Yawˇshuˆ 24:1 - Akha

¹ Iˇsaˬleˬlaˆ tsawˇ jeuˬ dawˬ tawˆ luꞈ-ahˇ, Sheˬkmˬ meuˬ-ahˇ Yawˇshuˆ kuˇ uiˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, yaˇ kʼaˬ daˇ-euˬ deuˬ hawˇ-eu, yaw huiˬ yaw mahˇ deuˬ-ahˇ aˬ yawꞈ kuˇ-awˇ, Sahˬpaˬ Miˬyehˇ jawˇ gaˇ bi uiˬ laˇ-euˬ meh.

Yawˇshuˆ 24:1 Referans Kwoze

Yawˇshuˆ 23:2

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, yaˇ kʼaˬ daˇ-eu deuˬ hawˇ-eu, yaw huiˬ yaw mahˇ deuˬ nehˬ-ehˇ tiˬ kawˆ loꞈ-ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Nymˬ-mˇ ngaˇ tsawˇ mawˬ mawˬ dui dui le-euˬ ma.

1 Saˬmeuˬlaˆ 10:19

Ngaˇ-aˬ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ laꞈ kʼoeˇ neh, naw maꞈ-ahˇ ka kʼoꞈ nehˬ-euˬ gʼaˬ pyeuꞈ-eu naw maꞈ-euˬ Miˬyehˇ ma. Ehˇ kʼawꞈ, naw maꞈ iˬ nah ngaˬ-ahˇ byehˇ dzeh-awˇ, sahˬ paˬ tiˬ gʼaˬ biꞈ nehˬ laꞈ lehˇ shaˇ-eu nga lehˇ ehˇ-eu meh. Teu miˇneh, yawˬ ha aˇ jeuˬ aˇ ca yawˬ ha jawˇ duˬ yuˇ-awˇ, Sahˬpaˬ Miˬyehˇ-euˬ mehˬ shi uiˬ laˇ-awˬ.”

Gʼaˬkʼehˇ 10:33

Kʼoeˇ miˇ neh, tiˬ poˆ tehꞈ-ehˇ nawˬ-ahˇ bi kuˇ laˬ le-euˬ ma. Nawˇ nui ma keuˆ-awˇ laˇ nehˬ laꞈ-euˬ guiˬ lahˬ huiˬ miˇ-a. Nymˬ-mˇ nga maꞈ dawˬ tawˆ luꞈ, heu gaˇ Miˬyehˇ mehˬ shi uiˬ laˇ taˬ-awˇ, Sahˬpaˬ Miˬyehˇ neh nawˬ-ahˇ mehˬ nehˬ tsoˆ nehˬ-awˇ bi ngehˬ-euˬ dawˬ deuˬ-ahˇ naˇ haˬ-eu lehˇ dawˬ luꞈ-eu ma.”

1 Sahˬpaˬ 12:1

Leˬhawˇbamˬ-ahˇ sahˬ paˬ ka nehˬ-eu gʼaˇ duˬ, Iˇsaˬleˬlaˆ miˇ kʼahˬ laꞈ taˆ paw pyawˬ-ahˇ jawˇ-eu tsawˇ haˬ deuˬ uiˬ leˇ taˬ-euˬ Sheˬkmˬ meuˬ-ahˇ Leˬhawˇbamˬ le-euˬ meh.

Aˇ dahˬ 12:6

Sheˬkmˬ meuˬ-euˬ muiˬ-eu shawˇ-eu jawˇ duˬ-ahˇ jaˆ-eu muiˬ-eu shawˇ-eu Mawˇleh aˇ bawˇ-ahˇ maˬ iˇ keuˆ kʼoeˇ keuˆ ni, tiˬ gaˇ saˇ-iˬ tiˬ gaˇ iˇ gʼeh-euˬ meh. Aˇ yamˬ kʼoeˇ yamˬ-ahˇ, Kaˬnaˬ miˇ kʼahˬ laꞈ kʼoeˇ Kaˬnaˬ tsawˇ jeuˬ jawˇ luꞈ-eu meh.

Aˇ dahˬ 35:4

Kʼoeˇ ngeh, tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ naˬ bawˇ naˬ yoˆ deuˬ, Yaˬkoˆ-ahˇ aˬ yawꞈ maꞈ biꞈ nehˬ-euˬ meh. Myawˬ kʼoeˇ deuˬ-ahˇ Yaˬkoˆ yuˇ-awˇ, Sheˬkmˬ meuˬ dawˬ peh bawˇ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ yaꞈ-euˬ meh.

Dawˬmehˬ 29:9

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, baw le za le ni, dawˬ ma saˇ jaˇ dawˬ heu deuˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ-awˬ.

Yawˇshuˆ 20:7

Kʼoeˇ naˇ, Yawˇdaˬ lawˇ baˬ nahˇ ma ga kʼehˬ paw, Naˬtaˬliˇ miˇ kʼahˬ gawˬ jawˬ gawˬ duˇ paw Gaˬliˬlehˇ gahˬ kaˬ-ahˇ jaˆ-eu Geˬdeˬshaˆ meuˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Sheˬkmˬ meuˬ, Yuˇdaˆ miˇ kʼahˬ gawˬ jawˬ gawˬ duˇ paw jaˆ-eu Heˬbyoˬ meuˬ heu deuˬ aˬ yawꞈ maꞈ tseˇ doˆ-euˬ meh.

Yaˇ kʼaˬ daˇ 20:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ Beˬdeˬlaˇ meuˬ-ahˇ le-awˇ tsawˇ ngoeˇ ngoeˇ leˇ-euˬ meh. Kʼoeˇ gaˇ, Sahˬpaˬ Miˬyehˇ-euˬ mehˬ shi aˬ yawꞈ maꞈ nuiˇ-awˇ, uˬ ciꞈ paw keuˆ ni maˬ dzaˬ maˬ dawˇ-ehˇ jawˇ-euˬ meh. Cawˬ cawˬ taꞈ-eu lawˇ-eu jeˬ hawˇ-eu, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ heu deuˬ dawˬ tawˆ luꞈ, Sahˬpaˬ Miˬyehˇ-euˬ mehˬ shi aˬ yawꞈ maꞈ lawˇ-euˬ meh.

2 Sahˬpaˬ 23:1

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu aˬ yuiꞈ aˬ tsu deuˬ-ahˇ, Yawˇshiˆ neh kuˇ uiˬ jiˇ-euˬ meh.