Yawˇshuˆ 22:27 - Akha

²⁷ Ehˇ kʼawꞈ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ lawˇ-eu laꞈ kʼoeˇ, Sahˬpaˬ Miˬyehˇ-euˬ muiˬ-eu shawˇ-eu Sehˬ gʼawˆ mehˬ shi aˬ dui aˬ yawꞈ-ahˇ uˬ duˬ tahˬ-euˬ gaˇ kawˆ, naw maꞈ-euˬ tsawˇ haˬ hawˇ-eu nga maꞈ-euˬ tsawˇ haˬ gʼaˇ duˬ maˬ ehˇ, aˬ kaˇ aˬ dui-euˬ zaˬ deuˬ uˆ deuˬ gʼaˇ duˬ maˬ ehˇ, saˇ kiˇ bi pyeuꞈ-eu gʼaˇ duˬ, heu loꞈ-ehˇ mˇ-euˬ ma. Nga maꞈ-euˬ zaˬ deuˬ uˆ deuˬ Sahˬpaˬ Miˬyehˇ-ahˇ maˬ taꞈ-a lehˇ naw maꞈ-euˬ zaˬ deuˬ uˆ deuˬ maˬ ya ehˇ ni, nga maꞈ heu loꞈ-ehˇ mˇ-euˬ ma.

Yawˇshuˆ 22:27 Referans Kwoze

Yawˇshuˆ 24:27

Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ ehˇ nehˬ-eu, “Kʼaˬ lo heu siˬ-aˬ, aˬ dui gʼaˇ duˬ saˇ kiˇ pyeuꞈ tehꞈ-a. Sahˬpaˬ Miˬyehˇ neh aˬ dui-ahˇ kʼaˇ ehˇ nehˬ laꞈ-euˬ jeˬ-ahˇ kʼaˬ lo heu siˬ ya gaˬ-euˬ meh. Kʼoeˇ miˇ neh, kʼoeˇ-aˬ, naw maꞈ-euˬ Miˬyeh-ahˇ naw maꞈ maˬ ya puiˬ-eu gʼaˇ duˬ saˇ kiˇ pyeuꞈ tehꞈ-a.”

Aˇ dahˬ 31:48

Kʼoeˇ ngeh, “Kʼaˬ lo lo bymˇ heu bymˇ-aˬ, aˇ nyaꞈ nyiˬ gʼaˬ luꞈ noeˬ keuˆ-eu gʼaˇ duˬ pyeuꞈ-eu ma” lehˇ, Yaˬkoˆ-ahˇ Laˬbaˬ ehˇ nehˬ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ, Gaˬliˆ lehˇ kuˇ-euˬ meh.

Yawˇshuˆ 22:34

“Sahˬpaˬ Miˬyehˇ-aˬ Miˬyehˇ pyeuꞈ-eu gaˇ kawˆ, lawˇ duˬ heu hmˬ saˇ kiˇ pyeuꞈ-eu meh” lehˇ Luˇbeˬ tsawˇ jeuˬ hawˇ-eu Gaˆ tsawˇ jeuˬ ehˇ-awˇ, lawˇ duˬ kʼoeˇ hmˬ-ahˇ “Saˇ kiˇ” lehˇ myahˇ nehˬ-euˬ meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

1 Saˬmeuˬlaˆ 7:12

Kʼoeˇ naˇ, Saˬmeuˬlaˆ kʼaˬ lo tiˬ siˬ yuˇ-awˇ, Miˇzaˬpaˬ meuˬ hawˇ-eu Yeˬshaˬnahˬ meuˬ yaw kaˬ-ahˇ ka tuˇ-awˇ, “Sahˬpaˬ Miˬyehˇ iˬ nah keuˆ ni aˬ dui-ahˇ caw ba luꞈ meh” lehˇ ehˇ-awˇ, kʼaˬ lo kʼoeˇ siˬ-ahˇ Eˇbaˬneˬzaˬ lehˇ myahˇ nehˬ-euˬ meh.

Yawˇshuˆ 22:10

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, yawˇ daˬ lawˇ baˬ nahˇ ma ga kʼehˬ paw jaˆ-eu Geˬliˇlawˆ meuˬ-ahˇ oe keuˆ ngeh, lawˇ baˬ lawˇ deh-ahˇ huiˬ dui dui-eu lawˇ duˬ tiˬ hmˬ gawˬ-euˬ meh.

Aˇ dahˬ 31:52

Kʼahˬ tuˇ taˬ-euˬ kʼaˬ lo kʼawˇ zeuˇ heu zeuˇ hawˇ-eu, kʼaˬ lo lo bymˇ heu bymˇ-aˬ, saˇ kiˇ pyeuꞈ-eu ma. Kʼaˬ lo lo bymˇ heu bymˇ oe dzeuˇ-awˇ, nawˬ-ahˇ ngaˇ tiˬ jawˇ-iˬ maˬ ceh le lehˇ ngaˇ ehˇ tsehˆ-eu ma. Nawˇ kʼawꞈ, kʼaˬ lo kʼawˇ zeuˇ heu zeuˇ laˇ dzeuˇ-awˇ, ngaˬ-ahˇ tiˬ jawˇ-iˬ taˬ ceh laˇ.

Yawˇshuˆ 22:26

Kʼoeˇ miˇ neh, lawˇ-eu shehˇ-eu jeˬ mˇ-eu gʼaˇ duˬ nga maꞈ lawˇ duˬ gawˬ-euˬ maˬ ngeuˇ.

Yawˇshuˆ 22:28

Nga maꞈ heu loꞈ-ehˇ noeˬ-eu ma. Aˬ kaˇ, nga maꞈ-ahˇ maˬ ehˇ, nga maꞈ-euˬ zaˬ deuˬ uˆ deuˬ-ahˇ maˬ ehˇ, kʼoeˇ loꞈ-ehˇ ehˇ laˇ naˇ, nga maꞈ-euˬ zaˬ deuˬ uˆ deuˬ heu loꞈ-ehˇ ehˇ kʼoꞈ nehˬ nya tehꞈ-a. ‘Haw yawˬ. Sahˬpaˬ Miˬyehˇ-euˬ lawˇ duˬ-ahˇ duˇ-eu lawˇ duˬ tiˬ hmˬ nga maꞈ-euˬ aˬ poeˬ aˬ bawˇ deuˬ neh gawˬ taˬ yaꞈ-euˬ meh. Kʼoeˇ-aˬ, lawˇ-eu shehˇ-eu gʼaˇ duˬ maˬ ngeuˇ-ehˇ, nga maꞈ tsawˇ jeuˬ hawˇ-eu naw maꞈ tsawˇ jeuˬ yaw kaˬ-ahˇ saˇ kiˇ bi pyeuꞈ-eu gʼaˇ duˬ meh’ lehˇ ehˇ kʼoꞈ nehˬ nya tehꞈ-a.

Jaceuq 16:5

SahˬpaˬMiˬyehˇnawˇngaˬ-euˬma. Ngaˇkʼaˇloˬ-eu nawˇbiꞈlaꞈ-awˇ, ngaˬ-euˬaˇnah aˇyamˬdawˬtawˆ, nawˬ-euˬ aˬlaꞈlaꞈkʼoeˇjaˆmeh.

Iˇsaˬyaˇ 19:19

Aˇ nah aˇ yamˬ kʼoeˇ keuˆ le ngeh, Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ-ahˇ lawˇ-eu gʼaˇ duˬ lawˇ duˬ tiˬ tsahˇ jaˆ-awˇ, Sahˬpaˬ Miˬyehˇ-ahˇ noeˬ keuˆ-eu gʼaˇ duˬ, Iˇjiˇtuˆ miˇ kaˬ-ahˇ kʼaˬ lo kʼawˇ zeuˇ zeuˇ ma ka tuˇ taˬ tehꞈ-a.