Yawˇshuˆ 24:9 - Akha

⁹ Kʼoeˇ naˇ, Ziˇpoˬ-euˬ aˬ li pyeuꞈ-eu Mawˇbaˆ sahˬ paˬ Baˬlehˇ naw maꞈ-ahˇ guiˇ deuˆ le-euˬ meh. Beˬyoˇ-euˬ aˬ li Baˬlamˬ jawˇ gaˇ aˬ yawꞈ tsawˇ haˬ pyehˬ gʼeh-awˇ, naw maꞈ-ahˇ yaˬ kʼehˇ yaˬ-awˬ lehˇ bi ehˇ gaˬ-iˇ-euˬ meh.

Yawˇshuˆ 24:9 Referans Kwoze

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”

Yaˇ kʼaˬ daˇ 11:25

Baˬlehˇ-euˬ aˬ li Ziˇpoˬ naˆ maˬ tseˇ huiˬ dzehˬ ma lehˇ nawˇ yawˬ haˇ yawˬ ha noeˬ luꞈ te loˇ. Iˇsaˬleˬlaˆ tsawˇ haˬ-ahˇ guiˇ deuˆ ma lehˇ aˬ yawꞈ ehˇ meh loˇ. Aˬ yawꞈ kʼoeˇ loꞈ-ehˇ tiˬ jawˇ-iˬ maˬ ehˇ haw-aˬ. Aˬ yawꞈ nga maꞈ nehˬ-ehˇ guiˇ deuˆ haw mehˬ loˇ.

Bawˇtsahˬ 22:2

Aˬmawˇliˆ tsawˇ haˬ deuˬ-ahˇ Iˇsaˬleˬlaˆ tsawˇ haˬ deuˬ neh jahˇ nehˬ-euˬ gaˇ kawˆ hawˇ-eu, Iˇsaˬleˬlaˆ tsawˇ haˬ deuˬ aˇ myaˆ ni myaˬ-eu gaˇ kawˆ-ahˇ, Ziˇpoˬ-euˬ aˬli pyeuꞈ-eu Mawˇbaˆ sahˬ paˬ Baˬlehˇ ya gaˬ ngeh,

Yaˇ kʼaˬ daˇ 11:17

Kʼoeˇ ngeh, Eˬdoˬ sahˬ paˬ jawˇ gaˇ aˬ yawꞈ maꞈ tsawˇ haˬ pyehˬ gʼeh-awˇ, aˬ yawꞈ-euˬ miˇ kʼahˬ-ahˇ bi le tsehˆ neh laꞈ lehˇ bi tsaꞈ gaˬ-iˇ-euˬ meh. Ehˇ kʼawꞈ, Eˬdoˬ sahˬ paˬ aˬ yawꞈ maꞈ-ahˇ maˬ bi le tsehˆ-a. Mawˇbaˆ sahˬ paˬ-ahˇ aˬ yawꞈ maꞈ paˇ bi tsaꞈ gaˬ leˇ kʼawꞈ, kʼoeˇ gʼaˬ gʼeh, aˬ yawꞈ-euˬ miˇ kʼahˬ-ahˇ maˬ bi le tsehˆ-a. Kʼoeˇ miˇ neh, Iˇsaˬleˬlaˆ tsawˇ haˬ deuˬ Kaˬdeˬshaˇ-ahˇ tehꞈ-ehˇ jawˇ-euˬ meh.