Yawˇshuˆ 24:25 - Akha

²⁵ Kʼoeˇ ngeh nah, Iˇsaˬleˬlaˆ tsawˇ haˬ deuˬ gʼaˇ duˬ, dawˬ ma saˇ jaˇ tiˬ hmˬ Yawˇshuˆ dzaˬ-awˇ, aˬ yawꞈ maꞈ ya caw teh-eu zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ, Sheˬkmˬ meuˬ-ahˇ aˬ yawꞈ maꞈ-ahˇ biꞈ nehˬ-euˬ meh.

Yawˇshuˆ 24:25 Referans Kwoze

Doˆ-iˇ 15:25

Moˇseˬ Sahˬpaˬ Miˬyehˇ-ahˇ guiˬ lahˬ shaˇ ngeh, Sahˬpaˬ Miˬyehˇ aˬ yawꞈ-ahˇ aˇ bawˇ tiˬ bawˇ mehˬ nehˬ-euˬ meh. Aˇ bawˇ kʼoeˇ bawˇ iˇ cuꞈ-ahˇ baꞈ puꞈ ngeh, iˇ cuꞈ paˇ kuiˇ laˇ-euˬ meh. Kʼoeˇ gaˇ, yaw dehꞈ dehꞈ gaˇ taꞈ leˇ-eu zahˇ sahˇ kʼoꞈ deuˬ hawˇ-eu zahˇ dawˬ kʼoꞈ dawˬ deuˬ, Sahˬpaˬ Miˬyehˇ aˬ yawꞈ maꞈ-ahˇ biꞈ-awˇ lawˬ haw-euˬ meh.

Neˬhaˬmiˇ 9:38

Pyeuꞈ laˇ-euˬ gaˇ kawˆ kʼoeˇ deuˬ baˬ da neh, nga maꞈ Iˇsaˬleˬlaˆ tsawˇ haˬ deuˬ bawˬ tsehˆ biˇ tsehˆ-euˬ gaˇ kawˆ boꞈ doˆ-awˇ, nga maꞈ-euˬ aˬ yuiꞈ aˬ tsu deuˬ, Leˬbiˇ tsawˇ haˬ deuˬ hawˇ-eu piˇ ma deuˬ, aˬ yawꞈ maꞈ-euˬ jmˬ diˬ-euˬ meh.

2 Laˬsaˬbaˬ 23:16

Piˇ ma Yeˬhawˇyaˬdaˬ-aˬ, sahˬ paˬ Yawˇshaˆ hawˇ-eu tsawˇ haˬ dawˬ tawˆ luꞈ-ahˇ, Sahˬpaˬ Miˬyehˇ-euˬ tsawˇ haˬ geuꞈ ma lehˇ aˬ yawꞈ nehˬ-ehˇ tiˬ kawˆ loꞈ-ehˇ dawˬ ma saˇ jaˇ bi dzaˬ-euˬ meh.

2 Sahˬpaˬ 11:17

Sahˬ paˬ hawˇ-eu tsawˇ haˬ kʼoeˇ deuˬ Sahˬpaˬ Miˬyehˇ-euˬ tsawˇ haˬ pyeuꞈ laˇ ni, Sahˬpaˬ Miˬyehˇ hawˇ-eu aˬ yawꞈ maꞈ yaw kaˬ-ahˇ, Yeˬhawˇyaˬdaˬ neh dawˬ ma saˇ jaˇ dzaˬ nehˬ-euˬ meh. Sahˬ paˬ hawˇ-eu miˇ kʼahˬ zaˬ kʼoeˇ deuˬ-euˬ yaw kaˬ-ahˇ kʼawꞈ, aˬ yawꞈ dawˬ ma saˇ jaˇ dzaˬ nehˬ-euˬ meh.

2 Laˬsaˬbaˬ 29:10

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ nui ma pehˇ-eu jeˬ byoˆ-iˇ ni, aˬ yawꞈ nehˬ-ehˇ dawˬ ma saˇ jaˇ dzaˬ-eu gʼaˇ duˬ nymˬ-mˇ ngaˇ noeˬ tsehˆ taˬ-euˬ ma.

2 Laˬsaˬbaˬ 15:15

Yuˇdaˆ miˇ kʼahˬ zaˬ dawˬ tawˆ luꞈ laˬ kʼaˬ cehˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ dawˬ ma saˇ jaˇ dzaˬ-euˬ meh. Sahˬpaˬ Miˬyehˇ-ahˇ uˬ duˬ tahˬ-eu jeˬ laꞈ kʼoeˇ aˬ yawꞈ maꞈ nui kʼahˇ shiˇ-eu miˇ neh, aˬ yawꞈ maꞈ-ahˇ Sahˬpaˬ Miˬyehˇ ha geuꞈ-awˇ, aˬ yawꞈ maꞈ-euˬ miˇ kʼahˬ yawˬ pyawˬ na luꞈ-ahˇ coꞈ ngehˇ ni gʼeh-eu jeˬ bi keuˆ le-euˬ meh.

2 Laˬsaˬbaˬ 15:12

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ ma lehˇ, aˬ yawꞈ maꞈ dawˬ ma saˇ jaˇ dzaˬ-euˬ meh.

Yawˇshuˆ 24:26

Zahˇ dawˬ kʼoꞈ dawˬ kʼoeˇ deuˬ-ahˇ, Miˬyehˇ-euˬ Zahˇ dawˬ kʼoꞈ dawˬ sahˬ boꞈ laꞈ kʼoeˇ aˬ yawꞈ boꞈ ahˇ-euˬ meh. Kʼoeˇ naˇ, huiˬ dui dui-eu kʼaˬ lo tiˬ siˬ yuˇ-awˇ, Sahˬpaˬ Miˬyehˇ-euˬ muiˬ-eu shawˇ-eu jawˇ duˬ-ahˇ, tsuiꞈ kaˆ aˇ bawˇ dawˬ pehˬ-ahˇ ka tuˇ-euˬ meh.

Yawˇshuˆ 24:1

Iˇsaˬleˬlaˆ tsawˇ jeuˬ dawˬ tawˆ luꞈ-ahˇ, Sheˬkmˬ meuˬ-ahˇ Yawˇshuˆ kuˇ uiˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, yaˇ kʼaˬ daˇ-euˬ deuˬ hawˇ-eu, yaw huiˬ yaw mahˇ deuˬ-ahˇ aˬ yawꞈ kuˇ-awˇ, Sahˬpaˬ Miˬyehˇ jawˇ gaˇ bi uiˬ laˇ-euˬ meh.

Dawˬmehˬ 29:1

Heu-aˬ, Sahˬpaˬ Miˬyehˇ neh Moˇseˬ-ahˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ nehˬ-ehˇ bi dzaˬ-euˬ dawˬ ma saˇ jaˇ dawˬ deuˬ pyeuꞈ-eu meh. Dawˬ ma saˇ jaˇ dawˬ heu deuˬ-aˬ, Siˇnaˆ gawˬ jawˬ-ahˇ Sahˬpaˬ Miˬyehˇ aˬ yawꞈ maꞈ nehˬ-ehˇ dawˬ ma saˇ jaˇ mˇ gʼaˬ miˇ tsa, yawˬ poˆ yawˬ paˇ biꞈ lahˬ-euˬ dawˬ deuˬ meh.

Doˆ-iˇ 24:3

Iˇsaˬleˬlaˆ tsawˇ haˬ deuˬ jawˇ gaˇ Moˇseˬ iˇ-awˇ, Sahˬpaˬ Miˬyehˇ neh biꞈ nehˬ-euˬ dawˬ deuˬ hawˇ-eu zahˇ sahˇ kʼoꞈ deuˬ, aˬ yawꞈ maꞈ-ahˇ dzawˇ mehˬ nehˬ-euˬ meh. Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ nga maꞈ mˇ ma” lehˇ ehˇ-eu meh.

Aˇ dahˬ 35:4

Kʼoeˇ ngeh, tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ naˬ bawˇ naˬ yoˆ deuˬ, Yaˬkoˆ-ahˇ aˬ yawꞈ maꞈ biꞈ nehˬ-euˬ meh. Myawˬ kʼoeˇ deuˬ-ahˇ Yaˬkoˆ yuˇ-awˇ, Sheˬkmˬ meuˬ dawˬ peh bawˇ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ yaꞈ-euˬ meh.