Yawˇshuˆ 24:19 - Akha

¹⁹ Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Ehˇ kʼawꞈ, Sahˬpaˬ Miˬyehˇ-ahˇ naw maꞈ uˬ duˬ maˬ tahˬ nya-eu paˬ. Aˬ yawꞈ-aˬ, muiˬ-eu shawˇ-eu Miˬyehˇ pyeuꞈ-awˇ, naw maꞈ-euˬ iˬ baˇ-ahˇ maˬ pyehˬ nehˬ-a. Miˬ yehˇ nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ iˬ baˇ maˬ pyehˬ nehˬ nya-a.

Yawˇshuˆ 24:19 Referans Kwoze

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Jaceuq 99:9

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˇ, aˬ yawꞈ-euˬ muiˬ-euˬ shawˇ-eu gawˬ jawˬ-ahˇ, aˬ yawꞈ-ahˇ uˬ duˬ tahˬ leˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, muiˬ dui shawˇ dui dui-eu gʼaˬ meh.

Jaceuq 99:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ nuiˇ mahˬ mehˬ shi uˬ duˬ tahˬ-awˬ. Aˬ yawꞈ-aˬ Muiˬ-eu shawˇ-eu gʼaˬ meh.

Uˬ duˬ 19:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, yaw muiˬ yaw shawˇ ma.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

1 Saˬmeuˬlaˆ 6:20

Kʼoeˇ naˇ, Behˬsheˬmehˇ meuˬ-ahˇ jawˇ-eu tsawˇ haˬ deuˬ ehˇ-eu, “Muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi aˬ suˇ gʼaˬ jawˇ tehˬ peuˬ nmˇ. Aˬ yawꞈ-ahˇ aˬ dui-euˬ dawˬ peh maˬ bi jawˇ ni aˬ geu paw bi iˇ nmˇ.”

Doˆ-iˇ 34:14

“Miˬ yehˇ nui taw nui gʼaˬ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˬ-euˬ mehˬ shi, miˬ yehˇ nui gʼaˬ ngaˇ maˬ bi jawˇ nya-a.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Iˇsaˬyaˇ 30:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. “Ngaˇ jawˇ gaˇ gʼoꞈ laˇ-awˇ gʼaˬ naˬ naˬ laˇ-awˬ. Guˆ-eu gaˆ-eu jeˬ-ahˇ naw maꞈ dzeuˇ-iˇ tehꞈ-a. Ciˬ cuˇ ni jawˇ-awˇ ngaˬ-ahˇ gʼoe ngeh, naw maꞈ gʼaˬ ahˇ laˇ tehꞈ-a. Ehˇ kʼawꞈ, naw maꞈ kʼoeˇ loꞈ-ehˇ maˬ geuꞈ-a.

Iˇsaˬyaˇ 30:11

“Nga maꞈ cah-eu gaˇ ma-ahˇ taˬ laˆ tsoeˬ Iˇsaˬleˬlaˆ-euˬ muiˬ-eu shawˇ-eu Miˬyehˇ gaˇ kawˆ, nga maꞈ maˬ gaˬ mawꞈ nya” lehˇ ehˇ-eu meh.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

1 Saˬmeuˬlaˆ 3:14

Huiˬ dui dui-eu iˬ baˇ heu hmˬ baˬ da neh keuˆ le-eu luˬ-iˇ seˇ-iˇ-eu jeˬ-ahˇ ya buˬ-iˇ ni, lawˇ-eu shehˇ-eu jeˬ hawˇ-eu damˬ nehˬ-eu jeˬ neh maˬ paˇ jahˇ dzeuˇ nya meh lehˇ, Eˇliˆ-euˬ nymˇ jiˇ-ahˇ ngaˇ maˇ jawˆ ni ehˇ nehˬ taˬ-euˬ ma.”

Luˇta 1:15

Nawˇmi ehˇ-eu, “Luˇta-oˇ, nawˬ uiˬ Awˇpaˬ-aˬ, yawˬ ha-euˬ tsawˇ jeuˬ tsawˇ ca hawˇ-eu, yawˬ ha-euˬ Miˬyehˇ jawˇ gaˇ gʼoꞈ-iˇ-euˬ maˬ ngeuˇ-a loˇ. Nawˇ gʼeh aˬ yawꞈ nehˬ-ehˇ gʼoꞈ-iˇ-awˬ.”

Yawˇshuˆ 24:23

Yawˇshuˆ ehˇ-eu, “Toˆ-ehˇ maˇ-iˬ, naw maꞈ nehˬ-ehˇ jaˆ luꞈ-eu boeˇ miˬ shiˬ kʼaˬ-euˬ miˬ yehˇ deuˬ-ahˇ byehˇ dzeh-awˇ, Iˇsaˬleˬlaˆ tsawˇ haˬ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ ma lehˇ kamˬ-awˬ.”

Uˬ duˬ 20:26

Naw maꞈ-aˬ, ngaˬ-ahˇ tehꞈ-ehˇ taꞈ leˇ-eu muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, yaw muiˬ yaw shawˇ ma. Naw maꞈ ngaˬ-ahˇ tehꞈ-ehˇ taꞈ-eu tsawˇ jeuˬ pyeuꞈ laˇ ni, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ ngaˇ tseˇ doˆ taˬ-euˬ ma.

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Doˆ-iˇ 34:7

Ngaˬ-euˬ saˇ jaˇ-aˬ, tsawˇ haˬ zaˬ-euˬ ziˇ aˇ heˇ aˇ muiˇ ziˇ keuˆ ni ziꞈ-awˇ, maˬ muiˬ maˬ jaˬ-eu jeˬ hawˇ-eu iˬ baˇ-ahˇ ngaˇ oˇ dzeuˇ nya-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ iˬ baˇ mˇ-eu baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ ma deuˬ-ahˇ, smˬ ziˇ oeˬ ziˇ keuˆ ni, maˬ bi dzeuˇ-iˇ ni ngaˇ kʼehˬ nehˬ ma.”

Uˬ duˬ 20:7

Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Yawˇshuˆ 24:18

Miˇ kʼahˬ heu kʼahˬ-ahˇ nga maꞈ laˇ uˇ laꞈ ngeh, heu gaˇ jawˇ-eu Aˬmawˇliˆ tsawˇ haˬ dawˬ tawˆ luꞈ-ahˇ aˬ yawꞈ teh doˆ-euˬ meh. Kʼoeˇ miˇ neh, nga maꞈ kʼawꞈ Sahˬpaˬ Miˬyehˇ-ahˇ uˬ duˬ tahˬ ma. Aˬ yawꞈ-aˬ, Miˬyehˇ pyeuꞈ-eu meh.”

Jaceuq 99:3

Baoˬ yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ tehꞈ-a. Aˬ yawꞈ-aˬ, Muiˬ-eu shawˇ-eu gʼaˬ meh.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Uˬ duˬ 11:44

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ muiˬ-eu shawˇ-eu tsawˇ haˬ pyeuꞈ ni, yawˬ ha-euˬ gʼawˇ mawˇ-ahˇ laˆ saˆ geuꞈ-awˬ. Aˬ jeˬ miˇ neh ehˇ naˇ, ngaˇ yaw muiˬ yaw shawˇ ma.

Uˬ duˬ 11:45

Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.

Iˇsaˬyaˇ 2:9

Kʼoeˇ miˇ neh yawˬ gʼaˬ na luꞈ daˬ ga-awˇ, myaˆ pyawˬ ciˬ zaꞈ kʼaˇ maˬ za ni ya shaˬ tehꞈ-a. Sahˬpaˬ Miˬyehˇ-oˇ, aˬ yawꞈ maꞈ-ahˇ iˬ baˇ taˬ pyehˬ nehˬ.