Yawˇshuˆ 24:5 - Akha

⁵ Aˇ nah, Moˇseˬ hawˇ-eu Aˬloˬ-ahˇ ngaˇ pyehˬ gʼeh-awˇ, Iˇjiˇtuˆ miˇ kʼahˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ ma. Ehˇ kʼawꞈ, naw maꞈ-ahˇ ngaˇ sheuˬ doˆ laꞈ-euˬ ma.

Yawˇshuˆ 24:5 Referans Kwoze

Doˆ-iˇ 3:10

Nawˇ ngaˬ-euˬ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh nehˬ nya-eu gʼaˇ duˬ, nymˬ-mˇ ngaˇ nawˬ-ahˇ Iˇjiˇtuˆ sahˬ paˬ jawˇ gaˇ kʼehˇ gʼeh-eu ma.”

Jaceuq 136:10

Iˇjiˇtuˆ tsawˇ haˬ dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 12:37

Laˬmaˬsehˇ meuˬ-ahˇ neh, Suˇkoˆ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ kuiˇ zoˬ cah gʼeh-euˬ meh. Aˬ yawꞈ maꞈ-aˬ, zaˬ miˬ zaˬ hawˇ-eu zaˬ deuˬ maˬ gui ahˇ-ehˇ, kʼaˬ dzeˇ zaˬ tehꞈ-ehˇ koꞈ seh gʼaˬ byah-eu meh.

Yawˇshuˆ 24:6

Naw maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ ngeh, Iˇjiˇtuˆ tsawˇ haˬ deuˬ mahˬ laˆ lawˬ hawˇ-eu mahˬ dziˬ-awˇ, Iˬ ma laˆ shaˆ Yaw neˇ-ahˇ keuˆ ni teh keuˆ le-euˬ meh.

Doˆ-iˇ 6:27

Iˇsaˬleˬlaˆ tsawˇ haˬ deuˬ-ahˇ pyehˬ nehˬ-awˬ lehˇ, Iˇjiˇtuˆ sahˬ paˬ-ahˇ ehˇ nehˬ iˇ-euˬ kʼoeˇ-aˬ, aˬ yawꞈ nyaꞈ meh.

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

Jaceuq 105:43

Aˬ yawꞈ neh tseˇ doˆ-euˬ tsawˇ jeuˬ-ahˇ kʼoeˇ loꞈ-ehˇ sheuˬ doˆ gʼeh-awˇ, aˬ yawꞈ maꞈ laˬ kʼaˬ cehˇ-awˇ caˇ dawˬ caˇ-euˬ meh.