Yawˇshuˆ 21:17 - Akha

¹⁷ Beˬyaˬmiˬ miˇ kʼahˬ laꞈ kʼoeˇ aˬ yawꞈ maꞈ-ahˇ biˇ oꞈ nehˬ-euˬ meuˬ oeˬ meuˬ-aˬ, Giˇbyoˬ meuˬ, Geˬbaˬ meuˬ,

Yawˇshuˆ 21:17 Referans Kwoze

Yawˇshuˆ 9:3

Ehˇ kʼawꞈ, Yeˬliˇkoˇ meuˬ hawˇ-eu Aˬiˇ meuˬ-ahˇ Yawˇshuˆ neh jahˇ nehˬ-euˬ gaˇ kawˆ-ahˇ, Hiˇbiˇ tsawˇ jeuˬ pyeuꞈ-eu Giˇbyoˬ meuˬ-ahˇ jawˇ-eu tsawˇ haˬ deuˬ ya gaˬ ngeh,

1 Laˬsaˬbaˬ 6:60

Beˬyaˬmiˬ miˇ kʼahˬ laꞈ kʼoeˇ Geˬbaˬ meuˬ, Aˬlaˬmehˇ meuˬ, Aˬnaˬtawˇ meuˬ hawˇ-eu, meuˬ heu deuˬ-euˬ jeˬ zaˬ gaˆ kʼahˬ deuˬ aˬ yawꞈ maꞈ za-euˬ meh. Aˬ yawꞈ maꞈ aˇ jeuˬ gʼaˇ duˬ, meuˬ dawˬ tawˆ luꞈ tseˇ smˇ meuˬ za-euˬ meh.

Yawˇshuˆ 21:18

Aˬnaˬtawˇ meuˬ hawˇ-eu, Aˬlaˬmawˬ meuˬ meh. Meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ nehˬ-euˬ meh.

1 Sahˬpaˬ 15:22

Kʼoeˇ naˇ, Yuˇdaˆ miˇ kʼahˬ doe ni Aˬsaˬ neh tsawˇ haˬ pyehˬ gʼeh-awˇ, “Tsawˇ haˬ yawˬ gʼaˬ na luꞈ laˇ-awˇ, Laˬmahˇ meuˬ gawˬ ziꞈ-eu gʼaˇ duˬ Bawˬshaˬ neh zmˬ-euˬ kʼaˬ lo hawˇ-eu daˇ kawˬ deuˬ baꞈ doˆ laˇ-awˬ” lehˇ bi tsaꞈ gaˬ doe-euˬ meh. Kʼaˬ lo hawˇ-eu daˇ kawˬ kʼoeˇ deuˬ-ahˇ Aˬsaˬ yuˇ-awˇ, Miˇzaˬpaˬ meuˬ hawˇ-eu Beˬyaˬmiˬ miˇ kʼahˬ-ahˇ jaˆ-eu Geˬbaˬ meuˬ tsoˆ muiˬ gaˇ zmˬ-euˬ meh.

2 Sahˬpaˬ 23:8

Yuˇdaˆ miˇ kʼahˬ doe ni jaˆ-eu meuˬ deuˬ-ahˇ jawˇ-eu piˇ ma deuˬ-ahˇ, Yeˬluˇsaˬlehˬ meuˬ-ahˇ aˬ yawꞈ sheuˬ uiˬ-awˇ, aˬ yawꞈ maꞈ neh lawˇ-eu shehˇ-eu jeˬ kʼaˇ mˇ-euˬ lawˇ duˬ dawˬ tawˆ luꞈ laˆ cawˆ jiˇ-euˬ meh. Yeˬluˇsaˬlehˬ meuˬ-ahˇ uˇ leˇ-eu lahˇ kʼehˬ kʼehˬ ma-euˬ aˇ caˇ paw dzeˇ paˆ-ahˇ lahˇ kʼehˬ tiˬ kʼehˬ jaˆ-eu meh. Lahˇ kʼehˬ kʼoeˇ kʼehˬ-aˬ, meuˬ-ahˇ uˆ lahˇ-eu gʼaˬ pyeuꞈ-eu Yawˇshuˆ neh gawˬ taˬ-euˬ meh. Kʼoeˇ-euˬ dawˬ peh jaˆ-eu ciꞈ myehꞈ nehꞈ deuˬ-ahˇ lawˇ-eu lawˇ duˬ kʼoeˇ deuˬ-ahˇ kʼawꞈ, aˬ yawꞈ laˆ cawˆ-euˬ meh. Piˇ ma kʼoeˇ deuˬ-ahˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ gaˇ maˬ bi mˇ-a.

Iˇsaˬyaˇ 10:29

Aˬ yawꞈ maꞈ gʼaˬ lahˇ oe tsehˆ-awˇ, Geˬbaˬ meuˬ-ahˇ uˬ ciꞈ oe yaꞈ-euˬ meh. Laˬmahˇ meuˬ-ahˇ jawˇ-eu tsawˇ haˬ deuˬ guˆ dui dui-awˇ, Sawˇluˆ-euˬ meuˬ pyeuꞈ-eu Giˇbyaˬ meuˬ-ahˇ jawˇ-eu deuˬ cehˆ byaˆ jiˇ-euˬ meh.

1 Laˬsaˬbaˬ 8:6

Eˬhuˇdaˆ-euˬ zaˬ deuˬ uˆ deuˬ-aˬ, Neˬmaˬ, Aˬhiˇyaˬ hawˇ-eu Geˬlaˬ meh. Aˬ yawꞈ maꞈ-aˬ, Geˬbaˬ meuˬ-ahˇ jawˇ-eu aˇ jeuˬ aˇ ca deuˬ kʼoeˇ taˆ aˬ yuiꞈ geuꞈ-euˬ meh. Ehˇ kʼawꞈ, aˬ cawˬ aˬ yawꞈ maꞈ-ahˇ teh pawˇ-awˇ, Maˬnaˬhaˇ meuˬ-ahˇ bi jawˇ-iˇ-euˬ meh. Aˬ yawꞈ maꞈ pawˇ-iˇ ngeh, Awˇza hawˇ-eu Aˬhiˇhuˆ-euˬ aˬ da pyeuꞈ-eu Geˬlaˬ gʼaˬ aˬ yawꞈ maꞈ-ahˇ sheuˬ gʼeh-euˬ meh.

Neˬhaˬmiˇ 12:29

Behˬgiˇlaˇgaˬlaˇ meuˬ, Geˬbaˬ meuˬ hawˇ-eu Aˬzaˇmaˬbehˇ meuˬ-ahˇ jawˇ-eu caˇ dawˬ caˇ-eu Leˬbiˇ tsawˇ haˬ deuˬ kʼawꞈ, laˇ uiˬ-euˬ meh.

Zaˬkaˬliˇ 14:10

Laꞈ taˆ paw jaˆ-eu Geˬdaˬ meuˬ-ahˇ neh, laꞈ oˆ paw jaˆ-eu Leˬmoˬ meuˬ-ahˇ keuˆ ni, miˇ kʼahˬ kʼahˬ lah ni saˇ lehˆ ni laˆ pyeuꞈ tehꞈ-a. Yeˬluˇsaˬlehˬ meuˬ-aˬ, dawˬ peh jaˆ-eu miˇ gahˬ deuˬ kʼoeˇ taˆ goˇ ca ni jaˆ tehꞈ-a. Meuˬ-euˬ jawˇ zaˇ-aˬ, Beˬyaˬmiˬ lahˇ kʼehˬ-ahˇ neh, yaw beh lahˇ kʼehˬ tiˬ kʼehˬ jaˆ-euˬ laꞈ coeˇ lahˇ kʼehˬ-ahˇ keuˆ ni hawˇ-eu, Haˬnaˬneˬlaˇ nymˇ goˇ-ahˇ neh, sahˬ paˬ-euˬ aˬ gaꞈ dzaˇ uiˇ lehˬ duˬ-ahˇ keuˆ ni jeˇ tehꞈ-a.