Yawˇshuˆ 21:1 - Akha

¹ Piˇ ma Eˇlaˬzaˬ, Nuˬ-eu aˬ li Yawˇshuˆ hawˇ-eu, Iˇsaˬleˬlaˆ tsawˇ jeuˬ dawˬ tawˆ luꞈ-euˬ aˬ yuiꞈ aˬ tsu deuˬ jawˇ gaˇ, Leˬbiˇ tsawˇ jeuˬ aˬ yuiꞈ aˬ tsu deuˬ le-euˬ meh.

Yawˇshuˆ 21:1 Referans Kwoze

Yawˇshuˆ 14:1

Heu-aˬ, Iˇsaˬleˬlaˆ tsawˇ jeuˬ-ahˇ Yawˇ daˬ lawˇ baˬ nahˇ ma ga kʼehˬ paw jaˆ-eu miˇ kʼahˬ biˇ nehˬ-euˬ gaˇ kawˆ meh. Piˇ ma Eˇlaˬzaˬ, Nuˬ-euˬ aˬ li Yawˇshuˆ hawˇ-eu, Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ, Iˇsaˬleˬlaˆ tsawˇ jeuˬ deuˬ-ahˇ, tsawˇ haˬ yaw cuiˆ yaw myaˬ-ahˇ haw-awˇ, miˇ kʼahˬ kʼoeˇ kʼahˬ biˇ nehˬ-euˬ meh.

Yawˇshuˆ 19:51

Piˇ ma Eˇlaˬzaˬ, Nuˬ-euˬ aˬ li Yawˇshuˆ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, Shiˇloˬ meuˬ-ahˇ Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ dawˬ peh shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ-ahˇ mehˬ bawˬ mˇ-awˇ, miˇ kʼahˬ heu deuˬ biˇ nehˬ-euˬ meh. Aˬ yawꞈ maꞈ kʼoeˇ loꞈ-ehˇ jahˇ-awˇ, miˇ kʼahˬ biˇ-euˬ meh.

Yawˇshuˆ 17:4

Piˇ ma Eˇlaˬzaˬ hawˇ-eu Nuˬ-euˬ aˬ li Yawˇshuˆ hawˇ-eu, aˬ yawꞈ aˬ tsu deuˬ jawˇ gaˇ aˬ yawꞈ maꞈ le-awˇ, “Nga maꞈ-ahˇ maˬ ehˇ, nga maꞈ-euˬ aˬ yuiꞈ aˬ nyiˇ pyeuꞈ-eu kʼaˬ dzeˇ zaˬ deuˬ-ahˇ maˬ ehˇ, miˇ kʼahˬ bi biꞈ-eu gʼaˇ duˬ, Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ meh” lehˇ ehˇ nehˬ leˇ-euˬ meh. Kʼoeˇ miˇ neh, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ yawꞈ maꞈ hawˇ-eu aˬ yawꞈ maꞈ-euˬ aˬ yuiꞈ aˬ nyiˇ deuˬ-ahˇ miˇ kʼahˬ biˇ nehˬ-euˬ meh.

Doˆ-iˇ 6:25

Aˬloˬ-euˬ aˬ li Eˇlaˬzaˬ-aˬ, Puˬtiˬlaˇ-euˬ aˬ buˇ-ahˇ sheuˬ dahˬ dzaˬ-awˇ, Piˇnaˬhaˇ jawˇ le-euˬ meh. Heu deuˬ-aˬ, Leˬbiˇ tsawˇ jeuˬ tsawˇ ca dawˬ tawˆ luꞈ-euˬ aˬ da yaw dzahˇ deuˬ pyeuꞈ-eu meh.

Doˆ-iˇ 6:14

Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-aˬ, Haˬnoˆ, Paˬloˆ, Heˬzaˬloˬ hawˇ-eu Kaˬmiˬ lehˇ myahˇ-euˬ aˬ li oeˬ gʼaˬ jawˇ-awˇ, aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 49:7

Aˬ nyaꞈ nmˇ nui ma pehˇ-eu jeˬ-ahˇ, yaˬ kʼehˇ yaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ nyaꞈ nmˇ nui ma pehˇ-eu, guˆ dui dui laˇ paˬ-ehˇ gʼeh-eu meh. Aˬ nyaꞈ nmˇ nui kʼaˬ tsoꞈ gaˇ yaˬ kʼehˇ yaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ nyaꞈ-euˬ nui kʼaˬ aˬ cawˬ-ahˇ gʼawˬ shaˬ gaˬ-eu maˬ siˬ nya-a. Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ nyaꞈ-ahˇ tiˬ gʼaˬ tiˬ gaˇ bi jawˇ byoˆ ma. Iˇsaˬleˬlaˆ tsawˇ jeuˬ deuˬ yaw kaˬ-ahˇ tiˬ gʼaˬ tiˬ paw bi jawˇ gʼawˬ ma.

Bawˇtsahˬ 35:1

Yeˬliˇkoˇ meuˬ-euˬ kʼoeˇ paw paˆ Yawˇdaˬ lawˇ baˬ nui baˬ-ahˇ jaˆ-eu Mawˇbaˆ miˇ kʼahˬ deh ga-ahˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 35:8

Leˬbiˇ tsawˇ haˬ deuˬ-ahˇ meuˬ biꞈ ngeh, miˇ kʼahˬ za huiˬ dzehˬ-euˬ tsawˇ jeuˬ deuˬ ya biꞈ myaˬ dzehˬ-awˇ, miˇ kʼahˬ za cuiˆ dzehˬ-euˬ deuˬ ya biꞈ cuiˆ dzehˬ meh.”