Yawˇshuˆ 22:26 - Akha

²⁶ Kʼoeˇ miˇ neh, lawˇ-eu shehˇ-eu jeˬ mˇ-eu gʼaˇ duˬ nga maꞈ lawˇ duˬ gawˬ-euˬ maˬ ngeuˇ.

Yawˇshuˆ 22:26 Referans Kwoze

Yawˇshuˆ 22:25

Luˇbeˬ tsawˇ jeuˬ hawˇ-eu Gaˆ tsawˇ jeuˬ pyeuꞈ-eu naw maꞈ deuˬ hawˇ-eu nga maꞈ-euˬ yaw kaˬ-ahˇ, Yawˇdaˬ lawˇ baˬ neh aˬ yawꞈ miˇ kaˬ biˇ paˆ taˬ-euˬ meh. ‘Naw maꞈ Sahˬpaˬ Miˬyehˇ-ahˇ maˬ taꞈ-a’ lehˇ naw maꞈ-euˬ zaˬ deuˬ uˆ deuˬ nga maꞈ-euˬ zaˬ deuˬ uˆ deuˬ-ahˇ ehˇ-awˇ, Sahˬpaˬ Miˬyehˇ-ahˇ uˬ duˬ maˬ bi tahˬ gaˇ guˆ-eu miˇ neh, nga maꞈ heu loꞈ-ehˇ mˇ-euˬ ma.

Yawˇshuˆ 22:27

Ehˇ kʼawꞈ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ lawˇ-eu laꞈ kʼoeˇ, Sahˬpaˬ Miˬyehˇ-euˬ muiˬ-eu shawˇ-eu Sehˬ gʼawˆ mehˬ shi aˬ dui aˬ yawꞈ-ahˇ uˬ duˬ tahˬ-euˬ gaˇ kawˆ, naw maꞈ-euˬ tsawˇ haˬ hawˇ-eu nga maꞈ-euˬ tsawˇ haˬ gʼaˇ duˬ maˬ ehˇ, aˬ kaˇ aˬ dui-euˬ zaˬ deuˬ uˆ deuˬ gʼaˇ duˬ maˬ ehˇ, saˇ kiˇ bi pyeuꞈ-eu gʼaˇ duˬ, heu loꞈ-ehˇ mˇ-euˬ ma. Nga maꞈ-euˬ zaˬ deuˬ uˆ deuˬ Sahˬpaˬ Miˬyehˇ-ahˇ maˬ taꞈ-a lehˇ naw maꞈ-euˬ zaˬ deuˬ uˆ deuˬ maˬ ya ehˇ ni, nga maꞈ heu loꞈ-ehˇ mˇ-euˬ ma.

Iˇsaˬyaˇ 19:19

Aˇ nah aˇ yamˬ kʼoeˇ keuˆ le ngeh, Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ-ahˇ lawˇ-eu gʼaˇ duˬ lawˇ duˬ tiˬ tsahˇ jaˆ-awˇ, Sahˬpaˬ Miˬyehˇ-ahˇ noeˬ keuˆ-eu gʼaˇ duˬ, Iˇjiˇtuˆ miˇ kaˬ-ahˇ kʼaˬ lo kʼawˇ zeuˇ zeuˇ ma ka tuˇ taˬ tehꞈ-a.

Yawˇshuˆ 22:29

Aˬ diˇ aˬ maˇ, miˬ dzaˬ dzah puiˆ-awˇ lawˇ-euˬ jeˬ hawˇ-eu, dzaˬ la gʼo cehˇ lawˇ-eu jeˬ lawˇ-eu gʼaˇ duˬ lawˇ duˬ tsoˆ-eu laꞈ kʼoeˇ, Sahˬpaˬ Miˬyehˇ-ahˇ puiˬ-awˇ, aˬ yawꞈ-euˬ mehˬ nah maˬ caw teh ni byehˇ-eu lehˇ gʼeh-eu maˬ ngeuˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ pyeuꞈ-eu aˬ yawꞈ jawˇ-eu Sehˬ gʼawˆ mehˬ shi jaˆ-eu lawˇ duˬ kʼoeˇ hmˬ uˬ taꞈ-ehˇ, lawˇ duˬ yawˬ hmˬ yawˬ nga maꞈ maˬ gawˬ.”

Yaˇ kʼaˬ daˇ 6:24

Sahˬpaˬ Miˬyehˇ gʼaˇ duˬ, Giˇdoˬ kʼoeˇ gaˇ lawˇ duˬ tiˬ hmˬ gawˬ-awˇ, “Sahˬpaˬ Miˬyehˇ-aˬ, nui saˇ oꞈ-eu jeˬ pyeuꞈ-eu meh” lehˇ myahˇ nehˬ-euˬ meh. (Lawˇ duˬ kʼoeˇ hmˬ-aˬ, Aˬbyeˇzaˬ aˇ jeuˬ-euˬ Awˇpaˬlaˇ pu-ahˇ iˬ nah keuˆ ni jaˆ luꞈ meh.)