Yawˇshuˆ 4:11 - Akha

¹¹ Aˬ yawꞈ maꞈ dawˬ tawˆ luꞈ nui baˬ tsehˆ doˆ gʼaˬ jiˇ ngeh, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ aˬ yawꞈ maꞈ-euˬ mehˬ hu le-euˬ meh.

Yawˇshuˆ 4:11 Referans Kwoze

Yawˇshuˆ 3:8

Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ-ahˇ, ‘Lawˇ baˬ-ahˇ iˇ keuˆ ngeh, lawˇ baˬ lawˇ dzeˇ iˇ cuꞈ-ahˇ iˇ uˇ-awˇ yawꞈ-awˬ’ lehˇ ehˇ nehˬ-awˬ.”

Yawˇshuˆ 4:18

Piˇ ma deuˬ lawˇ baˬ lawˇ deh-ahˇ doˆ keuˆ laˇ ngeh, lawˇ baˬ iˇ cuꞈ bi lehˬ lehˬ lehˬ-ehˇ paˇ yoeˇ ka gʼeh-euˬ meh.

Yawˇshuˆ 3:17

Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ-awˇ lawˇ baˬ tsehˆ luꞈ ngeh, aˬ yawꞈ maꞈ dawˬ tawˆ luꞈ maˬ tsehˆ doˆ jiˇ kʼoeˇ keuˆ ni, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ gui coˇ ni gʼeh-eu lawˇ baˬ gʼahˇ ceh yawꞈ luꞈ-eu meh.

Yawˇshuˆ 4:10

Iˇsaˬleˬlaˆ tsawˇ haˬ deuˬ-ahˇ bi mˇ-eu gʼaˇ duˬ Sahˬpaˬ Miˬyehˇ neh Yawˇshuˆ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ mˇ gʼaˬ jiˇ ngeh keuˆ ni, piˇ ma deuˬ Yawˇdaˬ lawˇ baˬ gʼahˇ ceh yawꞈ-euˬ meh. Kʼoeˇ loꞈ-ehˇ mˇ-awˬ lehˇ Moˇseˬ neh dawˬ biꞈ taˬ-euˬ jaˆ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ-ahˇ yaw kawˇ-ehˇ tsehˆ doˆ-euˬ meh.

Yawˇshuˆ 4:12

Moˇseˬ neh ehˇ taˬ-euˬ loꞈ-ehˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ laꞈ kʼoeˇ, guiˇ deuˆ-eu gʼaˇ duˬ lehˬ hmˬ dah aˬ-euˬ tsawˇ haˬ deuˬ, Iˇsaˬleˬlaˆ tsawˇ haˬ nui deuˬ-euˬ mehˬ hu paw le dzeuˇ gʼeh leꞈ-euˬ meh.

Yawˇshuˆ 24:11

Kʼoeˇ naˇ, naw maꞈ Yawˇdaˬ lawˇ baˬ tsehˆ doˆ-awˇ, Yeˬliˇkoˇ meuˬ-ahˇ laˇ-euˬ meh. Kʼoeˇ ngeh, Yeˬliˇkoˇ meuˬ-ahˇ jawˇ-eu tsawˇ haˬ deuˬ naw maꞈ-ahˇ guˆ dui dui-eu meh. Kʼoeˇ loꞈ-ehˇ duˇ ni, Aˬmawˇliˆ tsawˇ jeuˬ, Paˬyehˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ kʼawꞈ, naw maꞈ-ahˇ guˆ dui dui-euˬ meh. Ehˇ kʼawꞈ, naw maꞈ-ahˇ aˬ yawꞈ maꞈ dawˬ tawˆ luꞈ kʼoeˇ taˆ bi gʼaˬ leˇ-euˬ ma.

Iˇsaˬyaˇ 52:12

Nymˬ-mˇ poˆ jawˇ naw maꞈ uˬ kʼawˇ teuˆ buˬ-eu maˬ loˬ-a. Guˆ guˆ ci ci-ehˇ cehˆ-eu maˬ loˬ-a. Naw maꞈ-eu Miˬyehˇ pyeuꞈ-eu Sahˬpaˬ Miˬyehˇ-aˬ, yawˬ pyawˬ na luꞈ naw maꞈ-ahˇ haw piˇ luꞈ-eu meh.