Yawˇshuˆ 2:9 - Akha

⁹ aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Yawˇshuˆ 2:9 Referans Kwoze

Doˆ-iˇ 23:27

“Naw maꞈ-ahˇ laˆ tsoeˬ-eu tsawˇ haˬ deuˬ ngaˬ-ahˇ guˆ-iˇ ni ngaˇ jahˇ ma. Naw maꞈ-ahˇ guiˇ deuˆ-eu tsawˇ haˬ-ahˇ ngaˇ laˆ bahˬ laˆ baˆ nehˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, naw maꞈ jawˇ gaˇ neh ya cehˆ byoˆ ni ngaˇ jahˇ nehˬ ma.

Dawˬmehˬ 2:25

Iˬ nah neh aˇ dahˬ beh-awˇ, yawˬ gaˇ na luꞈ aˬ cawˬ naw maꞈ-ahˇ guˆ ni ngaˇ jahˇ ma. Naw maꞈ-euˬ tsawˇ myahˇ ya gaˬ-euˬ tehꞈ-ehˇ kʼawꞈ, tsawˇ haˬ yaw gʼaˬ na luꞈ yaw dzuˬ dzuˬ tehꞈ-a’ lehˇ ehˇ-eu meh.

Yeˬlaˬmiˇ 27:5

“Huiˬ dui dui-eu ngaˬ-euˬ baoˬ hawˇ-eu gʼaˬ-ahˇ gʼoe-awˇ, miˇ tsaˬ tahˬ kʼawˇ maˬ ehˇ, kʼoeˇ-euˬ kʼoeˇ taˆ jawˇ-eu tsawˇ haˬ zaˬ hawˇ-eu jeˬ zaˬ deuˬ maˬ ehˇ, ngaˇ beh-awˇ, ngaˇ nui ma kʼaˇ tsaˬ-eu gʼaˬ-ahˇ miˇ tsaˬ heu ngaˇ biꞈ-eu ma.

Dawˬ tsoˆ 8:12

Iˬ baˇ mˇ-eu tsawˇ haˬ tiˬ gʼaˬ aˇ yaˇ poˆ mˇ bahˬ kʼawꞈ, ziˇ baw-eu meh. Aˬ cawˬ heu loꞈ-ehˇ ehˇ-eu ngaˇ gaˬ haw-euˬ ma. “Miˬyehˇ-euˬ ehˇ dawˬ naˇ haˬ-eu tsawˇ haˬ dehꞈ dzaˬ laˇ tehꞈ-a.

Jaceuq 115:16

Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Jaceuq 112:10

Haiˬ-eu tsawˇ haˬ deuˬ kʼoeˇ gaˇ mawˇ ngeh nui ma pehˇ-awˇ, seuˬ tsehꞈ tehꞈ-awˇ iˇ byoˆ-eu meh. Haiˬ-euˬ tsawˇ haˬ deuˬ noeˬ tmˬ duˬ byoˆ jiˇ-euˬ meh.

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Yawˇshuˆ 2:11

Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Aˇ dahˬ 35:5

Yaˬkoˆ hawˇ-eu aˬ yawꞈ-euˬ aˬ li deuˬ pawˇ-iˇ ngeh, dawˬ peh jaˆ-eu meuˬ deuˬ-ahˇ jawˇ-eu tsawˇ haˬ deuˬ guˆ dui dui-eu miˇ neh, aˬ yawꞈ maꞈ-euˬ mehˬ nah maˬ caw teh peuˬ-a.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

2 Sahˬpaˬ 7:6

Mahˬ hawˇ-eu mahˬ laˆ lawˬ deuˬ ahˇ-eu guiˇ maꞈ maꞈ ma tiˬ maꞈ laˇ luꞈ-eu teˇ saˇ Suˇliˆ tsawˇ haˬ deuˬ-ahˇ Sahˬpaˬ Miˬyehˇ bi gaˬ leˇ-euˬ meh. Kʼoeˇ ngeh, Heˬtaˆ sahˬ paˬ hawˇ-eu Iˇjiˇtuˆ sahˬ paˬ-ahˇ Iˇsaˬleˬlaˆ tsawˇ haˬ deuˬ neh kuˇ laˬ-iˇ-awˇ, aˬ yawꞈ maꞈ-ahˇ guiˇ bi deuˆ laˇ-euˬ nga lehˇ, Suˇliˆ tsawˇ haˬ deuˬ noeˬ-euˬ meh.

2 Sahˬpaˬ 5:15

Kʼoeˇ naˇ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, Eˇliˇshehˇ jawˇ gaˇ paˇ gʼoꞈ poˆ leˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, Iˇsaˬleˬlaˆ-euˬ Miˬyehˇ maˬ ngeuˇ naˇ miˬyehˇ nui gʼaˬ maˬ jawˇ-eu ngaˇ lehˇ ngaˇ siˬ duˬ-eu ma. Teu miˇ neh, ngaˬ neh biꞈ-euˬ laꞈ sawˬ-ahˇ ha geuꞈ nehˬ laꞈ-awˬ.”

2 Saˬmeuˬlaˆ 17:10

Kʼoeˇ ngeh, aˇ laˬ jaˬ shiˇ loꞈ-ehˇ kʼaˬ-eu tsawˇ haˬ deuˬ kʼawꞈ, guˆ-eu nui ma ahˇ laˇ tehꞈ-a. Aˬ jeˬ miˇ neh ehˇ naˇ, nawˬ da-aˬ, guiˇ deuˆ-eu nya dui dui-awˇ, aˬ yawꞈ-euˬ tsawˇ haˬ deuˬ kʼawꞈ kʼaˆ dui dui-eu meh.

Yaˇ kʼaˬ daˇ 7:14

Aˬ yawꞈ-euˬ cawˬ ehˇ-eu, “Kaˬ muˇ kʼoeˇ siˬ-aˬ, nui jeˬ-ahˇ ehˇ mawꞈ-eu maˬ ngeuˇ-a. Yawˇshaˆ-euˬ aˬ li pyeuꞈ-eu Iˇsaˬleˬlaˆ tsawˇ haˬ Giˇdoˬ-euˬ mi cehˇ-ahˇ ehˇ mawꞈ-eu meh. Miˇdiˬyaˬ tsawˇ haˬ hawˇ-eu aˬ dui-euˬ guiˇ maꞈ maꞈ lah ni-ahˇ gʼaˬ leˇ-eu jeˬ, Miˬyehˇ aˬ yawꞈ-ahˇ biꞈ taˬ-eu meh.”

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Dawˬmehˬ 28:10

Kʼoeˇ ngeh, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ taˬ-euˬ gaˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya mawˇ-awˇ, aˬ yawꞈ maꞈ nawˬ-ahˇ guˆ tehꞈ-a.

Dawˬmehˬ 11:25

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ naw maꞈ kʼaˇ iˇ gaˇ aˬ cawˬ naw maꞈ-ahˇ guˆ ni aˬ yawꞈ jahˇ-awˇ, naw maꞈ-euˬ mehˬ shi yawꞈ-awˇ laˆ tsoeˬ peuˬ-eu tiˬ gʼaˬ-iˬ maˬ jawˇ-ehˇ pyeuꞈ-iˇ tehꞈ-a.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

HeˬByehˇ 11:31

Laˬhaˇ lehˇ myahˇ-euˬ meh maˬ laˇ kʼoeˇ gʼaˬ Miˬyehˇ-euˬ ehˇ dawˬ maˬ naˇ haˬ-eu tsawˇ haˬ deuˬ nehˬ-ehˇ maˬ ya shiˇ caw-euˬ kʼoeˇ-aˬ, jah-eu jeˬ baˬ da neh meh. Aˬ jeˬ miˇ neh ehˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ deuˬ-ahˇ aˬ yawꞈ yaw muiˬ paˬ-ehˇ ha-euˬ meh.

Bawˇtsahˬ 20:14

Kaˬdeˬshaˇ meuˬ-ahˇ Eˬdoˬ sahˬ paˬ jawˇ gaˇ Moˇseˬ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ-iˇ-euˬ meh. “Nawˬ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ heu loꞈ-ehˇ dawˬ tsaꞈ tsaꞈ ahˇ leꞈ-eu ma. Nga maꞈ ya tahˬ puˬ-eu shaˬ-euˬ zahˬ-eu jeˬ dawˬ tawˆ luꞈ-ahˇ nawˇ siˬ nya meh.

Bawˇtsahˬ 20:24

“Iˇsaˬleˬlaˆ tsawˇ jeuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, Aˬloˬ maˬ paˇ ya le keuˆ meh. Aˬ yawꞈ ziˇ jiˇ yamˬ keuˆ le taˬ-euˬ meh. Aˬ jeˬ miˇ neh ehˇ naˇ, Meˬliˇbaˬ lehˇ kuˇ-eu jawˇ duˬ-ahˇ ngaˬ-euˬ dawˬ-ahˇ naw nyaꞈ puiˬ-euˬ meh.

Yawˇshuˆ 2:8

Kʼoeˬ sho haw laˇ-euˬ tsawˇ haˬ kʼoeˇ nyiˬ gʼaˬ maˬ yuꞈ mi naˆ-ehˇ, nymˇ mˬ-ahˇ Laˬhaˇ le daˆ-awˇ,

Yawˇshuˆ 2:24

Aˬ yawꞈ nyaꞈ ehˇ-eu, “Miˇ kʼahˬ kʼoeˇ kʼahˬ kʼahˬ lah ni Sahˬpaˬ Miˬyehˇ aˬ dui-ahˇ biꞈ laꞈ-eu yaw duˬ baw meh. Kʼoeˇ gaˇ jawˇ-eu tsawˇ haˬ dawˬ tawˆ luꞈ aˬ dui-ahˇ guˆ dui dui luꞈ meh.”

Yawˇshuˆ 9:9

Kʼoeˇ ngeh, aˬ yawꞈ maꞈ aˬ yawꞈ-ahˇ heu loꞈ-ehˇ dzawˇ nehˬ-euˬ meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ kawˆ nga maꞈ ya gaˬ-euˬ miˇ neh, gaˇ mahˇ kaˬ-eu miˇ kʼahˬ-ahˇ neh nga maꞈ oe-euˬ ma. Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ kawˆ yawˬ jeˬ na luꞈ nga maꞈ ya gaˬ-euˬ ma.

Yawˇshuˆ 9:10

Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Heˬshaˬboˬ sahˬ paˬ Siˇhoˬ hawˇ-eu Aˬshaˇtaˬyoˇ meuˬ-ahˇ jawˇ-eu Baˬshaˬ sahˬ paˬ Awˇgaˆ-ahˇ aˬ yawꞈ neh jahˇ nehˬ-euˬ gaˇ kawˆ kʼawꞈ nga maꞈ ya gaˬ-euˬ ma.

Yawˇshuˆ 9:24

Aˬ yawꞈ maꞈ ehˇ-eu, “Miˇ kʼahˬ heu kʼahˬ kʼahˬ lahˬ ni naw maꞈ-ahˇ biꞈ-awˇ, naw maꞈ laˇ uˇ-eu nehˬ-ehˇ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ dawˬ biꞈ taˬ-euˬ aˬ diˇ aˬ maˇ ngeuˇ meh lehˇ nga maꞈ ya siˬ duˬ-euˬ miˇ neh, kʼoeˇ loꞈ-ehˇ mˇ-euˬ ma. Naw maꞈ-ahˇ nga maꞈ guˆ dui dui-awˇ, nga maꞈ ya shiˇ gaˇ kʼahˬ lahˇ-eu miˇ neh, kʼoeˇ loꞈ-ehˇ mˇ-euˬ ma.

Iˇsaˬyaˇ 23:5

Duˇlu meuˬ cawˆ-iˇ-euˬ gaˇ kawˆ ya gaˬ ngeh, Iˇjiˇtuˆ miˇ kʼahˬ tsawˬ guˆ-iˇ-awˇ noeˬ shaˬ tehꞈ-a.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

Yawˇshuˆ 6:2

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yeˬliˇkoˇ meuˬ-euˬ sahˬ paˬ hawˇ-eu aˬ yawꞈ-euˬ kʼaˆ dui dui-eu guiˇ deuˆ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, Yeˬliˇkoˇ meuˬ kʼoeˇ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma.

Neˬhaˬmiˇ 6:16

Nga maꞈ-euˬ jawˬ jawˬ-ehˇ jawˇ-eu nga maꞈ-ahˇ muiˇ-eu aˬ cawˬ tsawˇ jeuˬ deuˬ gaˇ kawˆ kʼoeˇ ya gaˬ ngeh, aˬ yawꞈ maꞈ-euˬ myaˆ pyawˬ naˇ mehˇ maˬ jaˆ-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Miˬyehˇ caw ba-eu miˇ neh gaˇ kʼoeˇ mˇ pyeuꞈ nya-euˬ gaˇ kawˆ, yawˬ gʼaˬ na luꞈ siˬ duˬ-eu meh.

Iˇsaˬtaˆ 8:17

Sahˬ paˬ-euˬ dawˬ kʼaˇ gaˬ keuˆ-iˇ-euˬ meuˬ yawˬ meuˬ na luꞈ laꞈ kʼoeˇ, Yuˇdaˆ tsawˇ haˬ deuˬ dzaˬ byawˬ dawˇ byawˬ byawˬ-awˇ nah lah lah-euˬ meh. Aˬ cawˬ tsawˇ jeuˬ gʼawˬ mya ni Yuˇdaˆ tsawˇ haˬ-ahˇ guˆ laˇ-awˇ, Yuˇdaˆ tsawˇ jeuˬ geuꞈ-euˬ meh.