Yawˇshuˆ 23:12 - Akha

¹² Naw maꞈ saˇ jaˇ maˬ ziꞈ-ehˇ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ deuˬ nehˬ-ehˇ keuˬ leˇ-awˇ, sheuˬ dahˬ dzaˬ taꞈ naˇ,

Yawˇshuˆ 23:12 Referans Kwoze

Dawˬmehˬ 7:3

Gʼawˬ shaˬ kʼawꞈ taˬ gaˬ nehˬ. Aˬ yawꞈ maꞈ nehˬ-ehˇ taˬ sheuˬ dahˬ dzaˬ. Naw maꞈ-euˬ zaˬ deuˬ kʼawꞈ aˬ yawꞈ maꞈ-euˬ zaˬ deuˬ nehˬ-ehˇ taˬ bi sheuˬ dahˬ dzaˬ.

Zeˬpaˬniˇ 1:6

Sahˬpaˬ Miˬyehˇ-ahˇ byehˇ dzeh-awˇ, aˬ yawꞈ-ahˇ maˬ gʼoe-eu tsawˇ haˬ, laˆ cawˆ nehˬ gaˇ ya daˬ tehꞈ-a.”

Yeˬsaˬgeˬlaˇ 18:24

“Ehˇ kʼawꞈ, yaw tsaˬ yaw dawˇ tsawˇ haˬ tiˬ gʼaˬ yaw muiˬ jeˬ maˬ mˇ ni byehˇ-awˇ, haiˬ-eu tsawˇ haˬ deuˬ kʼaˇ mˇ-eu loꞈ-ehˇ, nuiˬ daˆ daˆ laˇ paˬ-ehˇ gʼeh-eu yaw haiˬ jeˬ mˇ dahˬ beh laˇ ngeh, aˬ yawꞈ yaw dehꞈ ya dehꞈ tehꞈ-a loˇ. Aˬ yawꞈ neh kʼaˇ mˇ dzeuˇ yaꞈ-euˬ yaw muiˬ jeˬ dawˬ tawˆ luꞈ ngehˇ byoˆ nehˬ jiˇma. Aˬ yawꞈ saˇ jaˇ maˬ ziꞈ ni iˬ baˇ mˇ-euˬ baˬ da neh ya shiˇ tehꞈ-a.

1 Yoˇhaˬ 2:9

Tsawˇ haˬ tiˬ gʼaˬ na yaw shehꞈ laꞈ kʼoeˇ jawˇ luꞈ ma lehˇ ehˇ kʼawꞈ, Ka li zaˬ cawˬ cawˬ bye naˇ, yaw zahˇ laꞈ kʼoeˇ jawˇ luꞈ-a siˬ.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Yoˇhaˬ 6:66

Kʼoeˇ loꞈ-ehˇ ehˇ-euˬ baˬ da neh, Yeˬsuˇ-euˬ mehˬ nah caw teh-eu tsawˇ haˬ gʼawˬ mya gʼaˬ gʼoꞈ-iˇ-awˇ, aˬ yawꞈ-euˬ mehˬ nah maˬ paˇ caw teh ni byehˇ-euˬ meh.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Jaceuq 125:5

Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Jaceuq 36:3

Yawꞈ-euˬkʼaˬmehˬ-ahˇngehˬ-eu dawˬ, jaˬmyawꞈmehˇshuiˇtehꞈ-ehˇbyah-awˇ, yaw muiˬmˇ-eu byehˇtsehˆ-euˬmeh.

1 Sahˬpaˬ 11:4

Aˬ yawꞈ tsawˇ kʼaˆ kʼaˆ laˇ ngeh, aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-eu gʼaˇ duˬ, aˬ yawꞈ maꞈ aˬ yawꞈ-ahˇ sheuˬ gʼeh-euˬ meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ-euˬ aˬ da Daˬbiˇ saˇ jaˇ ziꞈ-euˬ loꞈ-ehˇ, aˬ yawꞈ saˇ jaˇ maˬ ziꞈ-a.

1 Sahˬpaˬ 11:2

Tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ gaˇ guˆ-eu miˇ neh, tsawˇ jeuˬ kʼoeˇ deuˬ-ahˇ maˬ ya sheuˬ dahˬ dzaˬ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ jaˆ-eu kʼawꞈ, tsawˇ jeuˬ kʼoeˇ deuˬ-ahˇ aˬ yawꞈ sheuˬ-euˬ meh.

Aˇ dahˬ 34:3

Diˇnaˆ aˇ gʼehˇ muiˬ dui dui-eu miˇ neh, Diˇnaˆ-ahˇ Sheˬkmˬ mawꞈ dui dui leˇ-awˇ, mehˇ shuiˇ shuiˇ shuiˇ-ehˇ muˇ-euˬ meh.

Aˇ dahˬ 2:24

Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ ma aˬ da-ahˇ ya gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ taꞈ leˇ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ-eu meh.

Dawˬmehˬ 7:4

Aˬ jeˬ miˇ neh ehˇ naˇ, aˬ yawꞈ maꞈ naw maꞈ-euˬ zaˬ deuˬ-ahˇ Sahˬpaˬ Miˬyehˇ-ahˇ sheuˬ gʼawˬ-awˇ, miˬyehˇ nui deuˬ-ahˇ uˬ duˬ bi tahˬ tehꞈ-a. Kʼoeˇ loꞈ-ehˇ pyeuꞈ laˇ naˇ, naw maꞈ-ahˇ Sahˬpaˬ Miˬyehˇ nui ma pehˇ-awˇ, naw maꞈ-ahˇ tiˬ poˆ tehꞈ-ehˇ laˆ luˬ laˆ seˇ nehˬ laꞈ tehꞈ-a.

Yawˇshuˆ 23:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ maˬ ngehˇ ni gaˬ-awˬ.

Yaˇ kʼaˬ daˇ 3:6

Tsawˇ jeuˬ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, tsawˇ jeuˬ kʼoeˇ deuˬ-euˬ miˬyehˇ deuˬ-ahˇ uˬ duˬ tahˬ-euˬ meh.

Dawˬmehˬ 6:15

Miˬyehˇ nui gʼaˬ-ahˇ naw maꞈ uˬ duˬ tahˬ naˇ, Sahˬpaˬ Miˬyehˇ nui ma pehˇ-eu jeˬ miˬ dzaˬ loꞈ-ehˇ naw maꞈ kʼoeˇ taˆ keuˆ le-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nehˬ-ehˇ jawˇ-eu naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, myaˆ naˆ-eu Miˬyehˇ pyeuꞈ-eu meh.

Yaˇ kʼaˬ daˇ 14:3

Ehˇ kʼawꞈ, aˬ yawꞈ-euˬ aˬ ma aˬ da aˬ yawꞈ-ahˇ ehˇ nehˬ-eu, “Lawˇ ciꞈ zaˬ pyeuꞈ-eu Piˇliˇtiˆ tsawˇ haˬ deuˬ jawˇ gaˇ aˬ jeˬ miˇ neh nawˇ miˬ zaˬ ya gʼa-iˇ ta. Aˬ dui-euˬ tsawˇ jeuˬ, aˬ dui pehˬ-euˬ aˇ jeuˬ laꞈ kʼoeˇ aˬ buˇ zaˬ guˬ maˬ poˆ mawˇ nya nya loˇ.” Ehˇ kʼawꞈ, Saˬsoˬ aˬ yawꞈ-euˬ aˬ da gʼaˬ-ahˇehˇ nehˬ-eu, “Aˬ buˇ kʼoeˇ gʼaˬ-ahˇ sheuˬ laˬ-iˇ-awˬ. Aˬ yawꞈ-ahˇ ngaˇ mawꞈ dui dui nya.”