Yawˇshuˆ 23:14 - Akha

¹⁴ “Nymˬ-mˇ ngaˇ ziˇ jiˇ le luꞈ miˇ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ yaw muiˬ jeˬ dawˬ tawˆ luꞈ tiˬ jeˬ-iˬ maˬ bi dzeuˇ-iˇ ni biꞈ laꞈ-euˬ gaˇ, naw maꞈ yaw gʼaˬ na luꞈ nui ma laꞈ kʼoeˇ keuˆ ni siˬ luꞈ meh.

Yawˇshuˆ 23:14 Referans Kwoze

Luˇkaꞈ 21:33

Mˬ hawˇ-eu miˇ maˬ jaˆ coeˇ-ehˇ byoˆ-iˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

1 Sahˬpaˬ 2:2

“Ngaˇ ziˇ dehꞈ jiˇ-eu aˇ yamˬ dawˬ peh peh laˇ-euˬ miˇ-a. Nawˇ yawˬ haˇ yawˬ ha nui jah ahˇ-eu laꞈ kʼoeˇ, nui ma ziꞈ dah ni taˬ-awˬ.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

1 Sahˬpaˬ 8:56

“Saˇ jaˇ dzaˬ taˬ-euˬ jaˆ-eu loꞈ-ehˇ aˬ yawꞈ-euˬ tsawˇ haˬ deuˬ-ahˇ nui saˇ oꞈ-eu jeˬ biꞈ-eu Sahˬpaˬ Miˬyehˇ-ahˇ ja ceuˬ-awˬ. Moˇseˬ-ahˇ gʼoe-awˇ aˬ yawꞈ neh biꞈ taˬ-euˬ saˇ jaˇ dawˬ tawˆ luꞈ-ahˇ aˬ yawꞈ ziꞈ luꞈ meh.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.

Dawˬ tsoˆ 12:5

Yaw goˇ-ahˇ nawˇ maˬ daˆ peuˬ-ehˇ, nawˇ gaˇ ma cah-eu kʼahˬ lahˇ paˬ-ehˇ pyeuꞈ-iˇ tehꞈ-a. Nawˬ-euˬ uˬ duˬ pyuˇ le-awˇ, yawˬ ha-euˬ gʼawˇ mawˇ maˬ laˆ luˆ coeˇ-eu uˬ taꞈ, nui kʼahˇ dawˬ tawˆ luꞈ byoˆ jiˇ tehꞈ-a. Aˇ saˬ saˬ-eu naˬ duˬ-ahˇ aˬ dui le luꞈ-awˇ, poˆ kaˬ lehˆ kawˆ-ahˇ tsawˇ ngoeˇ ngoeˇ-eu teˇ saˇ gaˬ doˆ laˇ tehꞈ-a.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Aˇ dahˬ 47:29

Aˬ yawꞈ ziˇ jiˇ-eu dawˬ peh peh laˇ ngeh, aˬ yawꞈ-euˬ aˬ li Yoˇsehˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ aˬ laꞈ ngaˬ-euˬ shaˬ pyaˬ yaw kaˬ-ahˇ cawˬ ahˇ-awˇ, nawˇ ngaˬ-ahˇ Iˇjiˇtuˆ miˇ kʼahˬ laꞈ kʼoeˇ maˬ baꞈ pahˬ lehˇ saˇ jaˇ dzaˬ-awˬ.