇ-eu tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, nawˇ mˇ mawꞈ naˇ, ngaˇ muiˬ laˇ shawˇ laˇ ni mˇ nya meh” lehˇ ehˇ-eu meh.

Daˬyeˬlaˇ 10:21

Ehˇ kʼawꞈ, yaw tsaˬ yaw dawˇ sahˬ boꞈ laꞈ kʼoeˇ boꞈ ahˇ taˬ-euˬ gaˇ kawˆ nawˬ-ahˇ ngaˇ ehˇ nehˬ ma. Iˇsaˬleˬlaˆ miˇ kʼahˬ-ahˇ haw piˇ-eu mˬ taˆ gʼaˬ kʼehˇ pyeuꞈ-eu Miˇkeˬlaˇ maˬ ngeuˇ naˇ, gaˇ kawˆ heu hmˬ-ahˇ taꞈ leˇ-awˇ ngaˇ jawˇ paw pyawˬ-eu tiˬ gʼaˬ-iˬ maˬ jawˇ-a.

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Bawˇtsahˬ 16:45

“Tsawˇ haˬ heu deuˬ-euˬ dawˬ peh maˬ jawˇ ni cehˆ-awˬ. Aˬ yawꞈ maꞈ-ahˇ maˬ bi luˆ-iˇ ni tiˬ poˆ tehꞈ-ehˇ ngaˇ laˆ luˬ laˆ seˇ nehˬ ma.” Kʼoeˇ ngeh, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-euˬ meh.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Luˇkaꞈ 1:43

Ngaˬ-euˬ Sahˬpaˬ-euˬ aˬ ma ngaˇ jawˇ gaˇ dawˬ deh gʼa laˇ-euˬ heu, ngaˇ aˇ naˆ ni guiˬ lahˬ huiˬ-eu nga.

Jaceuq 110:1

Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Doˆ-iˇ 4:10

Ehˇ kʼawꞈ, Moˇseˬ paˇ ehˇ-eu, “Sahˬpaˬ Miˬyehˇ-oˇ, ngaˬ-ahˇ taˬ bi iˇ laꞈ. Ngaˇ-aˬ, dawˬ yaw muiˬ paˬ-ehˇ ngehˬ nya-eu tsawˇ haˬ pyeuꞈ-eu maˬ ngeuˇ. Nawˇ ngaˬ-ahˇ dawˬ ngehˬ cawˬ dahˬ beh ngeh neh nymˬ-mˇ keuˆ ni, dawˬ yaw muiˬ paˬ-ehˇ ngehˬ nya-eu tsawˇ haˬ ngaˇ maˬ pyeuꞈ laˇ-aˬ siˬ. Ngaˇ-aˬ, dawˬ ngehˬ-eu paw yaw laꞈ-i tiˬ gʼaˬ pyeuꞈ-awˇ, dawˬ yaw kawˇ-ehˇ maˬ ngehˬ doˆ nya-eu uˬ taꞈ, dawˬ ngehˬ-eu yaw myaꞈ nya.”

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Luˇkaꞈ 5:12

Yeˬsuˇ meuˬ tiˬ meuˬ-ahˇ jawˇ luꞈ ngeh, gʼawˇ mawˇ mawˇ lah-ehˇ coiˬ doi naˇ byah taˬ-euˬ tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, aˬ yawꞈ-ahˇ mawˇ ngeh, miˇ tsa awˆ byaˆ-awˇ ehˇ-eu, “Sahˬpaˬ-oˇ, nawˇ jahˇ nehˬ laꞈ mawꞈ naˇ, ngaˇ muiˬ laˇ shawˇ laˇ ni jahˇ nya meh.”

Bawˇtsahˬ 16:22

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-awˇ, “Miˬyehˇ-oˇ, nawˇ-aˬ yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ yaw sahˇ pyeuꞈ-eu meh. Tsawˇ haˬ tiˬ gʼaˬ iˬ baˇ mˇ-euˬ baˬ da neh tsawˇ haˬ aˇ maꞈ aˇ muˇ dawˬ tawˆ luꞈ-ahˇ nawˇ nui ma pehˇ te loˇ.”

Doˆ-iˇ 4:13

Ehˇ kʼawꞈ, Moˇseˬ ehˇ-eu, “Sahˬpaˬ Miˬyehˇ-oˇ, ngaꞈ-ahˇ maˬ ngeuˇ-ehˇ, aˬ geu gʼaˬ kʼawꞈ tiˬ gʼaˬ bi iˇ-awˬ lehˇ nawˬ-ahˇ ngaˇ shaˇ-eu ma.”

Jaceuq 24:10

Huiˬ-eu Sahˬpaˬ aˬsuˇ gʼaˬ-a. Dawˬtawˆkʼoeˇtaˆuˆlahˇluꞈ-eu, Baoˬhuiˬ-eu SahˬpaˬMiˬyehˇmeh.

Bawˇtsahˬ 22:31

Kʼoeˇ ngeh, mi cehˇ tuˆ tehˬ-awˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ mawˇ nya ni, Baˬlamˬ-euˬ myaˆ nuiˆ-ahˇ Sahˬpaˬ Miˬyehˇ pah nehˬ-euˬ meh. Baˬlamˬ coˬ lah-awˇ, miˇ tsa awˆ byaˆ taˬ-euˬ meh.

Yawˇshuˆ 20:1

Kʼoeˇ naˇ, Yawˇshuˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

2 Saˬmeuˬlaˆ 7:19

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, kʼoeˇ naˆ tehꞈ-ehˇ nawˇ maˬ juˬ-ehˇ, kʼoeˇ naˆ maˬ tseˇ gʼeh-eu jeˬ ngaˬ-euˬ kʼoeˇ taˆ nawˇ paˇ mˇ nehˬ-eu lehˇ gʼeh-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, mehˬ hu paw dehꞈ daˆ leꞈ-eu ngaˬ-euˬ zaˬ ngaˬ-euˬ uˆ deuˬ gʼaˇ duˬ, nawˇ ngaˬ-ahˇ saˇ jaˇ dzaˬ-awˇ, aˬ kaˇ pyeuꞈ laˇ-eu gaˇ kawˆ deuˬ nawˇ ngaˬ-ahˇ bi siˬ bi mawˇ laꞈ-euˬ meh.

2 Saˬmeuˬlaˆ 7:20

Heu naˆ maˬ tseˇ nawˬ-ahˇ ngaˇ aˬ joˆ-ehˇ ya ehˇ nmˇ. Nawˬ-euˬ zaˬ kʼaˆ pyeuꞈ-eu ngaˬ-ahˇ nawˇ siˬ nya luꞈ meh.

Yeˬsaˬgeˬlaˇ 3:23

Kʼoeˇ naˇ, deh kʼawꞈ-ahˇ ngaˇ iˇ ngeh, Ceˬbaˬ lawˇ baˬ dawˬ peh ya mawˇ-euˬ poˆ loꞈ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ ngaˇ ya mawˇ-euˬ ma. Kʼoeˇ ngeh, ngaˇ moꞈ tsahˬ-ehˇ miˇ tsa coˬ-iˇ-euˬ ma.

Daˬyeˬlaˇ 8:11

Mˬ taˆ guiˇ maꞈ kʼoeˇ taˆ uˆ lahˇ-eu gʼaˬ-ahˇ kʼawꞈ aˬ yawꞈ yehˬ bawˬ sehˇ lu-ehˇ ehˇ niˇ gʼa-awˇ, aˬ yawꞈ nah yawꞈ aˬ yawꞈ-ahˇ lawˇ nehˬ-eu jeˬ maˬ bi lawˇ ni laˆ tsoeˬ-eu uˬ taꞈ, Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.