Yawˇshuˆ 24:33 - Akha33 Aˬloˬ-euˬ aˬ li Eˇlaˬzaˬ shiˇ-awˇ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu aˬ yawꞈ-euˬ aˬ li-ahˇ biꞈ-euˬ Giˇbyoˬ meuˬ-ahˇ baꞈ pahˬ-euˬ meh. Gade chapit la |
Heu-aˬ, Iˇsaˬleˬlaˆ tsawˇ jeuˬ-ahˇ Yawˇ daˬ lawˇ baˬ nahˇ ma ga kʼehˬ paw jaˆ-eu miˇ kʼahˬ biˇ nehˬ-euˬ gaˇ kawˆ meh. Piˇ ma Eˇlaˬzaˬ, Nuˬ-euˬ aˬ li Yawˇshuˆ hawˇ-eu, Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ, Iˇsaˬleˬlaˆ tsawˇ jeuˬ deuˬ-ahˇ, tsawˇ haˬ yaw cuiˆ yaw myaˬ-ahˇ haw-awˇ, miˇ kʼahˬ kʼoeˇ kʼahˬ biˇ nehˬ-euˬ meh.
Eˇpaˬleˬ tsawˇ jeuˬ laꞈ kʼoeˇ, Eˇlaˬ kaˬnaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Laˬmahˇ meuˬ-ahˇ aˬ yawꞈ jawˇ-eu meh. Aˬ yawꞈ-aˬ, Zuˇpaˬ aˇ jeuˬ-ahˇ taꞈ-eu Toˇhuˇ aˇ jeuˬ aˇ ca tiˬ gʼaˬ pyeuꞈ-eu meh. Aˬ yawꞈ-euˬ aˬ bawˇ-aˬ, Eˇliˇhuˆ pyeuꞈ-awˇ, aˬ yawꞈ-euˬ aˬ da-aˬ, Yeˬloˇhamˬ meh.
Eˇpaˬleˬ miˇ kʼahˬ gawˬ jawˬ gawˬ duˇ doe ni poˆ-awˇ, Shaˬliˇshahˬ gahˬ kaˬ doe ni poˆ ka gʼeh kʼawꞈ, mahˬ tahˬ laˆ kʼoeˇ deuˬ-ahˇ aˬ yawꞈ nyaꞈ maˬ poˆ mawˇ nya-a. Shaˇliˬ gahˬ kaˬ paˇ poˆ doe kʼawꞈ maˬ poˆ mawˇ nya-ehˇ, Beˬyaˬmiˬ miˇ kʼahˬ paw paˇ poˆ-iˇ-euˬ meh. Ehˇ kʼawꞈ, mahˬ tahˬ laˆ kʼoeˇ deuˬ-ahˇ maˬ poˆ mawˇ nya-a.
Kʼoeˇ loꞈ-ehˇ mˇ-eu gʼaˇ duˬ nga maꞈ heu gaˇ oe-euˬ kʼawꞈ maˬ ngeuˇ. Eˇpaˬleˬ miˇ kʼahˬ gawˬ jawˬ gawˬ duˇ paw jawˇ-eu Biˇkaˬliˇ-euˬ aˬ li Sheˬba lehˇ myahˇ-euˬ tsawˇ haˬ tiˬ gʼaˬ sahˬ paˬ Daˬbiˇ-ahˇ puiˬ-eu meh. Tsawˇ haˬ kʼoeˇ tiˬ gʼaˬ nga maꞈ-ahˇ a nehˬ laꞈ naˇ, meuˬ heu meuˬ-ahˇ neh nga maꞈ gʼoꞈ leˇ ma.” Kʼoeˇ ngeh, zaˬ miˬ zaˬ kʼoeˇ gʼaˬ ehˇ-eu, “Aˬ yawꞈ-euˬ uˬ duˬ-ahˇ meuˬ-euˬ lahˇ kʼehˬ laꞈ nyiˇ paw nga maꞈ biˬ doˆ nehˬ ma.”
Geˬhaˬziˇ ehˇ-eu, “Tiˬ jeˬ-iˬ maˬ ngeuˇ-a. Ehˇ kʼawꞈ, ngaˬ-euˬ yaw sahˇ gʼaˬ ngaˬ-ahˇ pyehˬ gʼeh laꞈ-awˇ, nawˬ-ahˇ heu loꞈ-ehˇ bi ehˇ laˇ-euˬ meh. Nymˬ-mˇ tseuˆ tseuˆ hawˇ-eu, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ nyiˬ muˇ oe keuˆ taˬ-euˬ meh. Aˬ yawꞈ maꞈ gʼaˇ duˬ pyuˇ maˇ byaˆ smˬ heˇ byaˆ hawˇ-eu, muiˬ-eu mehˬ tsoeˬ nyiˬ shehˆ bi biꞈ laꞈ mawꞈ nya lehˇ, nawˬ-ahˇ bi ehˇ gaˬ laˇ-euˬ meh.”