Yawˇshuˆ 3:7 - Akha

⁷ Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ dawˬ tawˆ luꞈ, nawˬ-ahˇ huiˬ-eu tsawˇ haˬ tiˬ gʼaˬ loꞈ-ehˇ taˬ huiˬ taˬ mahˇ-awˇ, Moˇseˬ nehˬ-ehˇ ngaˇ jawˇ-euˬ loꞈ-ehˇ nawˬ nehˬ-ehˇ kʼawꞈ ngaˇ jawˇ-eu gaˇ kawˆ aˬ yawꞈ maꞈ ya siˬ duˬ ni, iˬ nah ngaˇ mˇ ma.

Yawˇshuˆ 3:7 Referans Kwoze

Yawˇshuˆ 4:14

Yawˇshuˆ huiˬ-eu tsawˇ haˬ tiˬ gʼaˬ pyeuꞈ-eu gaˇ kawˆ Iˇsaˬleˬlaˆ tsawˇ haˬ deuˬ ya siˬ ni, kʼoeˇ ngeh nah Sahˬpaˬ Miˬyehˇ mˇ-euˬ meh. Moˇseˬ-ahˇ aˬ yawꞈ maꞈ taˬ huiˬ taˬ mahˇ-euˬ loꞈ-ehˇ, Yawˇshuˆ-ahˇ kʼawꞈ, ziˇ jiˇ ngeh keuˆ ni taˬ huiˬ taˬ mahˇ-euˬ meh.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

1 Laˬsaˬbaˬ 29:25

Iˇsaˬleˬlaˆ tsawˇ jeuˬ jeuˬ lah ni Sawˇlaˬmoˬ-euˬ mehˬ shi yawꞈ-awˇ zahˬ leˇ tsoˆ leˇ jiˇ ni Sahˬpaˬ Miˬyehˇ jahˇ-awˇ, Iˇsaˬleˬlaˆ miˇ kʼahˬ-ahˇ kʼaˇ uˆ lahˇ dzeuˇ yaꞈ-euˬ sahˬ paˬ dawˬ tawˆ luꞈ naˆ maˬ tseˇ, Sawˇlaˬmoˬ-euˬ yaw shehꞈ kʼahˬ sehˇ huiˬ dzehˬ ni aˬ yawꞈ jahˇ-euˬ meh.

Jaceuq 18:35

Nawˬ-euˬka kʼoꞈ-eu dehˬdaˬduˬ, nawˬneh ngaˬ-ahˇbiꞈlaꞈ-euˬmeh. aˇmaˇlaꞈneh caw ba laꞈ-awˇ, baoˬneh haw piˇnehˬlaꞈ-euˬmeh.

Yawˇshuˆ 1:17

Moˇseˬ-euˬ ehˇ dawˬ-ahˇ nga maꞈ aˬ myah luꞈ naˇ haˬ geuꞈ-euˬ loꞈ-ehˇ, nawˬ-euˬ ehˇ dawˬ-ahˇ kʼawꞈ, naˇ haˬ geuꞈ ma. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ Moˇseˬ nehˬ-ehˇ jawˇ-euˬ loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

Yawˇbaˆ 7:17

“Aˬ jeˬ miˇ neh tsawˇ haˬ zaˬ nawˬ-euˬ mehˬ shi poeˬ ta. Aˬ yawꞈ mˇ-eu gaˇ-ahˇ nawˇ aˬ jeˬ miˇ neh caw teh haw luꞈ te.

2 Laˬsaˬbaˬ 1:1

Sahˬ paˬ Daˬbiˇ-euˬ aˬ li Sawˇlaˬmoˬ-aˬ, Iˇsaˬleˬlaˆ miˇ kʼahˬ-ahˇ ziꞈ dah ni uˆ lahˇ-awˇ, Sahˬpaˬ Miˬyehˇ pyeuꞈ-eu Miˬyehˇ aˬ yawꞈ-ahˇ guiˬ lahˬ biꞈ-awˇ, baoˬ huiˬ-eu sahˬ paˬ tiˬ gʼaˬ bi pyeuꞈ laˇ-euˬ meh.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Yawˇshuˆ 3:6

Kʼoeˇ naˇ, “Dawˬ ma saˇ jaˇ Bahˬ keuˆ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu doˆ-iˇ-awˬ” lehˇ, piˇ ma deuˬ-ahˇ Yawˇshuˆ ehˇ nehˬ ngeh, aˬ yawꞈ neh ehˇ-euˬ loꞈ-ehˇ aˬ yawꞈ maꞈ doˆ-iˇ-euˬ meh.

Yawˇshuˆ 3:8

Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ-ahˇ, ‘Lawˇ baˬ-ahˇ iˇ keuˆ ngeh, lawˇ baˬ lawˇ dzeˇ iˇ cuꞈ-ahˇ iˇ uˇ-awˇ yawꞈ-awˬ’ lehˇ ehˇ nehˬ-awˬ.”

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”