Yawˇshuˆ 22:4 - Akha

⁴ Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ, nui saˇ za-eu jeˬ aˬ yawꞈ biꞈ gʼaˬ-euˬ meh. Kʼoeˇ miˇ neh, naw maꞈ geuꞈ ma lehˇ shaˇ-euˬ loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ gʼaˬ-euˬ miˇ kʼahˬ pyeuꞈ-eu, Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu naw maꞈ-euˬ miˇ kʼahˬ-ahˇ gʼoꞈ-iˇ-awˬ.

Yawˇshuˆ 22:4 Referans Kwoze

Yawˇshuˆ 13:8

Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za-euˬ meh.

Bawˇtsahˬ 32:18

Iˇsaˬleˬlaˆ tsawˇ haˬ dawˬ tawˆ luꞈ yawˬ ha za paˬ-ahˇ gʼeh-eu miˇ kʼahˬ maˬ za kʼoeˇ keuˆ ni, nga maꞈ maˬ gʼoꞈ le.

Dawˬmehˬ 3:20

(Naw maꞈ jeˬ zaˬ jawˇ myaˬ-eu ngaˇ siˬ nya ma.) Sahˬpaˬ Miˬyehˇ neh naw maꞈ-ahˇ miˇ kʼahˬ heu kʼahˬ biꞈ laꞈ-awˇ coꞈ ngehˇ ni bi jawˇ laꞈ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ jeuˬ deuˬ-ahˇ Sahˬpaˬ Miˬyehˇ biꞈ-eu lehˇ gʼeh-eu Yawˇdaˬ lawˇ baˬ-euˬ nahˇ ma ga kʼehˬ paw jaˆ-eu miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Sahˬpaˬ Miˬyehˇ aˬ yawꞈ maꞈ-ahˇ kʼoeˇ gaˇ bi jawˇ ngeh keuˆ ni, guiˇ caw deuˆ leˇ neh-awˬ. Kʼoeˇ sahˇ miˇ tsa, ngaˬ neh naw maꞈ-ahˇ biꞈ-euˬ miˇ kʼahˬ heu kʼahˬ-ahˇ naw maꞈ gʼoꞈ le-awˬ’ lehˇ ehˇ nehˬ-euˬ ma.

Yawˇshuˆ 13:15

Luˇbeˬ tsawˇ jeuˬ-ahˇ Moˇseˬ miˇ kʼahˬ biˇ nehˬ-awˇ, biꞈ tsehˆ tsehˆ nehˬ-euˬ meh.

Dawˬmehˬ 29:8

Aˬ yawꞈ nyaꞈ-euˬ miˇ kʼahˬ aˬ dui yuˇ-awˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ biꞈ nehˬ-euˬ ma.

Dawˬmehˬ 12:9

Aˬ jeˬ miˇ neh ehˇ naˇ, naw maꞈ-euˬ Sahˬpaˬ Miˬyehˇ neh naw maꞈ-ahˇ biꞈ-euˬ, nui ma saˇ lehˆ ni ya jawˇ-eu miˇ kʼahˬ kʼoeˇ kʼahˬ-ahˇ naw maꞈ maˬ jawˇ keuˆ leˇ-aˬ si.

HeˬByehˇ 4:8

Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ, Yawˇshuˆ neh aˬ yawꞈ maꞈ-ahˇ biꞈ nehˬ gʼaˬ-euˬ ngeuˇ law nmˇ-aˬ, nah tsaˬ tsoˆ paˇ-eu gʼaˇ duˬ Miˬyehˇ maˬ paˇ ehˇ-aˇ.

Doˆ-iˇ 33:14

Sahˬpaˬ Miˬyehˇ ehˇ-eu, “Naw maꞈ nehˬ-ehˇ ngaˇ le-awˇ, naw maꞈ aˬ cawˬ-ahˇ gʼaˬ leˇ-eu tsawˇ jeuˬ bi pyeuꞈ laˇ ma.”

Yawˇshuˆ 1:15

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇsaˬleˬlaˆ tsawˇ haˬ kʼoeˇ deuˬ-ahˇ biꞈ taˬ-euˬ Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼoeˇ kʼahˬ-ahˇ aˬ yawꞈ maꞈ za gʼaˬ ngeh keuˆ ni, aˬ yawꞈ maꞈ-ahˇ ya caw ba meh. Iˇsaˬleˬlaˆ tsawˇ jeuˬ dawˬ tawˆ luꞈ jawˇ duˬ dah leˇ gʼaˬ jiˇ naˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ-euˬ, Yawˇdaˬ lawˇ baˬ nahˇ ma doˆ kʼehˬ paw jaˆ-eu naw maꞈ-euˬ miˇ kʼahˬ heu kʼahˬ-ahˇ gʼoꞈ le-awˇ jawˇ-awˬ.”

Yawˇshuˆ 22:3

Aˇ yamˬ heu myah ni gʼeh-eu laꞈ kʼoeˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ naw maꞈ tiˬ poˆ-iˬ maˬ byehˇ dzeh-aˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ naw maꞈ yaw muiˬ paˬ-ehˇ naˇ haˬ geuꞈ-euˬ meh.

Yawˇshuˆ 12:6

Sahˬ paˬ heu nyiˬ gʼaˬ-ahˇ Moˇseˬ hawˇ-eu Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, Maˬnaˇseˬ tsawˇ jeuˬ tiˬ paˆ-ahˇ, sahˬ paˬ kʼoeˇ nyiˬ gʼaˬ-euˬ miˇ kʼahˬ biꞈ-euˬ meh.

1 Laˬsaˬbaˬ 22:18

Aˬ yawꞈ ehˇ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ-awˇ, naw maꞈ-euˬ miˇ kʼahˬ oeˬ paw oeˬ coeˇ luꞈ, kʼahˬ lahˇ duˬ maˬ jaˆ ni saˇ lehˆ ni aˬ yawꞈ bi jaˆ-euˬ meh. Miˇ kʼahˬ heu kʼahˬ-ahˇ jawˇ-euˬ tsawˇ jeuˬ dawˬ tawˆ luꞈ kʼoeˇ taˆ, aˬ yawꞈ neh ngaˬ-ahˇ bi gʼaˬ leˇ nehˬ laꞈ-awˇ, Sahˬpaˬ Miˬyehˇ-euˬ uˬ moˆ hawˇ-eu naw maꞈ uˆ lahˇ-eu uˬ moˆ aˬ yawꞈ maꞈ jawˇ luꞈ meh.