Yawˇshuˆ 3:14 - Akha

^14-15 Aˇ yamˬ kʼoeˇ yamˬ-aˬ, cehˇ laˆ luiˆ yamˬ pyeuꞈ-awˇ, Yawˇdaˬ lawˇ baˬ iˇ cuꞈ bi lehˬ lehˬ luꞈ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ tsehˆ-eu lehˇ sehˬ gʼawˆ laˆ luiˆ-awˇ doˆ-iˇ ngeh, piˇ ma deuˬ Dawˬ ma saˇ jaˇ Bahˬ keuˆ baꞈ-awˇ aˬ yawꞈ maꞈ-euˬ mehˬ hu doˆ-iˇ-euˬ meh. Piˇ ma deuˬ lawˇ baˬ-ahˇ aˬ kuiˇ cawˬ puꞈ-eu nehˬ-ehˇ,

Yawˇshuˆ 3:14 Referans Kwoze

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

Yeˬlaˬmiˇ 3:16

Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ naw maꞈ-euˬ tsawˇ haˬ myaˬ laˇ behˇ laˇ ngeh, ngaˬ-euˬ Dawˬ ma saˇ jaˇ Bahˬ keuˆ gaˇ kawˆ aˬ yawꞈ maꞈ maˬ paˇ ja ni pyeuꞈ-iˇ tehꞈ-a. Bahˬ keuˆ kʼoeˇ-euˬ gaˇ kawˆ aˬ yawꞈ maꞈ maˬ paˇ shaˇ noeˬ ni ngehˇ jiˇ tehꞈ-a. Bahˬ keuˆ kʼoeˇ-ahˇ aˬ yawꞈ maꞈ maˬ paˇ loˬ-ehˇ, bahˬ keuˆ yaw shuiꞈ kʼawꞈ maˬ jahˇ paˇ ni jawˇ tehꞈ-a.

Jaceuq 132:8

Sahˬpaˬ Miˬyehˇ-oˇ, nawˬ-euˬ baoˬ-euˬ saˇ kiˇ pyeuꞈ-eu Dawˬ ma saˇ jaˇ Bahˬ keuˆ nehˬ-ehˇ, Uˬ duˬ tahˬ nymˇ nymˇ ma-ahˇ oe-awˇ, mˬ maˬ maˬ byaˆ zaˇ ziˇ jawˇ le-awˬ.

Yawˇshuˆ 6:6

Yawˇshuˆ piˇ ma deuˬ-ahˇ kuˇ-awˇ ehˇ nehˬ-eu, “Dawˬ ma saˇ jaˇ Bahˬ keuˆ baꞈ-awˇ, kʼoeˇ-euˬ mehˬ hu paw piˇ ma shiꞈ gʼaˬ daˇ heh baꞈ-awˇ cah-awˬ.”

Yawˇshuˆ 3:6

Kʼoeˇ naˇ, “Dawˬ ma saˇ jaˇ Bahˬ keuˆ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu doˆ-iˇ-awˬ” lehˇ, piˇ ma deuˬ-ahˇ Yawˇshuˆ ehˇ nehˬ ngeh, aˬ yawꞈ neh ehˇ-euˬ loꞈ-ehˇ aˬ yawꞈ maꞈ doˆ-iˇ-euˬ meh.

Yawˇshuˆ 3:3

Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ piˇ ma deuˬ baꞈ-awˇ doˆ-iˇ-eu naw maꞈ ya mawˇ ngeh, yawˬ ha-euˬ sehˬ gʼawˆ laˆ luiˆ-awˇ caw teh gʼeh-awˬ.

Dawˬmehˬ 31:26

“Miˬyehˇ-euˬ tsawˇ haˬ deuˬ-euˬ mehˬ shi saˇ kiˇ bi pyeuꞈ-eu gʼaˇ duˬ, Miˬyehˇ-euˬ zahˇ dawˬ kʼoꞈ dawˬ boꞈ taˬ-euˬ sahˬ boꞈ heu taꞈ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ dawˬ peh bi jaˆ-awˬ.

Yawˇshuˆ 24:11

Kʼoeˇ naˇ, naw maꞈ Yawˇdaˬ lawˇ baˬ tsehˆ doˆ-awˇ, Yeˬliˇkoˇ meuˬ-ahˇ laˇ-euˬ meh. Kʼoeˇ ngeh, Yeˬliˇkoˇ meuˬ-ahˇ jawˇ-eu tsawˇ haˬ deuˬ naw maꞈ-ahˇ guˆ dui dui-eu meh. Kʼoeˇ loꞈ-ehˇ duˇ ni, Aˬmawˇliˆ tsawˇ jeuˬ, Paˬyehˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ kʼawꞈ, naw maꞈ-ahˇ guˆ dui dui-euˬ meh. Ehˇ kʼawꞈ, naw maꞈ-ahˇ aˬ yawꞈ maꞈ dawˬ tawˆ luꞈ kʼoeˇ taˆ bi gʼaˬ leˇ-euˬ ma.