Yawˇshuˆ 23:16 - Akha

¹⁶ Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ ma saˇ jaˇ laꞈ kʼoeˇ naw maꞈ maˬ ziꞈ-ehˇ, miˬ yehˇ nui deuˬ-ahˇ naw maꞈ caw teh-awˇ uˬ duˬ tahˬ naˇ, aˬ yawꞈ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ-awˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ, aˬ yawꞈ neh biꞈ laꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ naw maꞈ tiˬ gʼaˬ-iˬ maˬ jawˇ-ehˇ piˬ-iˇ byoˆ-iˇ jiˇ tehꞈ-a.”

Yawˇshuˆ 23:16 Referans Kwoze

2 Sahˬpaˬ 24:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu, Yuˇdaˆ miˇ kʼahˬ zaˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ taˬ-euˬ miˇ neh, aˬ yawꞈ maˬ mawˇ gaˇ bi iˇ byoˆ gʼeh-euˬ meh.

1 Sahˬpaˬ 14:15

Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-awˇ, iˇ cuꞈ iˇ kʼawˇ neh bi sheu nyeh-euˬ aˇ toꞈ aˇ kahˬ loꞈ-ehˇ bi sheu nyeh tehꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh biꞈ nehˬ-euˬ muiˬ-eu miˇ tsaˬ heu tsahˇ-ahˇ neh, Iˇsaˬleˬlaˆ tsawˇ haˬ deuˬ-ahˇ aˬ yawꞈ puˇ ngawˬ ngawˬ lehˆ doˆ-awˇ, Uˇpaˬlaˇ lawˇ baˬ nui baˬ paw bi cehˆ byaˆ jiˇ tehꞈ-a. Aˬ jeˬ miˇ neh ehˇ naˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ aˬ yawꞈ maꞈ tehˆ-awˇ, aˬ yawꞈ nui ma pehˇ ni mˇ-euˬ meh.

2 Sahˬpaˬ 17:7

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ Iˇjiˇtuˆ sahˬ paˬ-euˬ aˬ laꞈ laꞈ kʼoeˇ neh ka kʼoꞈ-awˇ sheuˬ doˆ nehˬ-euˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi iˬ baˇ mˇ-euˬ miˇ neh, Saˬmaˬliˆ meuˬ-ahˇ aˬ cawˬ neh bi deuˆ gʼaˬ-euˬ meh. Miˬyehˇ nui deuˬ-ahˇ aˬ yawꞈ maꞈ uˬ duˬ tahˬ-euˬ meh.

Yeˬlaˬmiˇ 32:24

“Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.

Bawˇtsahˬ 33:56

Aˬ yawꞈ maꞈ-ahˇ naw maꞈ maˬ teh doˆ naˇ, aˬ yawꞈ maꞈ-ahˇ laˆ luˬ laˆ seˇ nehˬ-eu gʼaˇ duˬ ngaˇ lehˬ hmˬ taˬ-euˬ loꞈ-ehˇ, naw maꞈ-ahˇ ngaˇ laˆ luˬ laꞈ seˇ ma lehˇ ehˇ nehˬ-awˬ.”

Dawˬmehˬ 6:15

Miˬyehˇ nui gʼaˬ-ahˇ naw maꞈ uˬ duˬ tahˬ naˇ, Sahˬpaˬ Miˬyehˇ nui ma pehˇ-eu jeˬ miˬ dzaˬ loꞈ-ehˇ naw maꞈ kʼoeˇ taˆ keuˆ le-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nehˬ-ehˇ jawˇ-eu naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, myaˆ naˆ-eu Miˬyehˇ pyeuꞈ-eu meh.

Dawˬmehˬ 28:15

“Ehˇ kʼawꞈ, iˬ nah ngaˇ nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu aˬ yawꞈ neh biꞈ-euˬ dawˬ deuˬ -ahˇ nawˇ saˇ jaˇ ziꞈ-eu laꞈ kʼoeˇ maˬ caw teh naˇ, maˬ muiˬ maˬ jaˬ-eu heu deuˬ dawˬ tawˆ luꞈ nawˬ-euˬ kʼoeˇ taˆ keuˆ le tehꞈ-a.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.

Yaˇ kʼaˬ daˇ 2:20

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ ehˇ-eu, “Tsawˇ jeuˬ heu jeuˬ-aˬ, aˬ yawꞈ maꞈ bi caw teh-eu gʼaˇ duˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ dawˬ ma saˇ jaˇ-ahˇ puiˬ-eu nga. Aˬ jeˬ miˇ neh ehˇ naˇ, ngaˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-a.

1 Saˬmeuˬlaˆ 12:25

Ehˇ kʼawꞈ, naw maꞈ iˬ baˇ mˇ daˆ leꞈ naˇ, naw maꞈ hawˇ-eu naw maꞈ-euˬ sahˬ paˬ ya luˬ ya seˇ-iˇ tehꞈ-a.”

1 Sahˬpaˬ 9:6

Ehˇ kʼawꞈ, nawˇ maˬ ehˇ, nawˬ-euˬ zaˬ deuˬ uˆ deuˬ maˬ ehˇ, ngaˬ-euˬ mehˬ nah maˬ caw teh ni byehˇ-awˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh ehˇ-euˬ dawˬ-ahˇ naw maꞈ maˬ naˇ haˬ-ehˇ, miˬyehˇ nui deuˬ-ahˇ uˬ duˬ tahˬ naˇ,

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

Iˇsaˬyaˇ 24:5

Miˇ tsaˬ zaˬ deuˬ zahˇ dawˬ kʼoꞈ dawˬ-ahˇ byehˇ dzeh-awˇ, zahˇ sahˇ kʼoꞈ-ahˇ maˬ caw teh-ehˇ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-ahˇ puiˬ-euˬ miˇ neh, miˇ tsaˬ tahˬ kʼawˇ-ahˇ laˆ jawꞈ dui dui-euˬ meh.

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.