Yawˇshuˆ 22:33 - Akha

³³ Iˇsaˬleˬlaˆ tsawˇ haˬ deuˬ kʼawꞈ nui kʼahˇ shiˇ-awˇ, Miˬyehˇ-ahˇ ja ceuˬ-eu meh. Luˇbeˬ tsawˇ jeuˬ hawˇ-eu Gaˆ tsawˇ jeuˬ jawˇ-eu miˇ kʼahˬ-ahˇ guiˇ deuˆ-iˇ-awˇ, laˆ luˬ laˆ seˇ nehˬ-iˇ-eu gaˇ kawˆ maˬ paˇ ja ni pyeuꞈ-iˇ-euˬ meh.

Yawˇshuˆ 22:33 Referans Kwoze

Luˇkaꞈ 2:28

Suˇmoˬ zaˬ nahˬ-ahˇ ciˬ-awˇ, Miˬyehˇ-ahˇ ja ceuˬ-awˇ heu loꞈ-ehˇ ehˇ-eu meh.

Daˬyeˬlaˇ 2:19

Kʼoeˇ ngeh miˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Daˬyeˬlaˇ-ahˇ dawˬ tsuiꞈ pah mehˬ le-euˬ meh. Kʼoeˇ ngeh, mˬ taˆ Miˬyehˇ-ahˇ Daˬyeˬlaˇ heu loꞈ-ehˇ ja ceuˬ-euˬ meh.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

Yawˇshuˆ 22:30

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ kʼoeˇ deuˬ ehˇ-eu dawˬ-ahˇ, piˇ ma Piˇnaˬhaˇ hawˇ-eu aˬ yawꞈ nehˬ-ehˇ oe-euˬ nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu, Iˇsaˬleˬlaˆ tsawˇ haˬ aˇ maꞈ aˇ muˇ-euˬ aˬ yuiꞈ aˬ tsu kʼoeˇ tseˇ gʼaˬ ya gaˬ ngeh, nui kʼahˇ shiˇ-euˬ meh.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

2 Gawˇliˬtu 7:7

Aˬ yawꞈ laˇ-euˬ baˬ da neh tehꞈ-ehˇ nga maꞈ gʼaˬ ahˇ laˇ-euˬ maˬ ngeuˇ. Naw maꞈ aˬ yawꞈ-ahˇ aˬ joˆ-ehˇ gʼaˬ biꞈ-euˬ gaˇ kawˆ aˬ yawꞈ ja mehˬ nehˬ laꞈ-euˬ miˇ neh, nga maꞈ gʼaˬ ahˇ laˇ-euˬ ma. Naw maꞈ ngaˬ-ahˇ aˇ naˆ ni mawˇ mawꞈ-eu gaˇ kawˆ maˬ ehˇ, pyeuꞈ dzeuˇ yaꞈ-euˬ gaˇ kawˆ-ahˇ naw maꞈ aˇ naˆ ni noeˬ shaˬ luꞈ-eu gaˇ kawˆ maˬ ehˇ, naw maꞈ ngaˇ jawˇ paw aˇ naˆ ni pyawˬ mawꞈ-eu gaˇ kawˆ maˬ ehˇ, nga maꞈ-ahˇ aˬ yawꞈ dzawˇ mehˬ laꞈ-euˬ meh. Kʼoeˇ miˇ neh, ngaˇ laˬ kʼaˬ cehˇ-eu maˬ ehˇ jiˇ coeˇ nya.

Gʼaˬkʼehˇ 15:31

Aˬ yawꞈ maꞈ sahˬ boꞈ kʼoeˇ taꞈ-ahˇ gui haw ngeh, aˬ yawꞈ maꞈ-ahˇ gʼaˬ biꞈ nehˬ-eu gaˇ kawˆ boꞈ taˬ-euˬ miˇ neh laˬ kʼaˬ cehˇ dui dui-eu meh.

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Yawˇshuˆ 22:32

Kʼoeˇ naˇ, Piˇnaˬhaˇ hawˇ-eu aˬ yuiꞈ aˬ tsu kʼoeˇ deuˬ, Luˇbeˬ tsawˇ jeuˬ hawˇ-eu Gaˆ tsawˇ jeuˬ jawˇ-eu Giˇlaˆ miˇ kʼahˬ-ahˇ neh, Iˇsaˬleˬlaˆ tsawˇ jeuˬ deuˬ jawˇ-eu Kaˬnaˬ miˇ kʼahˬ-ahˇ gʼoꞈ leˇ-awˇ, gaˇ kawˆ kʼoeˇ paˇ dzawˇ poˆ nehˬ leˇ-euˬ meh.

Dawqdaq 25:25

Gaˇ mahˇ kaˬ-eu miˇ kʼahˬ-ahˇ neh gaˬ saˬ saˬ le-euˬ dawˬ muiˬ-aˬ, kuˬ byahˬ gui ngeh ya dawˇ aˬ-euˬ iˇ cuꞈ iˇ tsehꞈ tiˬ kʼmˬ-ahˇ duˇ-eu meh.