Yawˇshuˆ 23:13 - Akha

¹³ naw maꞈ mehˬ hu paw dehꞈ gʼeh leꞈ ngeh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tsawˇ jeuˬ kʼoeˇ deuˬ-ahˇ maˬ paˇ teh doˆ nehˬ-eu yaw duˬ baw meh lehˇ naw maꞈ siˬ nya-awˬ. Kʼoeˇ naˆ maˬ tseˇ, tsawˇ jeuˬ kʼoeˇ deuˬ-aˬ, naw maꞈ gʼaˇ duˬ guˆ laˇ paˬ-ehˇ gʼeh-eu lahˇ ju hawˇ-eu duˬ kʼahˬ loꞈ-ehˇ pyeuꞈ-awˇ, naw maꞈ-euˬ daˇ tsuiꞈ-ahˇ diˬ-eu daˇ cuiˇ hawˇ-eu, naw maꞈ-euˬ myaˆ nuiˆ-ahˇ tsawˆ-eu aˬ gah loꞈ-ehˇ pyeuꞈ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ muiˬ dui dui-eu miˇ kʼahˬ-ahˇ naw maꞈ tiˬ gʼaˬ-iˬ maˬ jawˇ nya-ehˇ pyeuꞈ-iˇ ngeh keuˆ ni, kʼoeˇ loꞈ-ehˇ ya daˬ tehꞈ-a.

Yawˇshuˆ 23:13 Referans Kwoze

Dawˬmehˬ 7:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ laꞈ-ahˇ bi ahˇ le-euˬ tsawˇ jeuˬ dawˬ tawˆ luꞈ-ahˇ, naw maꞈ laˆ luˬ laˆ seˇ nehˬ-awˬ. Aˬ yawꞈ maꞈ-ahˇ gʼawˬ shaˬ taˬ gaˬ. Aˬ yawꞈ maꞈ-euˬ miˬyehˇ deuˬ-ahˇ uˬ duˬ taˬ tahˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ-ahˇ lahˇ ju kʼmˇ gaˇ duˇ-eu meh.

Bawˇtsahˬ 33:55

Ehˇ kʼawꞈ, kʼoeˇ gaˇ jawˇ luꞈ-eu tsawˇ haˬ kʼoeˇ deuˬ-ahˇ naw maꞈ maˬ teh doˆ jiˇ naˇ, kʼaˇ dzeˇ yaꞈ-euˬ tsawˇ haˬ deuˬ-aˬ, naw maꞈ-euˬ myaˆ nuiˆ-ahˇ ahˇ-eu myaˆ pawꞈ hawˇ-eu naw maꞈ-euˬ byaˇ gʼaˇ-ahˇ tsawˆ-eu daˇ ceh loꞈ-ehˇ naw maꞈ-ahˇ laˆ bahˬ tehꞈ-a.

Doˆ-iˇ 23:33

Tsawˇ haˬ kʼoeˇ deuˬ-ahˇ, naw maꞈ-euˬ miˇ kʼahˬ laꞈ kʼoeˇ taˬ bi jawˇ. Aˬ yawꞈ maꞈ-ahˇ bi jawˇ naˇ, naw maꞈ-ahˇ mˇ bahˬ ni aˬ yawꞈ maꞈ jahˇ tehꞈ-a. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ tahˬ naˇ, shiˇ-eu lahˇ ju-ahˇ naw maꞈ paꞈ leˇ tehꞈ-a.”

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Jaceuq 69:22

Aˬ yawꞈ maꞈ-euˬ mehˬ shi shaˇ dahˇ taˬ-euˬ dzaˬ kʼmˬ dawˇ gʼawˆ deuˬ, aˬ yawꞈ maꞈ ya luˬ ya seˇ-iˇ-eu gaˇ kawˆ pyeuꞈ luꞈ-uˇ. Aˬ yawꞈ maꞈ neh gʼeh-euˬ muiˬ-eu shawˇ-eu bawˬ-iˬ deuˬ, aˬ yawꞈ maꞈ teˬ le byoˆ le-eu gaˇ kawˆ pyeuꞈ luꞈ-uˇ.

2 Tiˆmoˇseˬ 2:26

Kʼoeˇ ngeh jawˇ, aˬ yawꞈ maꞈ nui ma-ahˇ noeˬ laˇ-awˇ, aˬ yawꞈ maꞈ-ahˇ kʼmˇ paꞈ-awˇ aˬ yawꞈ-euˬ nui noeˬ bi geuꞈ-euˬ Nehꞈ sahˬ paˬ-euˬ lahˇ ju-ahˇ aˬ yawꞈ maꞈ teuˆ lehˆ doˆ nya tehꞈ-a.

2 Sahˬpaˬ 25:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, smˇ muiˬ maˬ ehˇ, iˇ shaˬ maˬ ehˇ, guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ yaw mahˇ deuˬ maˬ ehˇ, Baˬbuˇloˬ tsawˇ haˬ deuˬ-ahˇ guˆ-eu miˇ neh, Iˇjiˇtuˆ miˇ kʼahˬ-ahˇ cehˆ-euˬ meh.

Dawˬmehˬ 30:18

laˆ luˬ laˆ seˇ-eu jeˬ-ahˇ nawˇ ya daˬ tehꞈ-a lehˇ nymˬ-mˇ ngaˇ nawˬ-ahˇ ehˇ-eu ma. Yawˇdaˬ lawˇ baˬ nui baˬ paw jaˆ-eu nawˇ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, nawˇ gʼawˬ myahˇ ni maˬ ya jawˇ-aˇ.

Dawˬmehˬ 29:28

Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ, aˇ bawˇ duˬ ciˇ gʼawˇ lehˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ gʼawˇ lehˆ doˆ-awˇ, boeˇ miˬ siˬ kʼaˬ deuˬ-euˬ miˇ kʼahˬ-ahˇ biˬ ahˇ nehˬ-awˇ, iˬ nah aˬ yawꞈ maꞈ kʼoeˇ gaˇ dehꞈ luꞈ-eu meh’ lehˇ ya ehˇ kʼoꞈ gaˇ keuˆ tehꞈ-a.

Dawˬmehˬ 4:26

Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.

2 Sahˬpaˬ 25:21

Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ, Baˬbuˇloˬ sahˬ paˬ neh aˬ yawꞈ maꞈ-ahˇ sehꞈ-euˬ meh. Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ laꞈ kʼoeˇ neh, aˬ cawˬ neh kʼoeˇ loꞈ-ehˇ bi nyehꞈ byoˆ gʼeh jiˇ-euˬ meh.

1 Sahˬpaˬ 11:4

Aˬ yawꞈ tsawˇ kʼaˆ kʼaˆ laˇ ngeh, aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-eu gʼaˇ duˬ, aˬ yawꞈ maꞈ aˬ yawꞈ-ahˇ sheuˬ gʼeh-euˬ meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ-euˬ aˬ da Daˬbiˇ saˇ jaˇ ziꞈ-euˬ loꞈ-ehˇ, aˬ yawꞈ saˇ jaˇ maˬ ziꞈ-a.

Doˆ-iˇ 10:7

Kʼoeˇ naˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ sahˬ paˬ -ahˇ ehˇ nehˬ-eu, “Tsawˇ haˬ heu gʼaˬ aˬ dui-ahˇ aˇ myah keuˆ ni laˆ bahˬ-eu lehˇ gʼeh-eu nga. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-iˇ-eu gʼaˇ duˬ, Iˇsaˬleˬlaˆ tsawˇ haˬ-ahˇ pyehˬ nehˬ-awˬ. Iˇjiˇtuˆ miˇ kʼahˬ cawˆ-iˇ-eu keuˆ laˇ taˬ-euˬ nymˬ-mˇ keuˆ ni nawˇ maˬ siˬ duˬ-aˬ siˬ loˇ.”

Doˆ-iˇ 34:12

Naw maꞈ le uˇ-eu miˇ kʼahˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ saˇ jaˇ taˬ dzaˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh.

Doˆ-iˇ 34:16

Naw maꞈ-euˬ zaˬ yo aˬ li deuˬ, lawˇ ciꞈ zaˬ kʼoeˇ deuˬ-euˬ zaˬ miˬ aˬ buˇ deuˬ-ahˇ sheuˬ-awˇ, ngaˬ-ahˇ saˇ jaˇ puiˬ-eu laꞈ kʼoeˇ, lawˇ ciꞈ zaˬ deuˬ-euˬ miˬyehˇ-ahˇ uˬ duˬ tahˬ ni, zaˬ mi aˬ buˇ kʼoeˇ deuˬ aˬ yawꞈ maꞈ-ahˇ sheuˬ gʼeh tehꞈ-a.

Yeˬsaˬgeˬlaˇ 28:24

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ tiˬ jawˬ jawˇ-awˇ, Iˇsaˬleˬlaˆ miˇ kʼahˬ-ahˇ kʼaˇ laˆ bahˬ-eu miˇ kʼahˬ yawˬ kʼahˬ na luꞈ, aˬ gah hawˇ-eu daˇ ceh loꞈ-ehˇ maˬ paˇ laˆ bahˬ nya ni pyeuꞈ-iˇ-eu uˬ taꞈ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ siˬ duˬ leˇ tehꞈ-a.”

Yaˇ kʼaˬ daˇ 2:21

Yawˇshuˆ shiˇ naˇ, miˇ kʼahˬ heu kʼahˬ laꞈ kʼoeˇ kʼaˇ jawˇ luꞈ-eu aˬ cawˬ tsawˇ jeuˬ deuˬ-ahˇ ngaˇ maˬ paˇ teh doˆ nehˬ ma.

2 Sahˬpaˬ 17:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ miˇ neh, maˬ mawˇ laˇ gaˇ teh dzeh nehˬ-awˇ, Yuˇdaˆ miˇ kʼahˬ tehꞈ-ehˇ bi dzeˇ yaꞈ-euˬ meh.

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.