Yawˇshuˆ 22:30 - Akha

³⁰ Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ kʼoeˇ deuˬ ehˇ-eu dawˬ-ahˇ, piˇ ma Piˇnaˬhaˇ hawˇ-eu aˬ yawꞈ nehˬ-ehˇ oe-euˬ nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu, Iˇsaˬleˬlaˆ tsawˇ haˬ aˇ maꞈ aˇ muˇ-euˬ aˬ yuiꞈ aˬ tsu kʼoeˇ tseˇ gʼaˬ ya gaˬ ngeh, nui kʼahˇ shiˇ-euˬ meh.

Yawˇshuˆ 22:30 Referans Kwoze

Yawˇshuˆ 22:33

Iˇsaˬleˬlaˆ tsawˇ haˬ deuˬ kʼawꞈ nui kʼahˇ shiˇ-awˇ, Miˬyehˇ-ahˇ ja ceuˬ-eu meh. Luˇbeˬ tsawˇ jeuˬ hawˇ-eu Gaˆ tsawˇ jeuˬ jawˇ-eu miˇ kʼahˬ-ahˇ guiˇ deuˆ-iˇ-awˇ, laˆ luˬ laˆ seˇ nehˬ-iˇ-eu gaˇ kawˆ maˬ paˇ ja ni pyeuꞈ-iˇ-euˬ meh.

Gʼaˬkʼehˇ 11:18

Kʼoeˇ loꞈ-ehˇ dzawˇ mehˬ nehˬ gaˇ aˬ yawꞈ maꞈ ya gaˬ ngeh, Beˬtuˆluˆ-ahˇ iˬ baˇ maˬ taˬ ni byehˇ-awˇ, heu loꞈ-ehˇ ehˇ-eu meh. “Miˬyehˇ-aˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ deuˬ-ahˇ kʼawꞈ, iˬ baˇ noeˬ poˆ-awˇ dehꞈ nya ni aˬ kawˬ-aˬ biꞈ-euˬ nga.”

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Iˇsaˬtaˆ 1:21

Meˬmuˇkaˬ neh ehˇ-euˬ dawˬ kʼoeˇ dawˬ-ahˇ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui kʼahˇ shiˇ-awˇ, aˬ yawꞈ neh kʼaˇ ehˇ-euˬ loꞈ-ehˇ sahˬ paˬ mˇ-euˬ meh.

2 Laˬsaˬbaˬ 30:4

Aˬ yawꞈ maꞈ kʼoeˇ loꞈ-ehˇ mˇ ma lehˇ noeˬ taˬ-euˬ gaˇ, sahˬ paˬ gʼaˬ maˬ ehˇ, miˇ kʼahˬ zaˬ deuˬ maˬ ehˇ, nui kʼahˇ shiˇ-eu meh.

1 Saˬmeuˬlaˆ 29:6

Kʼoeˇ ngeh, Aˬkiˇ neh Daˬbiˇ-ahˇ kuˇ-awˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-ahˇ saˇ jaˇ ziꞈ-eu tsawˇ haˬ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ kamˬ-eu ma. Nawˇ ngaˬ nehˬ-ehˇ tiˬ kawˆ loꞈ-ehˇ le-awˇ guiˇ deuˆ-eu gʼaˇ duˬ, ngaˇ nui ma tsaˬ-euˬ ma. Nawˇ ngaˬ nehˬ-ehˇ jawˇ le ngeh tiˬ nah neh, nawˇ yaw lehˬ jeˬ mˇ-eu ngaˇ maˬ mawˇ haw-aˬ.

Yaˇ kʼaˬ daˇ 8:3

Dawˬ tawˆ luꞈ kʼoeˇ taˆ ya ehˇ leꞈ naˇ, Miˬyehˇ-euˬ baoˬ baˬ da neh, Miˇdiˬyaˬ aˬ yuiꞈ nyiˬ gʼaˬ pyeuꞈ-eu Awˇleˇbaˆ hawˇ-eu Ziˇbaˬ aˬ nyaꞈ-ahˇ naw maꞈ sehꞈ nya-euˬ meh. Kʼoeˇ gaˇ shaˇ cehˆ nya paˬ-ehˇ, ngaˬ neh mˇ taˬ-euˬ aˬ jeˬ paˇ jaˆ ta.” Aˬ yawꞈ kʼoeˇ loꞈ-ehˇ ehˇ nehˬ gʼaˬ ngeh, aˬ yawꞈ maꞈ nui ma pehˇ-eu shuꞈ-iˇ-euˬ meh.

Aˇ dahˬ 28:8

Kʼoeˇ miˇ neh, Kaˬnaˬ miˇ kʼahˬ-ahˇ jawˇ-eu zaˬ miˬ aˬ buˇ deuˬ-ahˇ sheuˬ gaˇ aˬ yawꞈ aˬ da nui ma maˬ tsaˬ-eu gaˇ kawˆ, Iˇsawˇ ya siˬ duˬ-euˬ meh.

Yawˇshuˆ 22:29

Aˬ diˇ aˬ maˇ, miˬ dzaˬ dzah puiˆ-awˇ lawˇ-euˬ jeˬ hawˇ-eu, dzaˬ la gʼo cehˇ lawˇ-eu jeˬ lawˇ-eu gʼaˇ duˬ lawˇ duˬ tsoˆ-eu laꞈ kʼoeˇ, Sahˬpaˬ Miˬyehˇ-ahˇ puiˬ-awˇ, aˬ yawꞈ-euˬ mehˬ nah maˬ caw teh ni byehˇ-eu lehˇ gʼeh-eu maˬ ngeuˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ pyeuꞈ-eu aˬ yawꞈ jawˇ-eu Sehˬ gʼawˆ mehˬ shi jaˆ-eu lawˇ duˬ kʼoeˇ hmˬ uˬ taꞈ-ehˇ, lawˇ duˬ yawˬ hmˬ yawˬ nga maꞈ maˬ gawˬ.”

Yawˇshuˆ 22:31

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ haˬ deuˬ-ahˇ piˇ ma Eˇlaˬzaˬ-euˬ aˬ li Piˇnaˬhaˇ ehˇ nehˬ-eu, “Sahˬpaˬ Miˬyehˇ aˬ dui nehˬ-ehˇ jawˇ luꞈ-eu iˬ nah nga maꞈ siˬ duˬ-eu ma. Aˬ jeˬ miˇ neh ehˇ naˇ, naw maꞈ Sahˬpaˬ Miˬyehˇ-ahˇ puiˬ-eu ma ngeuˇ law hawˇ ngaˬ. Sahˬpaˬ Miˬyehˇ-euˬ kʼehˬ-eu kʼaˆ-eu jeˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ naw maꞈ iˬ nah ka kʼoꞈ-euˬ meh.”