Yawˇshuˆ 23:3 - Akha

³ Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh, naw maꞈ gʼaˇ duˬ aˬ cawˬ tsawˇ jeuˬ heu deuˬ dawˬ tawˆ luꞈ-ahˇ jahˇ nehˬ-euˬ yawˬ jeˬ na luꞈ naw maꞈ ya mawˇ-euˬ meh. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ guiˇ deuˆ-euˬ meh.

Yawˇshuˆ 23:3 Referans Kwoze

Doˆ-iˇ 14:14

Naw maꞈ tiˬ jeˬ-iˬ jahˇ-eu maˬ loˬ-a. Naw maꞈ gʼaˇ duˬ Sahˬpaˬ Miˬyehˇ guiˇ deuˆ tehꞈ-a.”

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Yawˇshuˆ 10:14

Dzeuˇ laˇ-euˬ mehˬ nah paw maˬ ehˇ, aˬ kaˇ dehꞈ daˆ leꞈ-eu mehˬ hu paw maˬ ehˇ, tsawˇ haˬ zaˬ tiˬ gʼaˬ-euˬ ehˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-euˬ aˇ nah kʼoeˇ nah loꞈ-ehˇ gʼeh-eu aˇ nah tiˬ nah-iˬ maˬ jaˆ haw-aˬ. Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ paw pyawˬ-awˇ guiˇ deuˆ-euˬ meh.

Maˬlaˬkiˇ 1:5

Kʼoeˇ loꞈ-ehˇ pyeuꞈ laˇ gaˇ Iˇsaˬleˬlaˆ taawˇ haˬ deuˬ ya mawˇ duˬ-awˇ, “Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ laꞈ nyiˇ paw kʼawꞈ baoˬ ahˇ law hawˇ nga” lehˇ ehˇ tehꞈ-a.

Dawˬmehˬ 20:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ iˇ-awˇ, naw maꞈ gʼaˬ leˇ tehꞈ-a’ lehˇ ya ehˇ meh.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 1:30

‘Tsawˇ haˬ kʼoeˇ deuˬ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ gʼeh-awˇ, Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ naw maꞈ ya mawˇ-euˬ loꞈ-ehˇ, tsawˇ haˬ kʼoeˇ deuˬ-ahˇ kʼawꞈ, naw maꞈ gʼaˇ duˬ aˬ yawꞈ guiˇ deuˆ tehꞈ-a.

Yawˇshuˆ 23:10

Naw maꞈ tsawˇ haˬ aˬ geu gʼaˬ maˬ kaˬ, aˬ cawˬ tsawˇ haˬ tiˬ heˇ gʼaˬ cehˆ byoˆ ni jahˇ nya tehꞈ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ gʼaˇ duˬ aˬ yawꞈ guiˇ deuˆ luꞈ-eu meh.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Doˆ-iˇ 19:4

“Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ-awˇ, kʼaˬ dzeˇ dzeˇ ma tiˬ mawˇ, yawˬ ha-euˬ zaˬ-ahˇ aˬ dahˇ kʼoeˇ taˆ euˬ-awˇ zaw gʼeh-eu loꞈ-ehˇ, ngaˇ jawˇ-eu jawˇ duˬ heu tsahˇ-ahˇ, naw maꞈ-ahˇ ngaˇ sheuˬ doˆ laꞈ-euˬ naw maꞈ siˬ nya-eu meh.

Dawˬmehˬ 7:17

“Tsawˇ haˬ heu deuˬ naw maꞈ myaˆ maˬ tseˇ myaˬ dzehˬ-eu miˇ neh maˬ teh doˆ nya luꞈ-a lehˇ naw maꞈ yawˬ haˇ yawˬ ha taˬ ehˇ.

Dawˬmehˬ 7:24

Aˬ yawꞈ maꞈ-euˬ sahˬ paˬ naw maꞈ-euˬ laꞈ-ahˇ ahˇ le ni aˬ yawꞈ jahˇ tehꞈ-a. Sahˬpaˬ kʼoeˇ deuˬ-ahˇ naw maꞈ sehꞈ-awˇ, aˬ cawˬ aˬ yawꞈ maꞈ-ahˇ ya ngehˇ jiˇ gaˇ keuˆ tehꞈ-a. Tsawˇ haˬ tiˬ gʼaˬ-iˬ naw maꞈ-ahˇ maˬ laˆ tsoeˬ nya-eu uˬ taꞈ, yawˬ gʼaˬ na luꞈ-ahˇ naw maꞈ laˆ luˬ laˆ seˇ nehˬ tehꞈ-a.