Yawˇshuˆ 21:4 - Akha

⁴ Leˬbiˇ tsawˇ jeuˬ Kawˇhaˆ aˇ jeuˬ-ahˇ, aˬ cawˬ jeˬ hu meuˬ biˇ nehˬ-euˬ meh. Piˇ ma Aˬloˬ-euˬ zaˬ deuˬ-ahˇ, Yuˇdaˆ miˇ kʼahˬ, Suˇmoˬ miˇ kʼahˬ hawˇ-eu, Beˬyaˬmiˬ miˇ kʼahˬ laꞈ kʼoeˇ jaˆ-eu meuˬ tseˇ smˇ meuˬ biˇ oꞈ nehˬ-euˬ meh.

Yawˇshuˆ 21:4 Referans Kwoze

Yawˇshuˆ 24:33

Aˬloˬ-euˬ aˬ li Eˇlaˬzaˬ shiˇ-awˇ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu aˬ yawꞈ-euˬ aˬ li-ahˇ biꞈ-euˬ Giˇbyoˬ meuˬ-ahˇ baꞈ pahˬ-euˬ meh.

Bawˇtsahˬ 3:27

Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ, heu deuˬ-euˬ nymˇ jiˇ dawˬ tawˆ luꞈ, Kawˇhaˆ aˇ jeuˬ meh.

Yawˇshuˆ 21:3

Kʼoeˇ ngeh, Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh dawˬ biꞈ taˬ-euˬ jaˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ jaˆ-eu meuˬ tiˬ paˆ na deuˬ hawˇ-eu jeˬ zaˬ gaˆ kʼahˬ deuˬ, Leˬbiˇ tsawˇ haˬ deuˬ-ahˇ biꞈ-euˬ meh.

Yawˇshuˆ 21:5

Dzeˇ-eu Kawˇhaˆ aˇ jeuˬ deuˬ-ahˇ Eˇpaˬleˬ miˇ kʼahˬ, Daˬ miˇ kʼahˬ hawˇ-eu, nahˇ ma doˆ kʼehˬ paw jaˆ-eu Maˬnaˇseˬ miˇ kʼahˬ laꞈ kʼoeˇ, meuˬ tseˇ meuˬ biˇ oꞈ nehˬ-euˬ meh.

Doˆ-iˇ 6:16

Leˬbiˇ-aˬ, Gaˬshoˬ, Kawˇhaˆ hawˇ-eu Meˬlaˬliˇ lehˇ myahˇ-euˬ aˬ li smˇ gʼaˬ jawˇ-eu meh. Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Leˬbiˇ-aˬ, tiˬ yaˇ smˬ tseˇ shiꞈ kʼoꞈ byah ni dehꞈ-euˬ meh.

Doˆ-iˇ 6:20

Aˬmaˬlamˬ-aˬ, aˬ yawꞈ-euˬ aˬ da-euˬ dmˇ ma pyeuꞈ-eu Yawˇkeˬbehˇ-ahˇ sheuˬ-awˇ, Aˬloˬ hawˇ-eu Moˇseˬ jawˇ le-euˬ meh. Aˬmaˬlamˬ-aˬ, tiˬ yaˇ smˬ tseˇ shiꞈ kʼoꞈ dehꞈ-euˬ meh.

1 Laˬsaˬbaˬ 6:39

Aˬsaˆ-aˬ, kawˇ yehˬ caˇ-eu paw aˬ yuiꞈ geuꞈ-euˬ nyiˬ gʼaˬ tiˬ gʼaˬ pyeuꞈ-eu meh. Leˬbiˇ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Aˬsaˆ, Beˬleˬkiˇ, Shiˇmehˇ,