Yawˇshuˆ 22:29 - Akha

²⁹ Aˬ diˇ aˬ maˇ, miˬ dzaˬ dzah puiˆ-awˇ lawˇ-euˬ jeˬ hawˇ-eu, dzaˬ la gʼo cehˇ lawˇ-eu jeˬ lawˇ-eu gʼaˇ duˬ lawˇ duˬ tsoˆ-eu laꞈ kʼoeˇ, Sahˬpaˬ Miˬyehˇ-ahˇ puiˬ-awˇ, aˬ yawꞈ-euˬ mehˬ nah maˬ caw teh ni byehˇ-eu lehˇ gʼeh-eu maˬ ngeuˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ pyeuꞈ-eu aˬ yawꞈ jawˇ-eu Sehˬ gʼawˆ mehˬ shi jaˆ-eu lawˇ duˬ kʼoeˇ hmˬ uˬ taꞈ-ehˇ, lawˇ duˬ yawˬ hmˬ yawˬ nga maꞈ maˬ gawˬ.”

Yawˇshuˆ 22:29 Referans Kwoze

Yawˇshuˆ 24:16

Iˇsaˬleˬlaˆ tsawˇ haˬ deuˬ ehˇ-eu, “Sahˬpaˬ Miˬyehˇ-ahˇ byehˇ dzeh-awˇ, miˬ yehˇ nui deuˬ-ahˇ nga maꞈ tiˬ jawˇ-iˬ uˬ duˬ maˬ tahˬ,

Lormav 9:14

Toˆ-ehˇ ngeuˇ naˇ, Miˬyehˇ maˬ tsaˬ maˬ dawˇ nga lehˇ aˬ dui ehˇ nmˇ loˇ. Maˬ ngeuˇ-a.

Lormav 6:2

Kʼoeˇ loꞈ-ehˇ maˬ ngeuˇ-a. Iˬ baˇ mˇ-eu jeˬ-ahˇ taꞈ leˇ-awˇ, aˬ dui shiˇ dzeuˇ gʼaˬ-euˬ gaˇ duˇ-eu-aˬ, iˬ baˇ laꞈ kʼoeˇ aˬ duiˬ aˬ joˆ-ehˇ paˇ dehꞈ daˆ gʼeh leꞈ nya nmˇ.

Lormav 3:6

Kʼoeˇ loꞈ-ehˇ maˬ ngeuˇ-a. Miˬyehˇ maˬ tsaˬ maˬ dawˇ naˇ, miˇ tsaˬ zaˬ-ahˇ aˬ yawꞈ aˬ joˆ-ehˇ yaˇ kʼaˬ daˇ nya nmˇ.

2 Laˬsaˬbaˬ 32:12

Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ deuˬ hawˇ-eu lawˇ duˬ deuˬ-ahˇ Heˬsaˬgiˇ teu gʼaˬ neh laˆ cawˆ jiˇ-awˇ, Lawˇ duˬ tiˬ hmˬ-ahˇ tehꞈ-ehˇ gʼoe-awˇ uˬ duˬ tahˬ-awˇ lawˇ-eu shehˇ-eu jeˬ mˇ-awˬ lehˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ ehˇ-euˬ maˬ ngeuˇ-a loˇ.

2 Sahˬpaˬ 18:22

“Kʼoeˇ loꞈ-ehˇ maˬ ngeuˇ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe luꞈ-eu ma lehˇ, naw maꞈ ngaˬ-ahˇ ehˇ-eu gʼeh te loˇ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ laꞈ kʼoeˇ jaˆ-eu lawˇ duˬ kʼoeˇ tsahˇ-ahˇ tehꞈ-ehˇ uˬ duˬ ya tahˬ laˇ meh lehˇ Heˬsaˬgiˇ ehˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu nymˇ deuˬ hawˇ-eu, lawˇ duˬ deuˬ-ahˇ aˬ yawꞈ laˆ cawˆ jiˇ-euˬ maˬ ngeuˇ-a loˇ.

1 Sahˬpaˬ 21:3

Naˬboˆ ehˇ-eu, “Aˬ gaꞈ yaˇ kmˇ heu kmˇ-aˬ, ngaˬ-euˬ aˬ poeˬ aˬ bawˇ deuˬ-euˬ jeˬ biˇ pyeuꞈ-eu miˇ neh, nawˬ-ahˇ biꞈ-eu gʼaˇ duˬ Sahˬpaˬ Miˬyehˇ nui ma maˬ tsaˬ-a.”

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

Yawˇshuˆ 22:26

Kʼoeˇ miˇ neh, lawˇ-eu shehˇ-eu jeˬ mˇ-eu gʼaˇ duˬ nga maꞈ lawˇ duˬ gawˬ-euˬ maˬ ngeuˇ.

Yawˇshuˆ 22:23

Sahˬpaˬ Miˬyehˇ-euˬ ehˇ dawˬ maˬ naˇ haˬ ni, miˬ dzaˬ dzah puiˆ-awˇ lawˇ-eu jeˬ maˬ ehˇ, dzaˬ la gʼo cehˇ lawˇ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, nga maꞈ lawˇ-eu lehˇ yawˬ ha-euˬ gʼaˇ duˬ lawˇ duˬ tsoˆ-euˬ jeˬ ngeuˇ naˇ, nga maꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ laꞈ luꞈ-uˇ,

Aˇ dahˬ 44:17

Yoˇsehˆ ehˇ-eu, “Kʼoeˇ naˆ naˆ-ehˇ maˇ diˇ-aˬ maˬ ngeuˇ-aˇ. Ngaˇ naw maꞈ-ahˇ teu naˆ naˆ-ehˇ jahˇ nehˬ-eu lehˇ maˬ ngeuˇ. Ngaˬ-euˬ pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ bi geuꞈ yaꞈ-awˇ, nawˬ ha mehˇ nmˇ dawˬ tawˆ luꞈ nawˬ ha mehˇ nmˇ-euˬ aˬ da jawˇ gaˇ yaw muiˬ paˬ-ehˇ gʼoꞈ keuˆ leˇ jiˇ-awˬ.”

Aˇ dahˬ 44:7

Kʼoeˇ ngeh, aˬ ha mehˇ nmˇ ehˇ-eu, “Aˬ yuiꞈ-oˇ, nawˇ teu loꞈ-ehˇ ehˇ-eu teu aˬ jeˬ ehˇ mawꞈ te. Ngaˬ ha mehˇ nmˇ teu loꞈ-ehˇ gʼeh-eu jeˬ mˇ taˬ-euˬ maˬ jaˆ lehˇ kamˬ tsehˆ peuˬ ma.

Yawˇshuˆ 22:28

Nga maꞈ heu loꞈ-ehˇ noeˬ-eu ma. Aˬ kaˇ, nga maꞈ-ahˇ maˬ ehˇ, nga maꞈ-euˬ zaˬ deuˬ uˆ deuˬ-ahˇ maˬ ehˇ, kʼoeˇ loꞈ-ehˇ ehˇ laˇ naˇ, nga maꞈ-euˬ zaˬ deuˬ uˆ deuˬ heu loꞈ-ehˇ ehˇ kʼoꞈ nehˬ nya tehꞈ-a. ‘Haw yawˬ. Sahˬpaˬ Miˬyehˇ-euˬ lawˇ duˬ-ahˇ duˇ-eu lawˇ duˬ tiˬ hmˬ nga maꞈ-euˬ aˬ poeˬ aˬ bawˇ deuˬ neh gawˬ taˬ yaꞈ-euˬ meh. Kʼoeˇ-aˬ, lawˇ-eu shehˇ-eu gʼaˇ duˬ maˬ ngeuˇ-ehˇ, nga maꞈ tsawˇ jeuˬ hawˇ-eu naw maꞈ tsawˇ jeuˬ yaw kaˬ-ahˇ saˇ kiˇ bi pyeuꞈ-eu gʼaˇ duˬ meh’ lehˇ ehˇ kʼoꞈ nehˬ nya tehꞈ-a.

Yawˇshuˆ 22:30

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ kʼoeˇ deuˬ ehˇ-eu dawˬ-ahˇ, piˇ ma Piˇnaˬhaˇ hawˇ-eu aˬ yawꞈ nehˬ-ehˇ oe-euˬ nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu, Iˇsaˬleˬlaˆ tsawˇ haˬ aˇ maꞈ aˇ muˇ-euˬ aˬ yuiꞈ aˬ tsu kʼoeˇ tseˇ gʼaˬ ya gaˬ ngeh, nui kʼahˇ shiˇ-euˬ meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.