Yawˇshuˆ 4:9 - Akha

⁹ Dawˬ ma saˇ jaˇ Bahˬ keuˆ baꞈ-eu piˇ ma deuˬ yawꞈ-euˬ Yawˇdaˬ lawˇ baˬ gʼahˇ ceh kʼoeˇ tsahˇ-ahˇ kʼawꞈ, kʼaˬ lo tseˇ nyiꞈ siˬ Yawˇshuˆ baꞈ bymˇ-euˬ meh. Kʼaˬ lo kʼoeˇ deuˬ iˬ nah keuˆ ni kʼoeˇ gaˇ jaˆ-eu meh.

Yawˇshuˆ 4:9 Referans Kwoze

1 Saˬmeuˬlaˆ 7:12

Kʼoeˇ naˇ, Saˬmeuˬlaˆ kʼaˬ lo tiˬ siˬ yuˇ-awˇ, Miˇzaˬpaˬ meuˬ hawˇ-eu Yeˬshaˬnahˬ meuˬ yaw kaˬ-ahˇ ka tuˇ-awˇ, “Sahˬpaˬ Miˬyehˇ iˬ nah keuˆ ni aˬ dui-ahˇ caw ba luꞈ meh” lehˇ ehˇ-awˇ, kʼaˬ lo kʼoeˇ siˬ-ahˇ Eˇbaˬneˬzaˬ lehˇ myahˇ nehˬ-euˬ meh.

2 Laˬsaˬbaˬ 5:9

Muiˬ dui shawˇ dui dui-eu jawˇ duˬ-euˬ mehˬ shi nyiˬ paˆ-ehˇ yawꞈ-awˇ haw ngeh tehꞈ-ehˇ, baꞈ kawˬ-euˬ mehˬ dzaˬ-ahˇ haw mawˇ nya-eu meh. Yawˬ gaˇ yawˬ jawˇ-awˇ maˬ haw mawˇ nya-a. (Baꞈ kawˬ kʼoeˇ iˬ nah keuˆ ni kʼoeˇ gaˇ jaˆ luꞈ-eu meh.)

2 Saˬmeuˬlaˆ 4:3

Yaw beh kʼoeˇ gaˇ jawˇ-euˬ tsawˇ haˬ deuˬ Giˇdeˬmeuˬ-ahˇ cehˆ jawˇ-iˇ-euˬ meh.

1 Saˬmeuˬlaˆ 30:25

Daˬbiˇ neh zahˇ kʼoeˇ loꞈ-ehˇ taˬ taˬ-awˇ, Iˇsaˬleˬlaˆ miˇ kʼahˬ laꞈ kʼoeˇ, zahˇ kʼoeˇ hmˬ-ahˇ aˬ myah luꞈ caw teh-euˬ meh.

Yaˇ kʼaˬ daˇ 1:26

Aˇ nah, tsawˇ haˬ kʼoeˇ gʼaˬ Heˬtaˆ tsawˇ haˬ-euˬ miˇ kʼahˬ-ahˇ le-awˇ, meuˬ tiˬ meuˬ teˬ-awˇ, Luˇzaˆ meuˬ lehˇ myahˇ nehˬ-euˬ meh. Meuˬ kʼoeˇ meuˬ-ahˇ iˬ nah keuˆ ni kʼoeˇ loꞈ-ehˇ kuˇ luꞈ-eu meh.

Yawˇshuˆ 24:26

Zahˇ dawˬ kʼoꞈ dawˬ kʼoeˇ deuˬ-ahˇ, Miˬyehˇ-euˬ Zahˇ dawˬ kʼoꞈ dawˬ sahˬ boꞈ laꞈ kʼoeˇ aˬ yawꞈ boꞈ ahˇ-euˬ meh. Kʼoeˇ naˇ, huiˬ dui dui-eu kʼaˬ lo tiˬ siˬ yuˇ-awˇ, Sahˬpaˬ Miˬyehˇ-euˬ muiˬ-eu shawˇ-eu jawˇ duˬ-ahˇ, tsuiꞈ kaˆ aˇ bawˇ dawˬ pehˬ-ahˇ ka tuˇ-euˬ meh.

Dawˬmehˬ 34:6

Behˬpyawˇ meuˬ-euˬ nui baˬ paw jaˆ-eu Mawˇbaˆ miˇ kʼahˬ deh kʼawꞈ tiˬ tsahˇ-ahˇ, Sahˬpaˬ Miˬyehˇ aˬ yawꞈ-ahˇ duˬ pahˬ-euˬ meh. Ehˇ kʼawꞈ, iˬ nah keuˆ ni aˬ yawꞈ-euˬ lmˬ bymˇ tiˬ gʼaˬ-iˬ maˬ siˬ duˬ nya-a.

Doˆ-iˇ 28:21

Kʼaˬ lo sehˇ heu tseˇ nyiꞈ siˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ li-euˬ tsawˇ myahˇ ya toeˬ boꞈ taˬ meh.

Doˆ-iˇ 24:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ jawˬ-ahˇ, ngaˇ jawˇ gaˇ daˆ laˇ-awˬ. Nawˇ heu gaˇ laˇ keuˆ-awˇ jawˇ ngeh, Iˇsaˬleˬlaˆ tsawˇ haˬ-ahˇ mehˬ nehˬ tsoˆ nehˬ-eu gʼaˇ duˬ, ngaˬ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ nawˬ-ahˇ ngaˇ biꞈ ma.”

Aˇ dahˬ 28:18

Yawˬ nah yawˬ uˬ shawˬ yaw naꞈ-ehˇ Yaˬkoˆ tuˇ-awˇ, aˬ yawꞈ neh uˬ gʼmˬ gʼmˬ-awˇ yuꞈ-euˬ kʼaˬ lo kʼoeˇ siˬ yuˇ-awˇ, noeˬ keuˆ-eu gʼaˇ duˬ miˇ tsaˬ-ahˇ ka tuˇ-euˬ meh. Kʼoeˇ naˇ, kʼaˬ lo kʼoeˇ siˬ kʼoeˇ taˆ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Aˇ dahˬ 26:33

Lah duˬ kʼoeˇ duˬ-ahˇ, “Saˇ jaˇ” lehˇ Iˇtsaˆ myahˇ nehˬ-euˬ meh. Kʼoeˇ miˇ neh, kʼoeˇ gaˇ jaˆ-eu meuˬ kʼoeˇ meuˬ-ahˇ, iˬ nah keuˆ ni Beˬlaˇsheˬba lehˇ kuˇ-eu meh.

Maꞈtehˬ 28:15

Lmˬ bymˇ-ahˇ loꞈ piˇ-euˬ yehˇ kʼoeˇ deuˬ pyuˇ yuˇ dzaˬ-awˇ, aˬ yawꞈ maꞈ-ahˇ mehˬ gahˇ nehˬ taˬ-euˬ loꞈ-ehˇ ja byah-euˬ meh. Kʼoeˇ miˇ neh, iˬ nah keuˆ ni Yuˇdaˆ tsawˇ haˬ deuˬ gaˇ kawˆ kʼoeˇ ja byah luꞈ-eu meh.

Maꞈtehˬ 27:8

Kʼoeˇ miˇ neh, jawˇ duˬ kʼoeˇ tsahˇ-ahˇ iˬ nah keuˆ ni “Shiˬ-euˬ Miˇ tsaˬ” lehˇ kuˇ-eu meh.

1 Sahˬpaˬ 18:31

Sahˬpaˬ Miˬyehˇ neh Iˇsaˬleˬlaˆ lehˇ myahˇ nehˬ-euˬ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ pi luꞈ-eu tsawˇ jeuˬ tseˇ nyiꞈ jeuˬ gʼaˇ duˬ, kʼaˬ lo tseˇ nyiˬ siˬ aˬ yawꞈ yuˇ-euˬ meh.

Yawˇshuˆ 4:10

Iˇsaˬleˬlaˆ tsawˇ haˬ deuˬ-ahˇ bi mˇ-eu gʼaˇ duˬ Sahˬpaˬ Miˬyehˇ neh Yawˇshuˆ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ mˇ gʼaˬ jiˇ ngeh keuˆ ni, piˇ ma deuˬ Yawˇdaˬ lawˇ baˬ gʼahˇ ceh yawꞈ-euˬ meh. Kʼoeˇ loꞈ-ehˇ mˇ-awˬ lehˇ Moˇseˬ neh dawˬ biꞈ taˬ-euˬ jaˆ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ-ahˇ yaw kawˇ-ehˇ tsehˆ doˆ-euˬ meh.