Yawˇshuˆ 22:23 - Akha

²³ Sahˬpaˬ Miˬyehˇ-euˬ ehˇ dawˬ maˬ naˇ haˬ ni, miˬ dzaˬ dzah puiˆ-awˇ lawˇ-eu jeˬ maˬ ehˇ, dzaˬ la gʼo cehˇ lawˇ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, nga maꞈ lawˇ-eu lehˇ yawˬ ha-euˬ gʼaˇ duˬ lawˇ duˬ tsoˆ-euˬ jeˬ ngeuˇ naˇ, nga maꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ laꞈ luꞈ-uˇ,

Yawˇshuˆ 22:23 Referans Kwoze

1 Saˬmeuˬlaˆ 20:16

aˇ nyaꞈ yaw kaˬ dzaˬ taˬ-euˬ saˇ jaˇ heu maˬ poˆ maˬ paˇ laˇ ni ziꞈ luꞈ-uˇ. Saˇ jaˇ heu hmˬ-ahˇ nawˇ maˬ ziꞈ naˇ, Sahˬpaˬ Miˬyehˇ nawˬ-ahˇ kʼehˬ nehˬ laꞈ tehꞈ-a.”

Dawˬmehˬ 18:19

Ngaˬ-euˬ tsawˇ myahˇ uˬ moˆ aˬ yawꞈ dawˬ ngehˬ-awˇ, aˬ yawꞈ-euˬ ehˇ dawˬ maˬ naˇ haˬ-eu tsawˇ haˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 33:8

Haiˬ-eu tsawˇ haˬ tiˬ gʼaˬ ya shiˇ-eu keuˆ le-eu ngaˇ lehˇ ngaˇ ehˇ ngeh, aˬ yawꞈ maˬ ya shiˇ-eu gʼaˇ duˬ dehꞈ paˇ ni nawˇ maˬ mehˬ maˬ tsoˆ nehˬ-ehˇ, yaw haiˬ jeˬ mˇ-awˇ shiˇ naˇ, nawˬ-ahˇ ngaˇ do yuˇ ma.

Yeˬsaˬgeˬlaˇ 33:6

Ehˇ kʼawꞈ, loꞈ piˇ-eu gʼaˬ muiˇ-eu deuˬ laˇ luꞈ-eu mawˇ-euˬ kʼawꞈ, daˇ heh maˬ baw gaˬ nehˬ ni jawˇ-euˬ miˇ neh, muiˇ-eu deuˬ laˇ-awˇ tsawˇ haˬ kʼoeˇ deuˬ tiˬ gʼaˬ na bi sehꞈ naˇ, loꞈ piˇ-eu kʼoeˇ gʼaˬ-ahˇ ngaˇ do yuˇ ma.

Yeˬsaˬgeˬlaˇ 3:18

Haiˬ-eu tsawˇ haˬ tiˬ gʼaˬ shiˇ-eu keuˆ laˇ shaw-iˬ meh lehˇ ngaˇ ehˇ ngeh, aˬ yawꞈ yawˬ haˇ yawˬ ha ka kʼoꞈ nya ni bi dehꞈ paˇ-eu gʼaˇ duˬ nawˇ maˬ mehˬ maˬ tsoˆ-ehˇ iˬ baˇ pi-awˇ bi shiˇ naˇ, nawˬ-ahˇ ngaˇ do yuˇ ma.

2 Laˬsaˬbaˬ 24:22

Sahˬ paˬ Yawˇshaˆ-aˬ, Zaˬkaˬliˇ-euˬ aˬ da Yeˬhawˇyaˬdaˬ neh aˬ yawꞈ-ahˇ ngehˬ gʼeh caw ba nehˬ-euˬ deuˬ-ahˇ maˬ noeˬ keuˆ-ehˇ Zaˬkaˬliˇ-ahˇ bi sehꞈ-euˬ meh. Zaˬkaˬliˇ shiˇ leˇ ngeh, “Naw maꞈ neh mˇ-euˬ jeˬ-ahˇ Sahˬpaˬ Miˬyehˇ mawˇ-awˇ, naw maꞈ-ahˇ kʼehˬ nehˬ kʼaˆ nehˬ luꞈ-uˇ” lehˇ ehˇ-awˇ shiˇ-euˬ meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Aˇ dahˬ 9:4

Ehˇ kʼawꞈ, naw maꞈ maˬ dzaˬ nya-eu tiˬ jeˬ-aˬ, shiˬ maˬ dzeˇ-iˇ-euˬ shaˬ jiˇ meh. Dehꞈ-eu saꞈ laˇ shiˬ laꞈ kʼoeˇ ahˇ-eu miˇ neh, naw maꞈ shiˬ taˬ dzaˬ lehˇ ngaˇ ehˇ-eu ma.

Yawˇshuˆ 22:24

Kʼoeˇ loꞈ-ehˇ maˬ ngeuˇ. Aˬ kaˇ, naw maꞈ-euˬ zaˬ deuˬ uˆ deuˬ nga maꞈ-euˬ zaˬ deuˬ uˆ deuˬ-ahˇ, ‘Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ aˬ jeˬ taꞈ te’ lehˇ ehˇ laˇ gaˇ guˆ-eu miˇ neh, nga maꞈ heu loꞈ-ehˇ mˇ-euˬ ma.