Yawˇshuˆ 24:27 - Akha

²⁷ Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ ehˇ nehˬ-eu, “Kʼaˬ lo heu siˬ-aˬ, aˬ dui gʼaˇ duˬ saˇ kiˇ pyeuꞈ tehꞈ-a. Sahˬpaˬ Miˬyehˇ neh aˬ dui-ahˇ kʼaˇ ehˇ nehˬ laꞈ-euˬ jeˬ-ahˇ kʼaˬ lo heu siˬ ya gaˬ-euˬ meh. Kʼoeˇ miˇ neh, kʼoeˇ-aˬ, naw maꞈ-euˬ Miˬyeh-ahˇ naw maꞈ maˬ ya puiˬ-eu gʼaˇ duˬ saˇ kiˇ pyeuꞈ tehꞈ-a.”

Yawˇshuˆ 24:27 Referans Kwoze

Luˇkaꞈ 19:40

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”

Yawˇshuˆ 22:34

“Sahˬpaˬ Miˬyehˇ-aˬ Miˬyehˇ pyeuꞈ-eu gaˇ kawˆ, lawˇ duˬ heu hmˬ saˇ kiˇ pyeuꞈ-eu meh” lehˇ Luˇbeˬ tsawˇ jeuˬ hawˇ-eu Gaˆ tsawˇ jeuˬ ehˇ-awˇ, lawˇ duˬ kʼoeˇ hmˬ-ahˇ “Saˇ kiˇ” lehˇ myahˇ nehˬ-euˬ meh.

Maꞈtehˬ 10:33

Ehˇ kʼawꞈ, tsawˇ haˬ tiˬ gʼaˬ na ngaˬ-ahˇ maˬ ha geuꞈ lehˇ tsawˇ haˬ zaˬ deuˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ maˬ ha geuꞈ-aˬ lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Dawˬmehˬ 31:26

“Miˬyehˇ-euˬ tsawˇ haˬ deuˬ-euˬ mehˬ shi saˇ kiˇ bi pyeuꞈ-eu gʼaˇ duˬ, Miˬyehˇ-euˬ zahˇ dawˬ kʼoꞈ dawˬ boꞈ taˬ-euˬ sahˬ boꞈ heu taꞈ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ dawˬ peh bi jaˆ-awˬ.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Yawˇbaˆ 31:23

Miˬyehˇ yaˇ kʼaˬ daˇ gaˇ ngaˇ guˆ-eu miˇ neh, kʼoeˇ loꞈ-ehˇ gʼeh-eu jeˬ tiˬ jawˇ-iˬ ngaˇ maˬ mˇ-aˬ.

1 Saˬmeuˬlaˆ 7:12

Kʼoeˇ naˇ, Saˬmeuˬlaˆ kʼaˬ lo tiˬ siˬ yuˇ-awˇ, Miˇzaˬpaˬ meuˬ hawˇ-eu Yeˬshaˬnahˬ meuˬ yaw kaˬ-ahˇ ka tuˇ-awˇ, “Sahˬpaˬ Miˬyehˇ iˬ nah keuˆ ni aˬ dui-ahˇ caw ba luꞈ meh” lehˇ ehˇ-awˇ, kʼaˬ lo kʼoeˇ siˬ-ahˇ Eˇbaˬneˬzaˬ lehˇ myahˇ nehˬ-euˬ meh.

Dawˬmehˬ 32:1

“Mˬ-oˇ, ngaˬ-euˬ dawˬ naˇ haˬ-awˬ. Yaw duˬ duˬ-ehˇ naˇ haˬ duˬ-awˬ. Miˇ-oˇ, ngaˬ-euˬ teˇ saˇ gaˬ-awˬ.

Dawˬmehˬ 31:21

Kʼoeˇ ngeh, guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ, aˬ yawꞈ maꞈ kʼoeˇ taˆ keuˆ le tehꞈ-a. Ehˇ kʼawˬ, caˇ dawˬ heu bymˇ-ahˇ aˬ myah luꞈ ya caˇ-awˇ, caˇ dawˬ heu aˬ yawꞈ maꞈ gʼaˇ duˬ saˇ kiˇ pyeuꞈ tehꞈ-a. Aˬ yawꞈ maꞈ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ uˇ gʼeh mi naˆ-ehˇ kʼawꞈ, nymˬ-mˇ aˬ yawꞈ maꞈ-euˬ nui ma laꞈ kʼoeˇ aˬ joˆ-ehˇ noeˬ luꞈ-eu ngaˇ siˬ nya ma.”

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

Dawˬmehˬ 31:19

“Caˇ dawˬ heu bymˇ nymˬ-mˇ boꞈ-awˬ. Iˇsaˬleˬlaˆ tsawˇ haˬ deuˬ-euˬ mehˬ shi saˇ kiˇ pyeuꞈ ni, caˇ dawˬ heu bymˇ aˬ yawꞈ maꞈ-ahˇ mehˬ nehˬ-awˬ.

Dawˬmehˬ 30:19

Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.

Dawˬmehˬ 4:26

Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.

Panmaeq 3:8

Nawˇ mˇ luꞈ-eu jeˬ ngaˇ siˬ nya ma. Nawˇ baoˬ ui cuiˆ ahˇ-eu ngaˇ siˬ nya ma. Ngaˬ neh mehˬ-euˬ tsoˆ-euˬ dawˬ-ahˇ nawˇ caw teh-awˇ, ngaˬ-ahˇ nawˇ saˇ jaˇ ziꞈ-eu meh. Tsawˇ haˬ tiˬ gʼaˬ-iˬ maˬ piˬ tehˬ nya-eu laˇ gʼoˆ tiˬ gʼoˆ nawˬ-euˬ mehˬ shi ngaˇ pah taˬ-euˬ ma.

Haˬbaˬkuˆ 2:11

Kaˇ pyawˇ kʼaˬ lo nawˬ-ahˇ guˇ-awˇ, daˇ kawˬ pyaꞈ dmˬ guˇ caw tehꞈ-a.

Bawˇtsahˬ 11:20

Ba la tiˬ siˬ siˬ lah ni naw maꞈ ya dzaˬ tehꞈ-a. Naw maꞈ-euˬ naˇ mehˇ-ahˇ shaˬ jiˇ doˆ le gaˇ keuˆ-awˇ, shaˬ jiˇ-ahˇ naw maꞈ nui daˆ daˆ laˇ ngeh keuˆ ni ya dzaˬ tehꞈ-a. Naw maꞈ nehˬ-ehˇ jawˇ luꞈ-eu Sahˬpaˬ Miˬyehˇ-ahˇ naw maꞈ byehˇ dzeh-awˇ, Iˇjiˇtuˆ miˇ kʼahˬ laꞈ kʼoeˇ neh maˬ doˆ le law nmˇ-aˬ gʼaˬ law hawˇ miˇ-a lehˇ aˬ yawꞈ mehˬ shi naw maꞈ toˇ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ-ahˇ ehˇ nehˬ-awˬ.”

Yawˇshuˆ 24:28

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Yawˇshuˆ bi gʼoꞈ-iˇ-awˇ, aˬ yawꞈ gʼaˬ yawꞈ, yawˬ ha-euˬ miˇ kʼahˬ-ahˇ gʼoꞈ-iˇ-euˬ meh.

Yawˇbaˆ 31:28

Kʼoeˇ loꞈ-ehˇ mˇ lehˬ-eu jeˬ-ahˇ shiˇ gaˇ keuˆ ni kʼehˬ nehˬ-eu tsaˬ tehꞈ-a. Kʼoeˇ-aˬ, Baoˬ huiˬ-eu Miˬyehˇ-ahˇ yehˬ baw sehˇ lu-ehˇ gʼeh-eu jeˬ pyeuꞈ-eu meh.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.