Yawˇshuˆ 3:16 - Akha

¹⁶ iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.

Yawˇshuˆ 3:16 Referans Kwoze

Yawˇshuˆ 3:13

Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ iˇ cuꞈ-ahˇ aˬ kuiˇ cawˬ puꞈ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-awˇ, yoeˇ ka luꞈ-eu iˇ cuꞈ deuˬ tiˬ gaˇ tehꞈ-ehˇ dahˬ goˇ leꞈ tehꞈ-a.”

1 Sahˬpaˬ 7:46

Suˇkoˆ meuˬ hawˇ-eu Zaˬleˬdaˬ meuˬ-euˬ yaw kaˬ-ahˇ, Yawˇdaˬ lawˇ baˬ deh kʼawꞈ laꞈ kʼoeˇ jaˆ-eu guiˬ shuiˇ kʼaˇ duˬ-ahˇ, mˇ myawˬ kʼoeˇ deuˬ dawˬ tawˆ luꞈ-ahˇ sahˬ paˬ neh bi kʼaˇ-euˬ meh.

1 Sahˬpaˬ 4:12

Aˬhiˇluˆ-euˬ aˬ li Baˬnaˬ-aˬ, Taˬnehˇ meuˬ, Meˬgiˇdoˬ meuˬ hawˇ-eu, Yeˬzaˬleˬlaˇ meuˬ laꞈ oˆ Zaˬleˬdaˬ meuˬ dawˬ peh jaˆ-eu Behˬshahˬ meuˬ-euˬ gahˬ kaˬ ahˇ leˇ-ehˇ, Aˬbeˬlaˇmeˬhawˇlahˬ meuˬ hawˇ-eu Yawˇkaˬmeˬ meuˬ-ahˇ keuˆ ni haw-eu pyaˆ-eu gʼaˬ geuꞈ-euˬ meh.

Aˇ dahˬ 14:3

Sahˬ paˬ heu ngaˬ gʼaˬ gm leˇ-awˇ, Siˇdmˬ deh ga ga ma-ahˇ, aˬ yawꞈ maꞈ-euˬ guiˇ maꞈ deuˬ-ahˇ tiˬ gaˇ tehꞈ-ehˇ kuˇ uiˬ taˬ-euˬ meh. Kʼoeˇ ngeh yamˬ-ahˇ, Siˇdmˬ deh ga ga ma-aˬ, nymˬ-mˇ Shiˇ-euˬ iˬ ma laˆ shaˆ jaˆ luꞈ-eu kʼoeˇ tsahˇ nyiˬ paˆ-ehˇ jaˆ-euˬ meh.

Jaceuq 114:3

Iˬ ma laˆ shaˆ yaw neˇ ciˬ pyawˇ-awˇ cehˆ-euˬ meh. Yawˇdaˬ lawˇ baˬ gawˆ mehˇ paw yoeˇ daˆ leꞈ-euˬ meh.

Dawˬmehˬ 1:1

Yawˇdaˬ lawˇ baˬ nahˇ ma doˆ kʼehˬ paw jaˆ-eu bawˇ tsahˬ bawˇ dahˇ laꞈ kʼoeˇ, Iˇsaˬleˬlaˆ tsawˇ haˬ deuˬ jawˇ luꞈ ngeh, aˬ yawꞈ maꞈ-ahˇ Moˇseˬ neh ehˇ nehˬ-euˬ dawˬ deuˬ, sahˬ boꞈ heu taꞈ laꞈ kʼoeˇ ahˇ-eu meh. Tiˬ paw paˆ Paˬlaˬ meuˬ hawˇ-eu, tiˬ paw paˆ Tawˇpeˬlaˇ, Laˬbaˬ, Haˬzeˬloˆ, Diˇzaˬhaˇ meuˬ heu deuˬ jaˆ luꞈ-eu yaw kaˬ-ahˇ, Suˇpaˬ meuˬ dawˬ peh Yawˇdaˬ lawˇ baˬ deh kʼawꞈ-ahˇ aˬ yawꞈ maꞈ jawˇ-euˬ meh.

Bawˇtsahˬ 34:3

Naw maꞈ miˇ kʼahˬ laꞈ oˆ paw pyawˬ-euˬ miˇ kaˬ-aˬ, Ziˇnaˆ bawˇ tsahˬ bawˇ dahˇ-ahˇ neh Eˬdoˬ miˇ kʼahˬ-euˬ miˇ kaˬ-ahˇ keuˆ ni meh. Laꞈ oˆ paw pyawˬ miˇ kaˬ kʼoeˇ-aˬ, Shiˇ-eu Iˬ ma laˆ shaˆ lah dahˬ paw coeˇ-ahˇ neh aˇ dahˬ beh-eu meh.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Jaceuq 74:15

Lawˇ kʼmˬ lawˇ gawˆ-ahˇ nawˇ iˇ cuꞈ bi yoeˇ-awˇ, Lawˇ baˬ baˬ ma deuˬ-ahˇ iˇ cuꞈ bi guiˇ-iˇ-eu meh.

Jaceuq 66:6

Iˬ ma laˆ shaˆ-ahˇ gui coˇ ni gʼeh-eu miˇ tsaˬ bi pyeuꞈ-iˇ-awˇ, aˬ dui-euˬ aˬ poeˬ aˬ bawˇ deuˬ lawˇ baˬ baˬ ma-ahˇ aˬ kuiˇ neh tsehˆ-euˬ meh. Aˬ yawꞈ neh mˇ-euˬ gaˇ baˬ da neh, kʼoeˇ gaˇ aˬ dui laˬ kʼaˬ cehˇ-euˬ ma.

Jaceuq 29:10

Huiˬdui dui-eu iˇcuꞈ kʼoeˇtaˆ, SahˬpaˬMiˬyehˇnuiˇluꞈ-eu meh. mˬmaˬmaˬbyaˆzaˇziˇ dzoeˬdzaˬ, SahˬpaˬMiˬyehˇ-ahˇoꞈ-eu meh.

Yawˇshuˆ 15:2

Laꞈ oˆ paw dzeˇ dzaˬ miˇ kaˬ-aˬ, Shiˇ-eu Iˬ ma laˆ shaˆ lah dahˬ-ahˇ neh,

Dawˬmehˬ 3:17

Aˬ yawꞈ maꞈ-euˬ miˇ kaˬ nahˇ ma ga kʼehˬ paw dzeˇ dzaˬ-aˬ, Yawˇdaˬ lawˇ baˬ-ahˇ keuˆ ni pyeuꞈ-awˇ, laꞈ taˆ paw jaˆ-eu Gaˬliˬlehˇ lah-ahˇ neh aˇ dahˬ beh-awˇ, laꞈ oˆ paw jaˆ-eu Shiˇ-eu iˬ ma laˆ shaˆ-ahˇ neh nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ dawˬ dahˬ-ahˇ keuˆ ni meh.

Doˆ-iˇ 14:21

Iˬ ma laˆ shaˆ kʼoeˇ taˆ Moˇseˬ aˬ laꞈ cawˬ ja ngeh, Sahˬpaˬ Miˬyehˇ nahˇ ma doˆ kʼehˬ paw neh jaˬ lehˇ lehˇ ma bi baw gʼeh leꞈ-awˇ, iˬ ma laˆ shaˆ iˇ cuꞈ bi baw kʼoꞈ gʼeh-euˬ meh. Jaˬ lehˇ kʼoeˇ bahˬ uˬ ciꞈ miˇ lah-ehˇ baw-euˬ miˇ neh, iˇ cuꞈ nyiˬ paˆ-ehˇ paˆ-iˇ-awˇ, iˬ ma laˆ shaˆ gui coˇ ni pyeuꞈ-iˇ-euˬ meh.

Jaceuq 33:7

Maˇtsaꞈ-ahˇ kʼaˇahˇ-eu loꞈ-ehˇ, laˆshaˆiˇcuꞈlaˆuiˬjiˇ-awˇ, yaw naꞈ-ahˇpiˬlahˇtaˬ-euˬmeh.

Jaceuq 114:5

Iˬ ma laˆ shaˆ-oˇ, aˬ jeˬ miˇ neh nawˬ ya cehˆ yawˬ ta. Yawˇdaˬ lawˇ baˬ-oˇ, aˬ jeˬ miˇ neh nawˇ tahˬ poˆ-ehˇ ya yoeˇ kʼoꞈ ta.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Yeˬsaˬgeˬlaˇ 47:8

Tsawˇ haˬ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Lawˇ baˬ heu gawˆ-aˬ, miˇ kʼahˬ heu kʼahˬ nyiˬ tsehˆ-ehˇ nahˇ ma doˆ kʼehˬ paw yoeˇ ka gʼeh-awˇ, Yawˇdaˬ lawˇ baˬ-ahˇ yoeˇ tsmˇ-iˇ-awˇ, shiˇ-eu iˬ ma laˆ shaˆ-ahˇ yoeˇ ahˇ-eu meh. Shiˇ-eu iˬ ma laˆ shaˆ-ahˇ yoeˇ ahˇ ngeh, kʼoeˇ gaˇ dahˬ-eu saˬ deuꞈ kuiˇ-eu iˇ cuꞈ-ahˇ, saˬ deuꞈ maˬ kuiˇ-eu iˇ cuꞈ iˇ lahˬ ka nehˬ gaˇ duˇ-eu meh.

Naˬhmˬ 1:4

Laˆ shaˆ-ahˇ aˬ yawꞈ dawˬ biꞈ-awˇ, laˆ shaˆ iˇ cuꞈ bi gui-iˇ-awˇ, lawˇ baˬ iˇ cuꞈ gui jiˇ-eu meh. Gaˬlaˬmeˬlaˇ gawˬ jawˬ koˆ-iˇ, Baˬshaˬ deh ga gui-iˇ jiˇ-awˇ, Leˬbaˬnoˬ gawˬ jawˬ-ahˇ poˬ-eu, aˇ yehˆ nyoeˬ jiˇ koˆ jiˇ-eu meh.

Haˬbaˬkuˆ 3:8

Sahˬpaˬ Miˬyehˇ nui ma pehˇ-eu, lawˇ baˬ lawˇ gawˆ kʼoeˇ deuˬ-a loˇ. Nawˇ nui ma daˆ laˇ ni jahˇ-euˬ, iˬ ma laˆ shaˆ lah ma-a loˇ. Kʼoeˇ taˆ mˬ dmˇ-ahˇ nawˇ dziˬ-awˇ, jaˬ lehˇ lehˇ ma laˆ lawˬ dziˬ-awˇ, muiˇ-eu deuˬ-ahˇ deuˆ gʼaˬ-euˬ meh.

Doˆ-iˇ 14:22

Iˇsaˬleˬlaˆ tsawˇ haˬ deuˬ-aˬ, kaˇ pyawˇ loꞈ-ehˇ nyiˬ paw paˆ luꞈ iˇ cuꞈ dahˬ goˇ taˬ-euˬ gʼahˇ ceh, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ tsehˆ doˆ-euˬ meh.

Doˆ-iˇ 14:29

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, kaˇ pyawˇ loꞈ-ehˇ nyiˬ paw paˆ luꞈ iˇ cuꞈ dahˬ goˇ taˬ-euˬ gʼahˇ ceh, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ cehˆ doˆ-euˬ meh.

Doˆ-iˇ 15:8

Nawˬ-euˬ saꞈ neh iˬ ma laˆ shaˆ iˇ cuꞈ jehˆ bymˇ baw bymˇ-awˇ, gʼawˬ mahˇ ni bi goˇ laˇ-euˬ meh. Iˇ cuꞈ kaˇ pyawˇ pyawˇ-iˇ-awˇ, naꞈ dui dui-eu iˬ ma laˆ shaˆ gʼahˇ tseuˆ ni pyeuꞈ-iˇ-euˬ meh.

Yawˇshuˆ 4:22

Iˇsaˬleˬlaˆ tsawˇ jeuˬ gui coˇ ni gʼeh-eu miˇ tsaˬ-ahˇ nawˬ-awˇ Yawˇdaˬ lawˇ baˬ tsehˆ doˆ-euˬ gaˇ kawˆ dzawˇ mehˬ nehˬ-awˬ.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

Yawˇshuˆ 12:3

Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.

Yawˇshuˆ 16:7

Yaˬnoˇaˬ meuˬ-ahˇ neh naˇ, Aˬtaˬyoˆ meuˬ hawˇ-eu Naˬlahˬ meuˬ paw iˇ ka-awˇ, Yeˬliˇkoˇ meuˬ-ahˇ neh Yawˇdaˬ lawˇ baˬ-ahˇ iˇ dahˬ-euˬ meh.

Yaˇ kʼaˬ daˇ 7:22

Giˇdoˬ-euˬ tsawˇ haˬ deuˬ daˇ heh baw luꞈ ngeh, muiˇ-eu deuˬ yawˬ ha cawˬ cawˬ mi cehˇ yuˇ-awˇ deuˆ ceh ceh ni, Sahˬpaˬ Miˬyehˇ jahˇ nehˬ-euˬ meh. Aˬ yawꞈ maꞈ Zaˬleˬdaˬ meuˬ paw cehˆ-awˇ, Behˬshiˇtahˇ meuˬ-ahˇ keuˆ ni maˬ ehˇ, Taˬbaˆ meuˬ dawˬ peh jaˆ-eu Aˬbeˬlaˆmeˬhawˇlahˬ meuˬ-ahˇ keuˆ ni maˬ ehˇ, cehˆ-euˬ meh.

Jaceuq 78:13

Iˬ ma laˆ shaˆ-ahˇ aˬ yawꞈ dehˬ paˆ-awˇ, aˬ yawꞈ maꞈ-ahˇ sheuˬ doˆ nehˬ-eu laꞈ kʼoeˇ, iˇ cuꞈ-ahˇ kaˇ pyawˇ loꞈ-ehˇ aˬ yawꞈ bi jaˆ-euˬ meh.