Yawˇshuˆ 22:13 - Akha

¹³ Kʼoeˇ naˇ, Iˇsaˬleˬlaˆ tsawˇ haˬ deuˬ piˇ ma Eˇlaˬzaˬ-euˬ aˬ li Piˇnaˬhaˇ-ahˇ, Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ bi iˇ-euˬ meh.

Yawˇshuˆ 22:13 Referans Kwoze

Bawˇtsahˬ 25:7

Kʼoeˇ loꞈ-ehˇ jahˇ gaˇ Aˬloˬ-euˬ aˬ li Eˇlaˬzaˬ gʼaˬ-euˬ aˬ li Piˇnaˬhaˇ ya mawˇ ngeh, gahˬ tuˆ tehˬ-awˇ tsawˬ tuˇ laˇ-awˇ, tsawˇ haˬ aˇ maꞈ aˇ muˇ jawˇ gaˇ neh doˆ-iˇ-euˬ meh.

Doˆ-iˇ 6:25

Aˬloˬ-euˬ aˬ li Eˇlaˬzaˬ-aˬ, Puˬtiˬlaˇ-euˬ aˬ buˇ-ahˇ sheuˬ dahˬ dzaˬ-awˇ, Piˇnaˬhaˇ jawˇ le-euˬ meh. Heu deuˬ-aˬ, Leˬbiˇ tsawˇ jeuˬ tsawˇ ca dawˬ tawˆ luꞈ-euˬ aˬ da yaw dzahˇ deuˬ pyeuꞈ-eu meh.

Maꞈtehˬ 18:15

Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Dawqdaq 20:18

Bawˬ toˆ yaw muiˬ suˇ teˇ naˇ, suˇ dawˬ maˬ kuꞈ gaˇ guiˇ taˬ deuˆ.

Yaˇ kʼaˬ daˇ 20:12

Iˇsaˬleˬlaˆ tsawˇ haˬ deuˬ Beˬyaˬmiˬ miˇ kʼahˬ doe ni tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ doe-iˇ-euˬ meh. “Aˇ naˆ naˆ-ehˇ gʼeh-eu yaw haiˬ jeˬ naw maꞈ mˇ te.

Dawˬmehˬ 13:14

Kʼoeˇ loꞈ-ehˇ ja-eu ya gaˬ ngeh, yaw muiˬ paˬ-ehˇ pyehˆ tseˇ haw-awˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ aˬ diˇ aˬ maˇ pyeuꞈ doˆ laˇ-euˬ ya mawˇ naˇ,

Bawˇtsahˬ 31:6

Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.

Yawˇshuˆ 24:33

Aˬloˬ-euˬ aˬ li Eˇlaˬzaˬ shiˇ-awˇ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu aˬ yawꞈ-euˬ aˬ li-ahˇ biꞈ-euˬ Giˇbyoˬ meuˬ-ahˇ baꞈ pahˬ-euˬ meh.

Bawˇtsahˬ 32:1

Luˇbeˬ tsawˇ jeuˬ hawˇ-eu Gaˆ tsawˇ jeuˬ jeˬ zaˬ myaˬ dui dui-awˇ, Yaˬzeuˬ meuˬ hawˇ-eu Giˇlaˆ meuˬ-aˬ, jeˬ zaˬ jawˇ duˬ muiˬ dui dui gaˇ aˬ yawꞈ maꞈ ya mawˇ-euˬ meh.

1 Laˬsaˬbaˬ 9:20

Eˇlaˬzaˬ-euˬ aˬ li Piˇnaˬhaˇ gʼaˬ-aˬ, aˬ yawꞈ maꞈ-euˬ kʼoeˇ taˆ haw-eu pyaˆ-eu gʼaˬ tiˬ poˆ geuꞈ-awˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-euˬ meh.