Yawˇshuˆ 21:43 - Akha

⁴³ Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh.

Yawˇshuˆ 21:43 Referans Kwoze

Aˇ dahˬ 13:15

Nawˬ neh kʼaˇ haw mawˇ jiˇ-euˬ miˇ kʼahˬ dawˬ tawˆ luꞈ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ-eu lehˇ ngaˇ lehˬ hmˬ taˬ-euˬ ma. Miˇ kʼahˬ heu kʼahˬ-aˬ, mˬ maˬ maˬ byaˆ zaˇ ziˇ naw maꞈ-euˬ miˇ kʼahˬ pyeuꞈ tehꞈ-a.

Aˇ dahˬ 28:4

Aˬbyaˬhaˬ-ahˇ aˬ yawꞈ guiˬ lahˬ biꞈ nehˬ-euˬ loꞈ-ehˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ kʼawꞈ, aˬ yawꞈ guiˬ lahˬ biꞈ nehˬ laꞈ luꞈ-uˇ. Aˬbyaˬhaˬ-ahˇ Miˬyehˇ neh biꞈ-euˬ miˇ kʼahˬ pyeuꞈ-eu, nymˬ-mˇ nawˇ jawˇ luꞈ-eu miˇ kʼahˬ heu kʼahˬ, nawˬ-euˬ miˇ kʼahˬ pyeuꞈ laˇ luꞈ-uˇ.”

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Dawˬmehˬ 11:31

Naw maꞈ Yawˇdaˬ lawˇ baˬ tsehˆ doˆ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ ya jawˇ leˇ-eu aˇ yamˬ dawˬ peh peh laˇ taˬ-euˬ meh. Naw maꞈ kʼoeˇ gaˇ le keuˆ-awˇ, jawˇ duˬ dah leˇ gʼaˬ ngeh,

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Dawˬmehˬ 17:14

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ gʼeh-eu miˇ kʼahˬ-ahˇ naw maꞈ za gʼaˬ-awˇ, jawˇ uˇ leˇ gʼaˬ ngeh, naw maꞈ-euˬ jawˬ jawˬ-ehˇ jawˇ-eu tsawˇ jeuˬ dawˬ tawˆ luꞈ-ahˇ duˇ ni, naw maꞈ kʼawꞈ sahˬ paˬ tiˬ gʼaˬ loˬ nya lehˇ noeˬ tsehˆ laˇ tehꞈ-a.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Dawˬmehˬ 34:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ-eu, “Heu-aˬ, Aˬbyaˬhaˬ, Iˇtsaˆ hawˇ-eu Yaˬkoˆ aˬ ha maꞈ-ahˇ, aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ-eu gʼaˇ duˬ ngaˬ neh saˇ jaˇ dzaˬ taˬ-euˬ miˇ kʼahˬ ma. Miˇ kʼahˬ heu nawˬ-ahˇ ngaˇ biꞈ mawꞈ kʼawꞈ, nawˇ maˬ ya uˇ keuˆ leˇ-a.”

Bawˇtsahˬ 33:53

Miˇ kʼahˬ kʼoeˇ kʼahˬ-ahˇ deuˆ geuꞈ-awˇ kʼoeˇ gaˇ jawˇ-awˬ. Aˬ jeˬ miˇ neh ehˇ naˇ, ngaˇ naw maꞈ-ahˇ miˇ kʼahˬ kʼoeˇ kʼahˬ biꞈ-eu ma.

Neˬhaˬmiˇ 9:8

Aˬ yawꞈ nawˬ-ahˇ saˇ jaˇ ziꞈ gaˇ nawˇ ya mawˇ-awˇ, aˬ yawꞈ nehˬ-ehˇ dawˬ ma saˇ jaˇ nawˇ dzaˬ-euˬ meh. Kaˬnaˬ tsawˇ jeuˬ-euˬ miˇ kʼahˬ, Heˬtaˆ tsawˇ jeuˬ hawˇ-eu Aˬmawˇliˆ tsawˇ jeuˬ-euˬ miˇ kʼahˬ, Paˬyehˆ tsawˇ jeuˬ, Yeˬbuˇ tsawˇ jeuˬ hawˇ-eu, Geuˬgaˬshaˆ tsawˇ jeuˬ heu deuˬ-euˬ miˇ kʼahˬ, aˬ yawꞈ-euˬ zaˬ deuˬ-ahˇ biꞈ ma lehˇ, aˬ yawꞈ-ahˇ nawˇ saˇ jaˇ dzaˬ-euˬ meh. Nawˇ saˇ jaˇ ziꞈ dui dui-eu gʼaˬ pyeuꞈ-awˇ, nawˬ-euˬ saˇ jaˇ dawˬ kawˬ byah laˇ-euˬ meh.

Neˬhaˬmiˇ 9:24

Kaˬnaˬ miˇ kʼahˬ-ahˇ aˬ yawꞈ maꞈ deuˆ gʼaˬ-euˬ meh. kʼoeˇ gaˇ jawˇ-eu tsawˇ haˬ deuˬ-ahˇ nawˇ gʼaˬ-euˬ meh. Kaˬnaˬ sahˬ paˬ hawˇ-eu miˇ kʼahˬ zaˬ deuˬ kʼoeˇ taˆ, kʼaˇ jahˇ mawꞈ-eu jeˬ jahˇ nehˬ nya-eu baoˬ, nawˬ-euˬ tsawˇ haˬ deuˬ-ahˇ nawˇ biꞈ-euˬ meh.

Bawˇtsahˬ 34:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Ngaˇ naw maꞈ-ahˇ biꞈ-euˬ Kaˬnaˬ miˇ kʼahˬ-ahˇ naw maꞈ le keuˆ ngeh, naw maꞈ-euˬ miˇ kʼahˬ miˇ kaˬ heu loꞈ-ehˇ jaˆ tehꞈ-a.

Dawˬmehˬ 12:29

“Tsawˇ jeuˬ kʼoeˇ deuˬ-euˬ miˇ kʼahˬ-ahˇ naw maꞈ le uˇ gʼeh-eu nehˬ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ laˆ luˬ laˆ seˇ nehˬ-awˇ, miˇ kʼahˬ kʼoeˇ kʼahˬ laꞈ kʼoeˇ naw maꞈ ya jawˇ tehꞈ-a.

Yawˇshuˆ 1:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ tsawˇ haˬ heu deuˬ jawˇ leˇ ngeh, aˬ yawꞈ maꞈ kʼoeˇ taˆ nawˇ aˬ yuiꞈ ya geuˬ tehꞈ-a.

Yaˇ kʼaˬ daˇ 11:24

Miˇ kʼahˬ kʼoeˇ nawˇ paˇ yuˇ kʼoꞈ-eu lehˇ gʼeh te loˇ. Nawˬ-euˬ miˬ yehˇ Sheˬmoˇshaˆ neh nawˬ-ahˇ kʼaˇ biꞈ-euˬ jeˬ nawˇ geuꞈ nya meh. Ehˇ kʼawꞈ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ kʼaˇ biꞈ-euˬ jeˬ-aˬ, nga maꞈ-euˬ pyeuꞈ-eu ma.

1 Saˬmeuˬlaˆ 12:8

Yaˬkoˆ hawˇ-eu aˬ yawꞈ-euˬ miˬ sawˇ zaˬ deuˬ Iˇjiˇtuˆ miˇ kʼahˬ-ahˇ jawˇ-iˇ-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ kʼehˬ nehˬ kʼaˆ nehˬ ngeh, naw maꞈ-euˬ aˬ poeˬ aˬ bawˇ deuˬ Sahˬpaˬ Miˬyehˇ-ahˇ guˇ guˇ-ehˇ, caw ba nehˬ laꞈ-awˬ lehˇ shaˇ-euˬ meh. Kʼoeˇ ngeh, Moˇseˬ hawˇ-eu Aˬloˬ-ahˇ aˬ yawꞈ pyehˬ gʼeh leꞈ-awˇ, aˬ yawꞈ maꞈ-ahˇ bi sheuˬ doˆ laꞈ-euˬ laꞈ kʼoeˇ, miˇ kʼahˬ heu kʼahˬ-ahˇ bi jawˇ-euˬ meh.

2 Laˬsaˬbaˬ 20:8

Aˬ yawꞈ maꞈ heu gaˇ jawˇ duˬ dah-awˇ, nawˬ-ahˇ taˬ huiˬ taˬ mahˇ-eu laꞈ kʼoeˇ uˬ duˬ tahˬ nymˇ tiˬ nymˇ tsoˆ-euˬ meh. Guiˇ deuˆ-eu jeˬ, naˇ-eu gawˇ-eu jeˬ, mehꞈ-eu shuꞈ-eu jeˬ, heu loꞈ-ehˇ gʼeh-eu shaˬ-eu zahˬ-eu tiˬ jeˬ na aˬ yawꞈ maꞈ kʼoeˇ taˆ bi keuˆ le-eu laꞈ kʼoeˇ, aˬ yawꞈ maꞈ-ahˇ kʼehˬ nehˬ kʼaˆ nehˬ ngeh, nawˬ-ahˇ uˬ duˬ tahˬ-eu Uˬ duˬ tahˬ nymˇ nymˇ ma mehˬ shi aˬ yawꞈ maꞈ yawꞈ laˇ nya ni, aˬ yawꞈ maꞈ noeˬ siˬ-awˇ tsoˆ-euˬ meh. Aˬ yawꞈ maꞈ shaˬ-eu zahˬ-eu jeˬ ya tahˬ puˬ ngeh, nawˬ-ahˇ guiˬ lahˬ shaˇ kʼaˇ za-awˇ, aˬ yawꞈ maꞈ-euˬ shaˇ dawˬ-ahˇ nawˇ gaˬ-eu laꞈ kʼoeˇ, ka kʼoꞈ nehˬ nya-eu meh.

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Jaceuq 105:8

Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.