Yawˇshuˆ 24:8 - Akha

⁸ Kʼoeˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw jawˇ-eu Aˬmawˇliˆ tsawˇ haˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-euˬ ma. Aˬ yawꞈ maꞈ naw maꞈ-ahˇ guiˇ deuˆ-euˬ kʼawꞈ, naw maꞈ neh bi gʼaˬ leˇ-euˬ ma. Aˬ yawꞈ maꞈ miˇ kʼahˬ-ahˇ naw maꞈ yuˇ-awˇ, naw maꞈ mehˬ hu paw le gʼeh leꞈ ngeh, aˬ yawꞈ maꞈ-ahˇ ngaˇ laˆ luˬ laˆ seˇ nehˬ-euˬ ma.

Yawˇshuˆ 24:8 Referans Kwoze

Neˬhaˬmiˇ 9:22

Aˬ yawꞈ maꞈ-euˬ dawˬ peh jaˆ-eu miˇ kʼahˬ hawˇ-eu, dawˬ peh jawˇ-eu tsawˇ jeuˬ deuˬ-ahˇ, aˬ yawꞈ maꞈ gʼaˬ leˇ ni nawˇ caw ba nehˬ-euˬ meh. Siˇhoˬ uˆ lahˇ-euˬ Heˬshaˬboˬ miˇ kʼahˬ hawˇ-eu, Awˇgaˆ sahˬ paˬ geuꞈ-awˇ dzoeˬ-eu Baˬshaˬ miˇ kʼahˬ, aˬ yawꞈ maꞈ neh deuˆ gʼaˬ-euˬ meh.

Yawˇshuˆ 13:10

Miˇ kʼahˬ kʼoeˇ kʼahˬ-aˬ, Aˬmoˬ meuˬ-euˬ miˇ kaˬ-ahˇ keuˆ ni jaˆ-awˇ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ tsawˇ jeuˬ sahˬ paˬ Siˇhoˬ-euˬ meuˬ dawˬ tawˆ luꞈ ahˇ-eu meh.

Dawˬmehˬ 2:32

Siˇhoˬ-aˬ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ dui maꞈ-ahˇ guiˇ deuˆ-eu lehˇ Yaˬhaˇ meuˬ dawˬ peh oe-euˬ meh.

Doˆ-iˇ 23:23

Ngaˬ-eu gʼaˬ kʼehˇ kʼoeˇ gʼaˬ naw maꞈ-euˬ mehˬ hu iˇ-awˇ, Aˬmawˇliˆ, Heˬtaˆ, Paˬyehˆ, Kaˬnaˬ, Hiˇbiˇ hawˇ-eu Yeˬbuˇ tsawˇ jeuˬ heu deuˬ-euˬ miˇ kʼahˬ deuˬ laꞈ kʼoeˇ, naw maꞈ-ahˇ sheuˬ uˇ gʼeh ngeh, tsawˇ jeuˬ heu deuˬ-ahˇ ngaˇ laˆ cawˆ ma. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ taˬ tahˬ.

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Aˬmoˆ 2:10

Naw maꞈ-ahˇ ngaˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ sheuˬ sheuˬ-ehˇ cah-awˇ, Aˬmawˇliˆ tsawˇ jeuˬ-euˬ miˇ kʼahˬ naw maꞈ-ahˇ biꞈ-euˬ ma.