Yawˇshuˆ 5:13 - Akha

¹³ Yeˬliˇkoˇ meuˬ dawˬ peh Yawˇshuˆ le keuˆ ngeh, aˬ yawꞈ mehˬ shi mi cehˇ tuˆ tehˬ-awˇ yawꞈ luꞈ-eu tsawˇ haˬ tiˬ gʼaˬ-ahˇ ja pyuˬ ni aˬ yawꞈ ya mawˇ-euˬ meh. Tsawˇ haˬ kʼoeˇ gʼaˬ dawˬ peh Yawˇ shuˆ le-awˇ, “Nawˇ nga maꞈ-euˬ guiˇ zaˬ te loˇ. Maˬ ngeuˇ naˇ, nga maꞈ-ahˇ muiˇ-eu tsawˇ haˬ te loˇ” lehˇ naˇ haˬ-euˬ meh.

Yawˇshuˆ 5:13 Referans Kwoze

Bawˇtsahˬ 22:23

Mˬ taˆ gʼaˬ kʼehˇ mi cehˇ tuˆ tehˬ-awˇ gaˇ ma-ahˇ yawꞈ luꞈ gaˇ mahˬ tahˬ laˆ kʼoeˇ mawˇ ya mawˇ ngeh, gaˇ ma-ahˇ maˬ cah ni deh yaˇ paw ciˬ pyawˇ-awˇ iˇ uˇ gʼeh-euˬ meh. Baˬlamˬ gʼeh mahˬ tahˬ laˆ-ahˇ diˬ-awˇ gaˇ ma paw paˇ teh daˆ-euˬ meh.

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Bawˇtsahˬ 22:31

Kʼoeˇ ngeh, mi cehˇ tuˆ tehˬ-awˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ mawˇ nya ni, Baˬlamˬ-euˬ myaˆ nuiˆ-ahˇ Sahˬpaˬ Miˬyehˇ pah nehˬ-euˬ meh. Baˬlamˬ coˬ lah-awˇ, miˇ tsa awˆ byaˆ taˬ-euˬ meh.

1 Laˬsaˬbaˬ 21:30

Ehˇ kʼawꞈ, Daˬbiˇ kʼoeˇ gaˇ le-awˇ, Miˬyehˇ-ahˇ uˬ duˬ maˬ tahˬ leˇ peuˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ-euˬ mi cehˇ-ahˇ aˬ yawꞈ guˆ-eu meh.

Daˬyeˬlaˇ 10:5

Ngaˇ haw daˆ gʼeh leꞈ ngeh, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm-awˇ, maˇ jawˆ ni gʼeh-eu shuiˇ joꞈ paꞈ paꞈ luꞈ-eu tsawˇ haˬ tiˬ gʼaˬ-ahˇ ngaˇ mawˇ-euˬ ma.

Doˆ-iˇ 23:23

Ngaˬ-eu gʼaˬ kʼehˇ kʼoeˇ gʼaˬ naw maꞈ-euˬ mehˬ hu iˇ-awˇ, Aˬmawˇliˆ, Heˬtaˆ, Paˬyehˆ, Kaˬnaˬ, Hiˇbiˇ hawˇ-eu Yeˬbuˇ tsawˇ jeuˬ heu deuˬ-euˬ miˇ kʼahˬ deuˬ laꞈ kʼoeˇ, naw maꞈ-ahˇ sheuˬ uˇ gʼeh ngeh, tsawˇ jeuˬ heu deuˬ-ahˇ ngaˇ laˆ cawˆ ma. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ taˬ tahˬ.

Gʼaˬkʼehˇ 1:10

A yawꞈ maꞈ aˬ yawꞈ mˬ-ahˇ gʼoꞈ daˆ leˇ gaˇ haw tsoˆ-awˇ jawˇ ngeh, mehˬ tsoeˬ pyuˇ deuˬ ni dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh ja pyuˬ ni yawꞈ le-euˬ meh.

Zaˬkaˬliˇ 1:8

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ mahˬ yaw neˇ dziˬ luꞈ gaˇ ngaˇ mawˇ-euˬ ma. Deh kʼawꞈ-ahˇ jaˆ-eu muˇtuˇlaˆ aˇ bawˇ bawˇ yaˇ-ahˇ aˬ yawꞈ naˬ le-awˇ, aˬ yawꞈ-euˬ mehˬ nah paw, mahˬ mahˬ neˇ, mahˬ mahˬ puiˇ hawˇ-eu, mahˬ mahˬ pyuˇ dziˬ luꞈ-eu deuˬ ahˇ-eu meh.

1 Laˬsaˬbaˬ 21:27

Mˬ taˆ gʼaˬ kʼehˇ kʼoeˇ gʼaˬ-ahˇ, “Mi cehˇ pyehˬ dzeh-awˬ” lehˇ Sahˬpaˬ Miˬyehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ mi cehˇ pyehˬ dzeh-euˬ meh.

Yaˇ kʼaˬ daˇ 13:11

Maˬnoˇaˬ tsawˬ tuˇ-awˇ, aˬ yawꞈ miˬ zaˬ-euˬ mehˬ nah caw teh gʼeh-euˬ meh. Tsawˇ haˬ kʼoeˇ gʼaˬ jawˇ gaˇ aˬ yawꞈ iˇ-awˇ, “Ngaˬ-eu nymˇ dahˬ-ahˇ dawˬ ngehˬ cawˬ le-euˬ kʼoeˇ gʼaˬ nawˇ ma loˇ” lehˇ naˇ haˬ-euˬ meh. Tsawˇ haˬ kʼoeˇ gʼaˬ gʼeh, “Ngeuˇ ma” lehˇ ehˇ-eu meh.

Daˬyeˬlaˇ 8:3

Lawˇ baˬ lawˇ dzeˇ-ahˇ, uˬ coeˇ coeˇ mahˇ nyiˬ kahˬ tsoꞈ-eu yawˇ tiˬ mawˇ ngaˇ mawˇ-euˬ ma. Uˬ coeˇ tiˬ kahˬ-aˬ, mahˇ dzehˬ-awˇ shuiꞈ dzehˬ-eu meh.

Yaˇ kʼaˬ daˇ 13:22

Maˬnoˇaˬ aˬ yawꞈ-euˬ miˬ zaˬ-ahˇ ehˇ nehˬ-eu, “Aˇ nyaꞈ ya shiˇ-eu yaw duˬ baw-eu nga. Aˬ jeˬ miˇ neh ehˇ naˇ, Miˬyehˇ-ahˇ aˇ nyaꞈ ya mawˇ gʼaˬ-euˬ ma.”

Yawˇshuˆ 6:2

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yeˬliˇkoˇ meuˬ-euˬ sahˬ paˬ hawˇ-eu aˬ yawꞈ-euˬ kʼaˆ dui dui-eu guiˇ deuˆ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, Yeˬliˇkoˇ meuˬ kʼoeˇ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma.

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

Aˇ dahˬ 33:1

Iˇsawˇ tsawˇ haˬ oeˬ yaˇ gʼaˬ sheuˬ-awˇ laˇ luꞈ gaˇ Yaˬkoˆ ya mawˇ ngeh, Leˇaˬ, Laˬkeˬlaˇ hawˇ-eu, aˬ yawꞈ-euˬ ma nyiˇ nyiˬ gʼaˬ-ahˇ, zaˬ deuˬ biˇ nehˬ-awˇ bi sheuˬ-euˬ meh.

Panmaeq 1:13

Kʼoeˇ-euˬ gʼahˇ ceh, aˬ kuiˇ pehˬ zaˬ-ahˇ keuˆ-eu pehˇ kʼahˬ pehˇ mahˇ dm-awˇ kʼahˬ-ahˇ shuiˇ joꞈ paꞈ paꞈ taˬ-euˬ, tsawˇ haˬ-ahˇ duˇ-eu tiˬ gʼaˬ mawˇ-euˬ ma.

Aˇ dahˬ 18:1

Muiˬ-eu shawˇ-eu Mamˬliˬ aˇ bawˇ bawˇ yaˇ-ahˇ, Aˬbyaˬhaˬ jawˇ gaˇ Sahˬpaˬ Miˬyehˇ oe-euˬ meh. Nah gʼahˇ paw nahˇ tsaˇ kʼaˆ ngeh yamˬ-ahˇ, sehˬ gʼawˆ gʼoˆ kʼehˬ-ahˇ Aˬbyaˬhaˬ nuiˇ luꞈ-eu meh.

Aˇ dahˬ 28:16

Yaˬkoˆ uˬ noeˬ noeˬ laˇ ngeh, “Sahˬpaˬ Miˬyehˇ heu gaˇ jawˇ law hawˇ nga. Aˬ yawꞈ heu gaˇ jawˇ meh lehˇ ngaˇ maˬ siˬ nya-aˬ” lehˇ, yawˬ haˇ yawˬ ha ehˇ-euˬ meh.

1 Laˬsaˬbaˬ 12:22

Aˬ yawꞈ nah yawꞈ ehˇ gʼaˬ ni, Daˬbiˇ-euˬ guiˇ maꞈ laꞈ kʼoeˇ, tsawˇ haˬ yaw shuiꞈ uˇ lahˬ laˇ luꞈ-eu meh. Kʼoeˇ miˇ neh, gʼawˬ myahˇ maˬ gʼeh-ehˇ Daˬbiˇ-euˬ guiˇ maꞈ myaˬ dui dui laˇ-euˬ meh.