Yawˇshuˆ 24:21 - Akha

²¹ Iˇsaˬleˬlaˆ tsawˇ haˬ deuˬ ehˇ-eu, “Kʼoeˇ loꞈ-ehˇ maˬ ngeuˇ. Sahˬpaˬ Miˬyehˇ-ahˇ nga maꞈ uˬ duˬ tahˬ ma.”

Yawˇshuˆ 24:21 Referans Kwoze

Iˇsaˬyaˇ 44:5

“Ngaˇ Sahˬpaˬ Miˬyehˇ-euˬ tsawˇ haˬ ma lehˇ, tiˬ gʼaˬ saˇ-i tiˬ gʼaˬ ehˇ-awˇ, Iˇsaˬleˬlaˆ tsawˇ jeuˬ jawˇ gaˇ, aˬ yawꞈ maꞈ jawˇ ahˇ laˇ tehꞈ-a. Aˬ yawꞈ maꞈ yawˬ gʼaˬ yawˬ na luꞈ-euˬ laꞈ du-ahˇ, Sahˬpaˬ Miˬyehˇ-euˬ tsawˇ myahˇ boꞈ taˬ-awˇ, Miˬyehˇ-euˬ tsawˇ haˬ ma lehˇ yawˬ haˇ yawˬ ha myahˇ tehꞈ-a.”

Doˆ-iˇ 20:19

Kʼoeˇ ngeh, Moˇseˬ-ahˇ aˬ yawꞈ maꞈ ehˇ nehˬ-eu, “Nawˬ-euˬ gʼawˇ mawˇ nga maꞈ-ahˇ dawˬ ngehˬ cawˬ naˇ, nga maꞈ naˇ haˬ ma. Ehˇ kʼawꞈ, Miˬyehˇ nga maꞈ-ahˇ dawˬ ngehˬ cawˬ laˇ naˇ, nga maꞈ shiˇ laˇ gaˇ guˆ-eu miˇ neh, maˬ naˇ haˬ peuˬ nya.”

Doˆ-iˇ 19:8

Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ-euˬ loꞈ-ehˇ nga maꞈ mˇ ma” lehˇ ehˇ-awˇ, gaˇ kawˆ kʼoeˇ Sahˬpaˬ Miˬyehˇ-ahˇ Moˇseˬ paˇ tsaꞈ nehˬ leˇ-euˬ meh.

Dawˬmehˬ 26:17

“Sahˬpaˬ Miˬyehˇ-aˬ, nawˬ-euˬ Miˬyehˇ ma lehˇ nawˇ ehˇ tsehˆ-eu laꞈ kʼoeˇ, aˬ yawꞈ-euˬ ehˇ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-eu uˬ taꞈ, aˬ yawꞈ neh dawˬ kʼaˇ biꞈ taˬ-eu loꞈ-ehˇ dawˬ tawˆ luꞈ mˇ ma lehˇ nawˇ saˇ jaˇ dzaˬ gʼaˬ taˬ-euˬ meh.

Doˆ-iˇ 24:7

Kʼoeˇ naˇ, Sahˬpaˬ Miˬyehˇ-euˬ dawˬ boꞈ ahˇ taˬ-euˬ dawˬ ma saˇ jaˇ sahˬ boꞈ yuˇ-awˇ, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ guˇ-awˇ gui mehˬ nehˬ-euˬ meh. Kʼoeˇ ngeh, “Sahˬpaˬ Miˬyehˇ-euˬ ehˇ dawˬ nga maꞈ naˇ haˬ geuꞈ-awˇ, aˬ yawꞈ neh kʼaˇ ehˇ taˬ-euˬ yawˬ jeˬ na luꞈ mˇ ma” lehˇ, aˬ yawꞈ maꞈ ehˇ-eu meh.

Doˆ-iˇ 24:3

Iˇsaˬleˬlaˆ tsawˇ haˬ deuˬ jawˇ gaˇ Moˇseˬ iˇ-awˇ, Sahˬpaˬ Miˬyehˇ neh biꞈ nehˬ-euˬ dawˬ deuˬ hawˇ-eu zahˇ sahˇ kʼoꞈ deuˬ, aˬ yawꞈ maꞈ-ahˇ dzawˇ mehˬ nehˬ-euˬ meh. Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ nga maꞈ mˇ ma” lehˇ ehˇ-eu meh.

Yawˇshuˆ 24:20

Naw maꞈ aˬ yawꞈ-ahˇ byehˇ dzeh-awˇ, boeˇ miˬ shiˬ kʼaˬ deuˬ-euˬ miˬ yehˇ deuˬ-ahˇ uˬ duˬ tahˬ naˇ, aˬ yawꞈ naw maꞈ-ahˇ nui ma pehˇ-awˇ, kʼehˬ nehˬ kʼaˆ nehˬ laꞈ tehꞈ-a. Dzeuˇ laˇ ngeh, naw maꞈ kʼoeˇ taˆ aˬ yawꞈ aˇ naˆ ni muiˬ-eu ehˇ kʼawꞈ, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a.”

Yawˇshuˆ 24:22

Aˬ yawꞈ maꞈ-ahˇ Yawˇshuˆ ehˇ nehˬ-eu, “Sahˬpaˬ Miˬyehˇ-ahˇ naw maꞈ uˬ duˬ tahˬ ma lehˇ noeˬ tsehˆ-euˬ gaˇ kawˆ, naw maꞈ yawˬ haˇ yawˬ ha saˇ kiˇ pyeuꞈ-eu meh.” Aˬ yawꞈ maꞈ ehˇ-eu, “Ngeuˇ ma. Nga maꞈ saˇ kiˇ pyeuꞈ-eu ma.”