Yawˇshuˆ 22:9 - Akha

⁹ Kʼoeˇ naˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ heu deuˬ, aˬ yawꞈ maꞈ-euˬ miˇ kʼahˬ paw gʼoꞈ-iˇ-euˬ meh. Iˇsaˬleˬlaˆ tsawˇ jeuˬ nui deuˬ-ahˇ, Kaˬnaˬ miˇ kʼahˬ Shiˇloˬ meuˬ-ahˇ bi jawˇ yaꞈ-awˇ, Sahˬpaˬ Miˬyehˇ neh Moˇseˬ-ahˇ gʼoe-awˇ aˬ yawꞈ maꞈ-ahˇ biꞈ taˬ-euˬ loꞈ-ehˇ, aˬ yawꞈ maꞈ neh za-euˬ miˇ kʼahˬ pyeuꞈ-eu Giˇlaˆ miˇ kʼahˬ-ahˇ aˬ yawꞈ maꞈ gʼoꞈ-iˇ-euˬ meh.

Yawˇshuˆ 22:9 Referans Kwoze

Bawˇtsahˬ 32:29

“Gaˆ tsawˇ jeuˬ hawˇ-eu Luˇbeˬ tsawˇ jeuˬ Yawˇdaˬ lawˇ baˬ tsehˆ doˆ-awˇ Sahˬpaˬ Miˬyehˇ uˆ lahˇ-euˬ uꞈ moˆ guiˇ deuˆ-eu laꞈ kʼoeˇ, aˬ yawꞈ maꞈ caw ba-eu baˬ da neh miˇ kʼahˬ kʼoeˇ kʼahˬ-ahˇ naw maꞈ deuˆ za gʼaˬ naˇ, aˬ yawꞈ maꞈ-ahˇ Giˇlaˆ miˇ kʼahˬ biꞈ nehˬ-awˬ.

Bawˇtsahˬ 32:26

Nga maꞈ-euˬ miˬ sawˇ zaˬ deuˬ, nga maꞈ-euˬ mawˇ neˇ hawˇ-eu yawˇ deuˬ, heu gaˇ, Giˇlaˆ meuˬ-ahˇ bi jawˇ yaꞈ ma.

Bawˇtsahˬ 32:1

Luˇbeˬ tsawˇ jeuˬ hawˇ-eu Gaˆ tsawˇ jeuˬ jeˬ zaˬ myaˬ dui dui-awˇ, Yaˬzeuˬ meuˬ hawˇ-eu Giˇlaˆ meuˬ-aˬ, jeˬ zaˬ jawˇ duˬ muiˬ dui dui gaˇ aˬ yawꞈ maꞈ ya mawˇ-euˬ meh.

Jaceuq 60:7

Giˇlaˆ miˇ kʼahˬ ngaˬ-euˬ ma. Maˬnaˇseˬ miˇ kʼahˬ kʼawꞈ ngaˬ-euˬ ma. Eˇpaˬleˬ miˇ kʼahˬ ngaˬ-euˬ guiˇ deuˆ uˬ kʼoˆ pyeuꞈ-awˇ, Yuˇdaˆ miˇ kʼahˬ ngaˇ tuˆ tehˬ luꞈ-eu dzoeˬ dzaˬ gawˬ yoeˬ ma.

Yawˇshuˆ 13:31

Miˇ kʼahˬ kʼoeˇ kʼahˬ laꞈ kʼoeˇ, Giˇlaˆ miˇ kʼahˬ tiˬ paˆ paˆ maˬ ehˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ maˬ ehˇ, Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ laꞈ kʼoeˇ jaˆ-eu meuˬ meuˬ ma deuˬ maˬ ehˇ, ahˇ leˇ taˬ-euˬ meh. Miˇ kʼahˬ heu deuˬ dawˬ tawˆ luꞈ, Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ uˆ deuˬ tiˬ paˆ-ahˇ biꞈ nehˬ-euˬ meh.

Yawˇshuˆ 13:25

Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.

Yawˇshuˆ 13:11

Giˇlaˆ meuˬ maˬ ehˇ, Geˬshuˇlaˆ hawˇ-eu Mawˇkah gahˬ kaˬ maˬ ehˇ, Heˬlaˬmoˬ gawˬ jawˬ jawˬ lah ni maˬ ehˇ, Saˬleˬkaˬ-ahˇ keuˆ ni ahˇ-eu Baˬshaˬ gahˬ kaˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ jaˆ-eu meh.

Yawˇshuˆ 22:10

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, yawˇ daˬ lawˇ baˬ nahˇ ma ga kʼehˬ paw jaˆ-eu Geˬliˇlawˆ meuˬ-ahˇ oe keuˆ ngeh, lawˇ baˬ lawˇ deh-ahˇ huiˬ dui dui-eu lawˇ duˬ tiˬ hmˬ gawˬ-euˬ meh.

Yaˇ kʼaˬ daˇ 5:17

Gaˆ tsawˇ jeuˬ Yawˇdaˬ lawˇ baˬ nahˇ ma doˆ kʼehˬ paw jawˇ yaꞈ-awˇ, Daˬ tsawˇ jeuˬ saˇ baoˬ dawˬ peh jawˇ yaꞈ-euˬ meh. Aˬshaˬ tsawˇ jeuˬ iˬ ma laˆ shaˆ lawˇ deh-ahˇ jawˇ yaꞈ-euˬ meh. Iˬ ma laˆ shaˆ lawˇ deh caw caw-ehˇ aˬ yawꞈ maꞈ jawˇ yaꞈ-euˬ meh.

2 Saˬmeuˬlaˆ 2:9

Kʼoeˇ gaˇ, Aˬbaˬnaˬ neh Iˇshaˬbawˇshehˆ-ahˇ, Giˇlaˆ miˇ kʼahˬ, Aˬshaˬ miˇ kʼahˬ, Yeˬzaˬleˬlaˇ miˇ kʼahˬ, Eˇpaˬleˬ miˇ kʼahˬ, Beˬyaˬmiˬ miˇ kʼahˬ hawˇ-eu, Iˇsaˬleˬlaˆ miˇ kʼahˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, sahˬ paˬ ka nehˬ-euˬ meh.

1 Laˬsaˬbaˬ 5:9

Giˇlaˆ miˇ kʼahˬ laꞈ kʼoeˇ aˬ yawꞈ maꞈ jeˬ zaˬ myaˬ dui dui-eu miˇ neh, nahˇ ma doˆ kʼehˬ paw Uˇpaˬlaˇ lawˇ baˬ-ahˇ jaˆ tawꞈ taˬ-euˬ kʼaˇ shuiꞈ deh ga ga ma-ahˇ keuˆ ni, aˬ yawꞈ maꞈ-euˬ miˇ tsaˬ geuꞈ-euˬ meh.

Bawˇtsahˬ 32:20

Moˇseˬ ehˇ-eu, “Naw maꞈ kʼaˇ ehˇ-eu loꞈ-ehˇ aˬ diˇ mˇ ma lehˇ ngeuˇ naˇ, heu gaˇ, Sahˬpaˬ Miˬyehˇ-euˬ mehˬ shi, guiˇ deuˆ leˇ-eu gʼaˇ duˬ naw maꞈ lehˬ hmˬ-awˬ.

Bawˇtsahˬ 32:22

Miˇ kʼahˬ kʼoeˇ kʼahˬ deuˆ za ngeh, naw maꞈ gʼoꞈ le nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ maˬ ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ maˬ ehˇ, mˇ nehˬ paˬ-ehˇ gʼeh-eu jeˬ, naw maꞈ mˇ byah gʼaˬ-euˬ meh. Kʼoeˇ naˇ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ jaˆ-eu miˇ kʼahˬ heu kʼahˬ, Sahˬpaˬ Miˬyehˇ naw maꞈ-ahˇ biꞈ tsehˆ nehˬ laꞈ tehꞈ-a.

Dawˬmehˬ 3:18

“Kʼoeˇ ngeh, aˬ yawꞈ maꞈ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. ‘Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu miˇ kʼahˬ heu kʼahˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-euˬ meh. Nymˬ-mˇ, Iˇsaˬleˬlaˆ tsawˇ jeuˬ nui deuˬ miˇ kʼahˬ za ni guiˇ caw deuˆ nehˬ leˇ-eu gʼaˇ duˬ, naw maꞈ-euˬ guiˆ deuˆ-eu tsawˇ haˬ deuˬ aˇ kʼaˆ bi laˆ dawˆ-awˇ, Iˇsaˬleˬlaˆ tsawˇ jeuˬ kʼoeˇ deuˬ-euˬ mehˬ hu guiˇ daˬ bi daˬ-awˇ, Yawˇdaˬ lawˇ baˬ bi le tsehˆ-awˬ.

Dawˬmehˬ 3:20

(Naw maꞈ jeˬ zaˬ jawˇ myaˬ-eu ngaˇ siˬ nya ma.) Sahˬpaˬ Miˬyehˇ neh naw maꞈ-ahˇ miˇ kʼahˬ heu kʼahˬ biꞈ laꞈ-awˇ coꞈ ngehˇ ni bi jawˇ laꞈ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ jeuˬ deuˬ-ahˇ Sahˬpaˬ Miˬyehˇ biꞈ-eu lehˇ gʼeh-eu Yawˇdaˬ lawˇ baˬ-euˬ nahˇ ma ga kʼehˬ paw jaˆ-eu miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Sahˬpaˬ Miˬyehˇ aˬ yawꞈ maꞈ-ahˇ kʼoeˇ gaˇ bi jawˇ ngeh keuˆ ni, guiˇ caw deuˆ leˇ neh-awˬ. Kʼoeˇ sahˇ miˇ tsa, ngaˬ neh naw maꞈ-ahˇ biꞈ-euˬ miˇ kʼahˬ heu kʼahˬ-ahˇ naw maꞈ gʼoꞈ le-awˬ’ lehˇ ehˇ nehˬ-euˬ ma.

Dawˬmehˬ 34:1

Mawˇbaˆ miˇ kʼahˬ deh ga-ahˇ neh Neˬboˬ gawˬ jawˬ-ahˇ Moˇseˬ daˆ leˇ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ uˬ duˬ daˆ keuˆ leˇ-euˬ meh. Kʼoeˇ gaˇ jawˇ-awˇ, miˇ kʼahˬ kʼoeˇ kʼahˬ kʼahˬ lah ni, Sahˬpaˬ Miˬyehˇ aˬ yawꞈ-ahˇ mehˬ nehˬ-euˬ meh. Laꞈ taˆ paw Daˬ meuˬ-ahˇ keuˆ ni jaˆ-eu Giˇlaˆ miˇ kʼahˬ maˬ ehˇ,

Yaˇ kʼaˬ daˇ 20:1

Kʼoeˇ ngeh, laꞈ taˆ paw jaˆ-eu Daˬ meuˬ-ahˇ neh, laꞈ oˆ paw jaˆ-eu Beˬlaˇsheˬba meuˬ-ahˇ keuˆ ni jawˇ-eu Iˇsaˬleˬlaˆ tsawˇ haˬ deuˬ maˬ ehˇ, Nahˇ ma doˆ kʼehˬ paw jaˆ-eu Giˇlaˆ miˇ kʼahˬ-ahˇ jawˇ-eu Iˇsaˬleˬlaˆ tsawˇ haˬ deuˬ maˬ ehˇ, dawˬ tawˆ luꞈ nui ma tiˬ siˬ tehꞈ-ehˇ taˬ-awˇ, Miˇzaˬpaˬ meuˬ-ahˇ Sahˬpaˬ Miˬyehˇ-euˬ mehˬ shi uiˬ laˇ-euˬ meh.