Yawˇshuˆ 4:5 - Akha

⁵ Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi Yawˇdaˬ lawˇ baˬ-ahˇ uˇ-iˇ-awˬ. Naw maꞈ aˬ yawꞈ gʼaˬ yawꞈ, Iˇsaˬleˬlaˆ tsawˇ jeuˬ tiˬ jeuˬ-euˬ dah zaˇ, kʼaˬ lo tiˬ siˬ baꞈ pu kʼoeˇ taˆ baꞈ-awˬ.

Yawˇshuˆ 4:5 Referans Kwoze

Yawˇshuˆ 4:4

Kʼoeˇ naˇ, aˬ yawꞈ neh tseˇ doˆ-euˬ tsawˇ haˬ kʼoeˇ tseˇ nyiꞈ gʼaˬ-ahˇ Yawˇshuˆ kuˇ-euˬ meh.

Yawˇshuˆ 4:6

Kʼaˬ lo heu deuˬ-aˬ, Sahˬpaˬ Miˬyehˇ neh mˇ-euˬ jeˬ, Iˇsaˬleˬlaˆ tsawˇ haˬ deuˬ-ahˇ bi noeˬ mawˇ tehꞈ-a. Kʼaˬ lo heu deuˬ naw maꞈ gʼaˇ duˬ dawˬ tsuiꞈ aˬ joˆ-ehˇ jaˆ ta lehˇ, aˬ kaˇ naw maꞈ-euˬ zaˬ deuˬ naw maꞈ-ahˇ naˇ haˬ laˇ ngeh, heu loꞈ-ehˇ ehˇ mehˬ nehˬ-awˬ.

Aˇ dahˬ 31:46

Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ, kʼoeˇ gaˇ kʼaˬ lo bi gʼoˆ bymˇ-euˬ meh. Kʼaˬ lo lo bymˇ kʼoeˇ-euˬ gaˇ dzeˇ, aˬ yawꞈ maꞈ hawˬ tiˬ byawˇ dzaˬ taꞈ-euˬ meh.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Dawˬmehˬ 9:1

“Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ Yawˇdaˬ lawˇ baˬ tsehˆ-awˇ, naw maꞈ myaˆ maˬ tseˇ myaˬ dzehˬ-awˇ baoˬ huiˬ dzehˬ-eu tsawˇ jeuˬ deuˬ-euˬ miˇ kʼahˬ-ahˇ deuˆ geuꞈ leˇ-eu aˇ yamˬ peh laˇ-euˬ meh.

Dawˬmehˬ 27:2

Yawˇdaˬ lawˇ baˬ tsehˆ doˆ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ laꞈ-euˬ miˇ kʼahˬ-ahˇ nawˇ le uˇ ngeh nah, muiˬ-eu kʼaˬ lo deuˬ nawˇ ya ka tuˇ-awˇ, kʼaˬ lo kʼoeˇ deuˬ-ahˇ laꞈ nyiˇ paw miˇ tsaˬ ya maˇ meh.

Yawˇshuˆ 22:10

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, yawˇ daˬ lawˇ baˬ nahˇ ma ga kʼehˬ paw jaˆ-eu Geˬliˇlawˆ meuˬ-ahˇ oe keuˆ ngeh, lawˇ baˬ lawˇ deh-ahˇ huiˬ dui dui-eu lawˇ duˬ tiˬ hmˬ gawˬ-euˬ meh.