Yawˇshuˆ 23:5 - Akha

⁵ Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh, tsawˇ jeuˬ kʼoeˇ deuˬ-ahˇ naw maꞈ-euˬ mehˬ shi bi jiˆ pawˇ-awˇ, naw maꞈ le gʼeh leꞈ-eu mehˬ hu, aˬ yawꞈ maꞈ-ahˇ teh doˆ nehˬ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ maꞈ-euˬ miˇ kʼahˬ naw maꞈ za tehꞈ-a.

Yawˇshuˆ 23:5 Referans Kwoze

Yawˇshuˆ 13:6

Miˇ kʼahˬ heu laꞈ kʼoeˇ, Leˬbaˬnoˬ gawˬ jawˬ deuˬ hawˇ-eu Miˇsaˬleˬpawˇmeˬ meuˬ yaw kaˬ-ahˇ jaˆ-eu gawˬ jawˬ gawˬ duˇ doe ni jawˇ-eu Siˇdoˬ tsawˇ haˬ deuˬ-euˬ miˇ kʼahˬ dawˬ tawˆ luꞈ ahˇ leˇ taˬ-euˬ meh. Iˇsaˬleˬlaˆ tsawˇ jeuˬ le gʼeh leꞈ-eu nehˬ-ehˇ, tsawˇ jeuˬ kʼoeˇ deuˬ-ahˇ ngaˇ teh doˆ ma. Ngaˬ neh nawˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ jeuˬ deuˬ-ahˇ nawˇ miˇ kʼahˬ ya biꞈ nehˬ meh.

Dawˬmehˬ 11:23

Naw maꞈ le gʼeh leꞈ-eu nehˬ-ehˇ, tsawˇ jeuˬ kʼoeˇ deuˬ dawˬ tawˆ luꞈ-ahˇ aˬ yawꞈ teh doˆ-awˇ, naw maꞈ myaˆ maˬ tseˇ myaˬ dzehˬ-awˇ gʼaˬ kʼaˆ dzehˬ-eu tsawˇ jeuˬ kʼoeˇ deuˬ jawˇ-eu miˇ kʼahˬ kʼoeˇ kʼahˬ, naw maꞈ za tehꞈ-a.

Doˆ-iˇ 34:11

Iˬ nah naw maꞈ-ahˇ ngaˇ biꞈ-eu lehˇ lehˬ hmˬ taˬ-euˬ zahˇ dawˬ kʼoꞈ dawˬ heu deuˬ-ahˇ naˇ haˬ geuꞈ-awˬ. Mehˬ hu paw naw maꞈ le ngeh, Aˬmoˬ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Peˬyehˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ ngaˇ teh doˆ ma.

Doˆ-iˇ 33:2

Naw maꞈ-ahˇ bi sheuˬ gʼeh-eu gʼaˇ duˬ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma. Kaˬnaˬ tsawˇ jeuˬ maˬ ehˇ, Heˬtaˆ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, ngaˇ teh doˆ ma.

Doˆ-iˇ 23:20

“Ngaˬ neh laˆ saˆ taˬ-euˬ jawˇ duˬ-ahˇ naw maꞈ-ahˇ sheuˬ keuˆ nehˬ-eu gʼaˇ duˬ maˬ ehˇ, gaˇ pehˇ-ahˇ iˇ luꞈ ngeh, naw maꞈ-ahˇ bi haw piˇ-eu gʼaˇ duˬ maˬ ehˇ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma.

Yaˇ kʼaˬ daˇ 2:21

Yawˇshuˆ shiˇ naˇ, miˇ kʼahˬ heu kʼahˬ laꞈ kʼoeˇ kʼaˇ jawˇ luꞈ-eu aˬ cawˬ tsawˇ jeuˬ deuˬ-ahˇ ngaˇ maˬ paˇ teh doˆ nehˬ ma.