Yawˇshuˆ 22:11 - Akha

¹¹ “Haw sheˇ. Luˇbeˬ tsawˇ jeuˬ, Gaˆ tsawˇ jeuˬ hawˇ-eu nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, Yawˇdaˬ lawˇ baˬ heu paw baˬ-ahˇ, aˬ dui jawˇ-eu paw jaˆ-eu Geˬliˇlawˆ meuˬ-ahˇ, huiˬ dui dui-eu lawˇ duˬ tiˬ hmˬ gawˬ taˬ-euˬ ngaˇ” lehˇ ehˇ gaˇ, Iˇsaˬleˬlaˆ tsawˇ haˬ deuˬ ya gaˬ-euˬ meh.

Yawˇshuˆ 22:11 Referans Kwoze

Yoˇhaˬ 1:28

Yoˇhaˬ iˇ cuꞈ shawˇ nehˬ luꞈ-eu jawˇ duˬ pyeuꞈ-eu Yawˇdaˬ lawˇ baˬ-euˬ nahˇ ma doˆ kʼehˬ paw dzeˇ jaˆ-eu Beˬtaˬniˇ pu-ahˇ, Yoˇhaˬ-ahˇ aˬ yawꞈ maꞈ kʼoeˇ loꞈ-ehˇ naˇ haˬ-euˬ meh.

Yawˇshuˆ 2:7

Sahˬ paˬ-euˬ tsawˇ haˬ kʼoeˇ deuˬ meuˬ-ahˇ neh doˆ-iˇ-awˇ, meuˬ meuˬ lahˇ laˇ gʼoˆ piˬ tehˬ-euˬ meh. Kʼoeˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ kʼoeˇ nyiˬ gʼaˬ-ahˇ, Yawˇdaˬ lawˇ baˬ lawˇ deh-ahˇ keuˆ ni aˬ yawꞈ maꞈ poˆ keuˆ-iˇ-euˬ meh.

Yoˇhaˬ 20:12

Mˬ taˆ gʼaˬ kʼehˇ nyiˬ gʼaˬ mehˬ tsoeˬ yaw pyuˇ dm-awˇ, Yeˬsuˇ-ahˇ baꞈ taˬ-awˇ bi jaˆ-euˬ kʼoeˇ tsahˇ-ahˇ, mˬ gʼmˬ paw tiˬ gʼaˬ, kuiˇ bi paw tiˬ gʼaˬ jawˇ luꞈ gaˇ aˬ yawꞈ ya mawˇ-euˬ meh.

Yoˇhaˬ 20:1

Tiˬ jaw laꞈ kʼoeˇ aˇ dahˬ beh-eu nah uˬ shawˬ paw uˬ bya maˬ bya laˇ mi naˆ-ehˇ, Maˬgaˬdaˬlaˇ meuˬ-ahˇ jawˇ-eu Maˬliˇ kʼoeˇ gʼaˬ lmˬ bymˇ-ahˇ iˇ haw ngeh, lmˬ bymˇ mehˬ kʼehˬ-ahˇ jaˆ-eu kʼaˬ lo ngawˬ dzeh-awˇ jaˆ gaˇ ya mawˇ-euˬ meh.

Yaˇ kʼaˬ daˇ 12:5

Eˇpaˬleˬ tsawˇ haˬ deuˬ maˬ bi cehˆ dzeuˇ-eu gʼaˇ duˬ, Yawˇdaˬ lawˇ baˬ-ahˇ tsehˆ daˬ kʼaˇ jaˆ gaˇ Giˇlaˆ tsawˇ haˬ deuˬ deuˆ gʼaˬ-awˇ loꞈ-euˬ meh. Cehˆ dzeuˇ mawꞈ-eu Eˇpaˬleˬ tsawˇ haˬ deuˬ, lawˇ baˬ bi tsehˆ nehˬ laꞈ lehˇ kʼaˇ shaˇ ngeh, “Nawˇ Eˇpaˬleˬ tsawˇ haˬ maˬ ngeuˇ loˇ” lehˇ Giˇlaˆ tsawˇ haˬ deuˬ naˇ haˬ-euˬ meh. “Maˬ ngeuˇ” lehˇ ehˇ naˇ,

Yawˇshuˆ 22:10

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, yawˇ daˬ lawˇ baˬ nahˇ ma ga kʼehˬ paw jaˆ-eu Geˬliˇlawˆ meuˬ-ahˇ oe keuˆ ngeh, lawˇ baˬ lawˇ deh-ahˇ huiˬ dui dui-eu lawˇ duˬ tiˬ hmˬ gawˬ-euˬ meh.

Yawˇshuˆ 22:16

Sahˬpaˬ Miˬyehˇ-euˬ tsawˇ haˬ aˇ maꞈ aˇ muˇ dawˬ tawˆ luꞈ-euˬ dah zaˇ, aˬ yawꞈ maꞈ heu loꞈ-ehˇ ehˇ-eu meh. “Aˬ jeˬ miˇ neh Iˇsaˬleˬlaˆ-euˬ Miˬyehˇ mehˬ shi heu loꞈ-ehˇ gʼeh-eu maˬ muiˬ maˬ jaˬ-eu jeˬ naw maꞈ mˇ yaꞈ teˬ. Naw maꞈ yawˬ ha gʼaˇ duˬ lawˇ duˬ heu hmˬ gawˬ-euˬ laꞈ kʼoeˇ, Sahˬpaˬ Miˬyehˇ-ahˇ puiˬ-euˬ meh. Aˬ yawꞈ-euˬ mehˬ nah naw maꞈ maˬ caw teh-a.

Yawˇshuˆ 22:19

Naw maꞈ-euˬ miˇ kʼahˬ maˬ muiˬ maˬ shawˇ-eu miˇ neh, uˬ duˬ tahˬ kʼaˇ maˬ za naˇ, Sahˬpaˬ Miˬyehˇ-euˬ Sehˬ gʼawˆ jaˆ-eu aˬ yawꞈ-euˬ miˇ kʼahˬ-ahˇ laˇ-awˇ, nga maꞈ-ahˇ miˇ tsaˬ shaˇ laˇ-awˬ. Ehˇ kʼawꞈ, Sahˬpaˬ Miˬyehˇ-ahˇ puiˬ-eu maˬ ehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ uˬ taꞈ-ehˇ, lawˇ duˬ nui hmˬ gawˬ-eu laꞈ kʼoeˇ, nga maꞈ-ahˇ Sahˬpaˬ Miˬyehˇ-ahˇ puiˬ-eu tsawˇ haˬ bi pyeuꞈ-iˇ ni mˇ-eu maˬ ehˇ, taˬ gʼeh nehˬ laꞈ.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.