Yawˇshuˆ 5:10 - Akha

¹⁰ Yeˬliˇkoˇ meuˬ dawˬ peh deh ga-ahˇ jaˆ-eu Giˇlaˇgaˬlaˇ-ahˇ Iˇsaˬleˬlaˆ tsawˇ haˬ deuˬ sehˬ gʼawˆ gʼawˆ-awˇ jawˇ naˬ luꞈ ngeh, ba la kʼoeˇ siˬ tseˇ oeˬ nah tiˬ nah uˬ ciꞈ uˬ taw paw Baˬsaˬkaˬ bawˬ-iˬ gʼeh-euˬ meh.

Yawˇshuˆ 5:10 Referans Kwoze

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

Yeˬsaˬgeˬlaˇ 12:3

“Tsawˇ haˬ zaˬ-oˇ, aˬ cawˬ miˇ kʼahˬ-ahˇ cehˆ-euˬ tsawˇ haˬ loꞈ-ehˇ, myawˬ kuˬ shaˇ dawˆ-awˇ, uˬ ciꞈ maˬ zahˇ le mi naˆ-ehˇ doˆ-iˇ-awˬ. Nawˇ pawˇ-iˇ-eu yawˬ gʼaˬ na luꞈ-ahˇ bi mawˇ-awˬ. Ngaˬ-ahˇ puiˬ-eu tsawˇ haˬ kʼoeˇ deuˬ mawˇ luꞈ-uˇ.

Doˆ-iˇ 12:18

Ba la yaw beh siˬ tseˇ oeˬ nah uˬ ciꞈ uˬ taw paw neh aˇ dahˬ beh-awˇ, nyiˬ tseˇ tiꞈ nah ngeh nah uˬ ciꞈ uˬ taw paw keuˆ ni, dehˬ tseˬ ahˇ-eu kaˬ muˇ maˬ dzaˬ ni naw maꞈ ya jawˇ meh.

Uˬ duˬ 23:5

Ba la yaw beh siˬ tseˇ oeˬ nah tiˬ nah uˬ ciꞈ paw nahˇ ma ga ahˇ-eu yamˬ-ahˇ, Sahˬpaˬ Miˬyehˇ-ahˇ taˬ huiˬ taˬ mahˇ-eu Baˬsaˬkaˬ Bawˬ-iˬ aˇ dahˬ beh-eu meh.

Yawˇshuˆ 4:19

Ba la yaw beh siˬ tseˇ nyiꞈ nah tiˬ nah-ahˇ, Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ tsehˆ doˆ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Giˇlaˇgaˬlaˇ-ahˇ sehˬ gʼawˆ gʼawˆ-awˇ naˬ-euˬ meh.

Yawˇshuˆ 5:11

Yawˬ nah yawˬ, Kaˬnaˬ miˇ kʼahˬ-ahˇ doˆ-eu dzaˇ aˬ yawꞈ maˬ dzaˬ beh beh-euˬ meh. Cehꞈ nyawˬ hawˇ-eu dehˬ tseˬ maˬ ahˇ-eu kaˬ muˇ aˬ yawꞈ maꞈ dzaˬ-euˬ meh.

Yawˇshuˆ 9:6

Kʼoeˇ naˇ, Giˇlaˇgaˬlaˇ-ahˇ sehˬ gʼawˆ gʼawˆ-awˇ jawˇ luꞈ-eu Yawˇshuˆ hawˇ-eu Iˇsaˬleˬlaˆ tsawˇ haˬ deuˬ jawˇ gaˇ aˬ yawꞈ maꞈ iˇ-awˇ, “Nga maꞈ-aˬ, gaˇ mahˇ kaˬ-eu miˇ kʼahˬ-ahˇ neh oe-awˇ, naw maꞈ nehˬ-ehˇ saˇ jaˇ dzaˬ taꞈ le-euˬ ma.” lehˇ ehˇ nehˬ-euˬ meh.

1 Saˬmeuˬlaˆ 7:16

Beˬdeˬlaˇ meuˬ, Giˇlaˇgaˬlaˇ meuˬ, Miˇzaˬpaˬ meuˬ heu deuˬ-ahˇ, aˬ yawꞈ kʼoꞈ yawꞈ cah doe-awˇ, dawˬ ja kʼaˇ doˆ gaˇ yaˇ kʼaˬ daˇ nehˬ-euˬ meh.

2 Saˬmeuˬlaˆ 15:28

Heu yaw kaˬ-ahˇ, nawˇ ngaˬ-ahˇ tiˬ jeˬ paˬ maˬ bi ehˇ gaˬ le kʼoeˇ keuˆ ni, bawˇ tsahˬ bawˇ dahˇ laꞈ kʼoeˇ jaˆ-eu lawˇ duˬ-ahˇ ngaˇ loꞈ tawˬ ma.”

Yeˬlaˬmiˇ 39:5

Ehˇ kʼawꞈ, Baˬbuˇloˬ guiˇ maꞈ deuˬ aˬ yawꞈ maꞈ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ, Zeˬdaˬkiˇ-ahˇ nyehꞈ-euˬ meh. Kʼoeˇ naˇ, Haˬmaˆ gahˬ kaˬ-ahˇ jaˆ-eu Yiˇbaˬlahˬ meuˬ-ahˇ jawˇ luꞈ-eu sahˬ paˬ Neˬbuˬkaˬneˬzaˬ jawˇ gaˇ aˬ yawꞈ-ahˇ nyehꞈ gʼeh-euˬ meh. Kʼoeˇ gaˇ, Neˬbuˬkaˬneˬzaˬ neh aˬ yawꞈ-ahˇ yaˇ kʼaˬ daˇ nehˬ-euˬ meh.

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”

Doˆ-iˇ 12:11

Naw maꞈ gaˇ ma doˆ-iˇ-eu gʼaˇ duˬ lehˬ hmˬ taˬ-euˬ tsawˇ haˬ loꞈ-ehˇ, joꞈ paꞈ paꞈ, sehˬ nawˆ nawˆ-awˇ, gawˬ yoeˬ tuˆ tehˬ taˬ-eu laꞈ kʼoeˇ, dzaˇ kʼoeˇ ya dzaˬ meh. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ taˬ huiˬ taˬ mahˇ-eu laꞈ kʼoeˇ jahˇ-eu Baˬsaˬkaˬ Bawˬ-iˬ pyeuꞈ-eu meh.