Yawˇshuˆ 23:11 - Akha

¹¹ Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ maˬ ngehˇ ni gaˬ-awˬ.

Yawˇshuˆ 23:11 Referans Kwoze

Yawˇshuˆ 22:5

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ nui kʼahˇ mˇ-awˬ. Aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˬ yawꞈ-ahˇ saˇ jaˇ ziꞈ-awˬ. Nawˬ-euˬ nui ma saꞈ laˇ dawˬ tawˆ luꞈ aˬ yawꞈ-euˬ gaˇ mˇ-awˬ lehˇ ehˇ-eu Moˇseˬ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ naw maꞈ maˬ ngehˇ ni caw teh-awˬ.”

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

Doˆ-iˇ 20:6

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 4:15

“Siˇnaˆ gawˬ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ dawˬ ngehˬ cawˬ ngeh, aˬ yawꞈ-euˬ gʼawˇ mawˇ seuˆ dzeuꞈ-ahˇ naw maꞈ maˬ ya mawˇ-aˬ. Kʼoeˇ miˇ neh, kʼaˬ dzeˇ zaˬ hawˇ-eu zaˬ miˬ zaˬ-ahˇ maˬ ehˇ, jeˬ zaˬ hawˇ-eu aˇ jiˇ-ahˇ maˬ ehˇ, miˇ tsaˬ-ahˇ joe joe-ehˇ cah-eu jeˬ hawˇ-eu ngaˬ shaˬ-ahˇ maˬ ehˇ, kʼoeˇ deuˬ-ahˇ duˇ leˇ-eu tahˬ pahˬ aˬ ma mawˇ kawˇ yawˬ ha gʼaˇ duˬ tehˆ-eu laꞈ kʼoeˇ, naw maꞈ iˬ baˇ maˬ ya mˇ ni yawˬ haˇ yawˬ ha yahˇ-awˬ.

Yawˇshuˆ 23:10

Naw maꞈ tsawˇ haˬ aˬ geu gʼaˬ maˬ kaˬ, aˬ cawˬ tsawˇ haˬ tiˬ heˇ gʼaˬ cehˆ byoˆ ni jahˇ nya tehꞈ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ gʼaˇ duˬ aˬ yawꞈ guiˇ deuˆ luꞈ-eu meh.

Yawˇshuˆ 23:12

Naw maꞈ saˇ jaˇ maˬ ziꞈ-ehˇ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ deuˬ nehˬ-ehˇ keuˬ leˇ-awˇ, sheuˬ dahˬ dzaˬ taꞈ naˇ,

Dawˬmehˬ 30:16

Iˬ nah ngaˬ neh nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ nawˇ naˇ haˬ geuꞈ-awˇ, aˬ yawꞈ-ahˇ gaˬ-awˬ. Aˬ yawꞈ-euˬ ehˇ dawˬ-ahˇ naˇ haˬ geuꞈ-eu laꞈ kʼoeˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, nawˇ baw dui za dui dui le-awˇ, tsawˇ haˬ myaˬ dui dui-eu tsawˇ jeuˬ tiˬ jeuˬ pyeuꞈ laˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ laꞈ tehꞈ-a.

Dawˬmehˬ 30:20

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”