Biblia Todo Logo
Bib sou entènèt

- Piblisite -




Yawˇshuˆ 23:15 - Akha

15 Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ yaw muiˬ jeˬ dawˬ tawˆ luꞈ, naw maꞈ kʼoeˇ taˆ mˇ byah nehˬ-euˬ loꞈ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ, naw maꞈ luˬ-iˇ seˇ-iˇ jiˇ ngeh keuˆ ni, yaw doeˇ jeˬ dawˬ tawˆ luꞈ naw maꞈ kʼoeˇ taˆ Sahˬpaˬ Miˬyehˇ bi keuˆ le tehꞈ-a.

Gade chapit la Kopi




Yawˇshuˆ 23:15
18 Referans Kwoze  

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.


Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-euˬ mehˬ shi iˬ baˇ mˇ-euˬ miˇ neh, Piˇliˇtiˆ tsawˇ haˬ deuˬ neh aˬ yawꞈ maꞈ-ahˇ oeˬ tseˇ kʼoꞈ Sahˬpaˬ Miˬyehˇ bi uˆ lahˇ-euˬ meh.


Iˇsaˬleˬlaˆ tsawˇ jeuˬ, Sahˬpaˬ Miˬyehˇ mehˬ shi iˬ baˇ paˇ mˇ-euˬ meh. Kʼoeˇ miˇ neh, Miˇdiˬyaˬ tsawˇ jeuˬ-ahˇ aˬ yawꞈ maꞈ kʼoeˇ taˆ, shiꞈ kʼoꞈ byah ni Sahˬpaˬ Miˬyehˇ neh bi uˆ lahˇ-euˬ meh.


Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ laˇ-awˇ, Maˬsoˬpoˬtaˬmiˇ sahˬ paˬ Kuˇshaˬliˇshaˬdeˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, yehꞈ kʼoꞈ byah ni bi uˆ lahˇ-euˬ meh.


Iˇsaˬleˬlaˆ tsawˇ jeuˬ, Sahˬpaˬ Miˬyehˇ-euˬ mehˬ shi iˬ baˇ mˇ poˆ-euˬ meh. Kʼoeˇ miˇ neh, Sahˬpaˬ Miˬyehˇ-aˬ, Mawˇbaˆ sahˬ paˬ Eˇgaˬloˬ-ahˇ, Iˇsaˬleˬlaˆ tsawˇ jeuˬ naˆ maˬ tseˇ gʼaˬ bi kʼaˆ dzehˬ laˇ-euˬ meh.


“Saˇ jaˇ dzaˬ taˬ-euˬ jaˆ-eu loꞈ-ehˇ aˬ yawꞈ-euˬ tsawˇ haˬ deuˬ-ahˇ nui saˇ oꞈ-eu jeˬ biꞈ-eu Sahˬpaˬ Miˬyehˇ-ahˇ ja ceuˬ-awˬ. Moˇseˬ-ahˇ gʼoe-awˇ aˬ yawꞈ neh biꞈ taˬ-euˬ saˇ jaˇ dawˬ tawˆ luꞈ-ahˇ aˬ yawꞈ ziꞈ luꞈ meh.


Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-awˇ, iˇ cuꞈ iˇ kʼawˇ neh bi sheu nyeh-euˬ aˇ toꞈ aˇ kahˬ loꞈ-ehˇ bi sheu nyeh tehꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh biꞈ nehˬ-euˬ muiˬ-eu miˇ tsaˬ heu tsahˇ-ahˇ neh, Iˇsaˬleˬlaˆ tsawˇ haˬ deuˬ-ahˇ aˬ yawꞈ puˇ ngawˬ ngawˬ lehˆ doˆ-awˇ, Uˇpaˬlaˇ lawˇ baˬ nui baˬ paw bi cehˆ byaˆ jiˇ tehꞈ-a. Aˬ jeˬ miˇ neh ehˇ naˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ aˬ yawꞈ maꞈ tehˆ-awˇ, aˬ yawꞈ nui ma pehˇ ni mˇ-euˬ meh.


Miˇ tsaˬ tahˬ kʼawˇ-ahˇ Miˬyehˇ yaˬ kehˇ yaˬ-eu miˇ neh, iˬ baˇ naꞈ-eu miˇ tsaˬ zaˬ teˬ le byoˆ le-awˇ, ui cuiˆ tehꞈ-ehˇ dzeuˇ-iˇ-eu meh.


“Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.


Kʼoeˇ miˇ neh, Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ neh, naw maꞈ kʼoeˇ taˆ bi keuˆ le ma lehˇ saˇ jaˇ dzaˬ taˬ-euˬ luˬ-iˇ seˇ-iˇ-eu jeˬ, nymˬ-mˇ bi keuˆ le ma. Ngaˇ naw maꞈ-ahˇ dawˬ ngehˬ cawˬ ngeh naw maꞈ maˬ naˇ haˬ-ehˇ, ngaˇ kuˇ ngeh naw maꞈ oˬ maˬ toˬ-eu miˇ neh, ngaˇ kʼoeˇ loꞈ-ehˇ jahˇ ma.”


“Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˇ yaw dehꞈ dehꞈ naˇ,


“Tsawˇ haˬ heu deuˬ kʼoeˇ taˆ guˆ-eu gaˆ-eu jeˬ heu, ngaˬ neh bi keuˆ le-euˬ loꞈ-ehˇ, ngaˬ neh saˇ jaˇ kʼaˇ dzaˬ taˬ-euˬ yaw muiˬ jeˬ dawˬ tawˆ luꞈ, aˬ yawꞈ maꞈ-ahˇ ngaˇ biꞈ ma.


Swiv nou:

Piblisite


Piblisite