Yawˇshuˆ 20:9 - Akha

⁹ Meuˬ heu deuˬ-aˬ, Iˇsaˬleˬlaˆ tsawˇ haˬ dawˬ tawˆ luꞈ hawˇ-eu, aˬ yawꞈ maꞈ nehˬ-ehˇ jawˇ luꞈ-eu boeˇ miˬ shiˬ kʼaˬ yawˬ gʼa na luꞈ gʼaˇ duˬ tseˇ doˆ taˬ-euˬ buˬ-iˇ law-iˇ-eu meuˬ deuˬ pyeuꞈ-eu meh. Aˬ cawˬ-ahˇ maˬ yehꞈ maˬ caˇ-ehˇ laˆ sehꞈ-euˬ tsawˇ haˬ aˬ geu gʼaˬ maˬ kaˬ, kʼoeˇ gaˇ cehˆ leˇ-awˇ, aˬ yawꞈ-ahˇ laꞈ poˆ poˆ-eu lehˇ shaˇ caw luꞈ-eu tsawˇ haˬ-euˬ laꞈ-ahˇ neh buˬ-iˇ nya-eu meh. Tsawˇ haˬ aˇ maꞈ maꞈ ma mehˬ shi yaˇ kʼaˬ maˬ daˇ gʼaˬ kʼoeˇ keuˆ ni, aˬ yawꞈ-ahˇ sehꞈ-eu zahˇ maˬ jaˆ-a.

Yawˇshuˆ 20:9 Referans Kwoze

Bawˇtsahˬ 35:15

Meuˬ kʼoeˇ deuˬ-aˬ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ tiˬ kʼehˬ tiˬ yamˬ laꞈ kʼoeˇ maˬ ehˇ, aˬ myah luꞈ maˬ ehˇ, jawˇ luꞈ-eu boeˇ miˬ siˬ kʼaˬ deuˬ gʼaˇ duˬ buˬ-iˇ law-iˇ-eu meuˬ deuˬ pyeuꞈ-eu meh. Tsawˇ haˬ tiˬ gʼaˬ na maˬ yehꞈ maˇ yehꞈ-ehˇ aˬ cawˬ-ahˇ laˆ sehꞈ ngeh, meuˬ kʼoeˇ tiˬ meuˬ na-ahˇ ceh uˇ-iˇ naˇ, ya buˬ-iˇ tehꞈ-a.

Yawˇshuˆ 20:6

Aˬ yawꞈ-ahˇ tsawˇ haˬ aˇ maꞈ maꞈ ma mehˬ shi yaˇ kʼaˬ daˇ nehˬ gʼaˬ-awˇ, kʼoeˇ ngeh yamˬ-ahˇ Piˇ ma yaw huiˬ gʼaˬ geuꞈ luꞈ-eu gʼaˬ ziˇ maˬ jiˇ kʼoeˇ keuˆ ni, meuˬ kʼoeˇ meuˬ laꞈ kʼoeˇ aˬ yawꞈ ya jawˇ meh. Kʼoeˇ naˇ, aˬ yawꞈ neh cehˆ doˆ laꞈ-euˬ aˬ yawꞈ-euˬ nymˇ jaˆ-eu meuˬ-ahˇ aˬ yawꞈ ya gʼoꞈ-iˇ tehꞈ-a lehˇ dzawˇ mehˬ nehˬ-awˬ.”

Yawˇshuˆ 20:4

Meuˬ heu tiˬ meuˬ na-ahˇ aˬ yawꞈ cehˆ leˇ-awˇ, meuˬ meuˬ lahˇ laˇ gʼoˆ-ahˇ jaˆ-eu yaˇ kʼaˬ daˇ-eu jawˇ duˬ-ahˇ iˇ-awˇ, kʼaˇ pyeuꞈ laˇ-euˬ gaˇ kawˆ deuˬ aˬ yuiꞈ aˬ tsu deuˬ-ahˇ ya dzawˇ nehˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ meuˬ-ahˇ bi uˇ leˇ-awˇ, jawˇ duˬ tiˬ tsahˇ biꞈ-awˇ bi jawˇ tehꞈ-a.

Bawˇtsahˬ 35:13

Meuˬ koꞈ meuˬ tseˇ doˆ taˬ-awˬ.

Yawˇshuˆ 20:8

Yawˇdaˬ lawˇ baˬ nahˇ maˬ doˆ kʼehˬ paw baˬ-ahˇ, Yeˬliˇkoˇ meuˬ-euˬ nahˇ maˬ doˆ kʼehˬ paw, bawˇ tsahˬ bawˇ dahˇ deh ga yaw goˇ-ahˇ jaˆ-eu Luˇbeˬ miˇ kʼahˬ Beˬzeˬlaˇ meuˬ, Gaˆ miˇ kʼahˬ Giˇlaˆ gahˬ kaˬ-ahˇ jaˆ-eu Goˬlaˬ meuˬ, heu deuˬ-ahˇ aˬ yawꞈ maꞈ tseˇ doˆ-euˬ meh.