Yawˇshuˆ 2:19 - Akha

¹⁹ Tiˬ gʼaˬ na nymˇ laꞈ nyiˇ doˆ-iˇ-awˇ ya shiˇ naˇ, aˬ yawꞈ-euˬ iˬ baˇ meh. Nga maꞈ-euˬ iˬ baˇ maˬ ngeuˇ. Ehˇ kʼawꞈ, nawˬ nehˬ-ehˇ nymˇ laꞈ kʼoeˇ jawˇ luꞈ-eu tsawˇ haˬ-ahˇ laˆ tahˬ laˆ naˇ naˇ, nga maꞈ-euˬ iˬ baˇ ma.

Yawˇshuˆ 2:19 Referans Kwoze

Gʼaˬkʼehˇ 27:31

Ehˇ kʼawꞈ, yehˇ-euˬ aˬ yuiꞈ kʼoeˇ gʼaˬ hawˇ-eu yehˇ deuˬ-ahˇ Pawˇluˆ ehˇ nehˬ-eu, “Saˇ baoˬ laꞈ kʼoeˇ gaˇ mˇ-eu tsawˇ haˬ teu deuˬ saˇ baoˬ heu laˇ laꞈ kʼoeˇ maˬ jawˇ ni cehˆ jiˇ naˇ, naw maꞈ dehꞈ-iˇ-eu gaˇ ma maˬ paˇ dahˇ meh.”

Gʼaˬkʼehˇ 18:6

Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Doˆ-iˇ 12:13

Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

Piˇliˇpiˆ 3:9

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

Gʼaˬkʼehˇ 20:26

Kʼoeˇ miˇ neh, naw maꞈ tiˬ gʼaˬ na dehꞈ-eu saꞈ laˇ smˬ-iˇ naˇ ngaˬ-euˬ baˬ da neh maˬ ngeuˇ lehˇ, naꞈ suiˇ ni gʼeh-eu dawˬ iˬ nah ngaˇ ngehˬ-eu ma.

Maꞈtehˬ 24:17

Nymˇ mˬ kʼoeˇ taˆ jawˇ luꞈ-eu tsawˇ haˬ, nymˇ laꞈ kʼoeˇ zaꞈ uˇ-iˇ-awˇ myawˬ laˬ doˆ laˬ-iˇ-eu maˬ dah-aˇ.

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

2 Saˬmeuˬlaˆ 4:11

Yawˬ ha-euˬ nymˇ laꞈ kʼoeˇ yuꞈ kʼaˆ taˬ-euˬ yaw lehˬ yaw ca maˬ jaˆ-eu tsawˇ haˬ-ahˇ sehꞈ-euˬ gaˇ kawˆ heu aˇ naˆ ni paˇ doeˇ dzehˬ-eu nga. Naw nyaꞈ aˬ yawꞈ-ahˇ sehꞈ-euˬ baˬ da neh, naw nyaꞈ-ahˇ miˇ tsaˬ tahˬ kʼawˇ heu siˬ kʼoeˇ taˆ maˬ paˇ bi dehꞈ ni, nymˬ-mˇ ngaˇ naw nyaꞈ-ahˇ laꞈ poˆ poˆ ma.”

2 Saˬmeuˬlaˆ 1:16

Aˬmaˬlehˇ tsawˇ haˬ kʼoeˇ gʼaˬ-ahˇ Daˬbiˇ ehˇ nehˬ-eu, “Nawˬ-euˬ kʼoeˇ taˆ heu loꞈ-ehˇ keuˆ le ni, nawˇ mˇ-euˬ meh. Sahˬpaˬ Miˬyehˇ neh tseˇ doˆ taˬ-eu sahˬ paˬ tiˬ gʼaˬ-ahˇ nawˬ neh sehꞈ-euˬ ma lehˇ nawˇ ehˇ doˆ-eu laꞈ kʼoeˇ, yawˬ ha kʼoeˇ taˆ shiˇ-eu jeˬ keuˆ le ni nawˇ saˇ kiˇ kamˬ-euˬ meh.”

Yawˇshuˆ 2:14

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”

Uˬ duˬ 20:11

Tsawˇ haˬ tiˬ gʼaˬ na, yawˬ ha aˬ da-euˬ miˬ zaˬ tiˬ gʼaˬ na nehˬ-ehˇ bahˬ-eu laꞈ kʼoeˇ, yawˬ ha aˬ da-ahˇ yehˬ bawˬ sehˇ lu-ehˇ gʼeh naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Uˬ duˬ 20:9

Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ zahˇ sahˇ kʼoꞈ pyeuꞈ-eu meh. Yawˬ ha-euˬ aˬ ma aˬ da-ahˇ yaˬ kʼehˇ yaˬ-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Aˬ yawꞈ-aˬ, yawˬ haˇ yawˬ ha ya shiˇ ni mˇ-eu meh.

Yawˇshuˆ 2:12

Naw nyaꞈ-ahˇ ngaˇ gʼawˬ shaˬ gaˬ nehˬ-euˬ loꞈ-ehˇ, ngaˬ-eu nymˇ jiˇ-ahˇ naw nyaꞈ gʼawˬ shaˬ gaˬ nehˬ ma lehˇ, aˬ yawꞈ-euˬ mehˬ shi nymˬ-mˇ naw nyaꞈ kamˬ-awˬ. Naw nyaꞈ-ahˇ ngaˇ jah coeˇ ni, saˇ kiˇ tiˬ jeˬ paˬ kʼawꞈ bi jaˆ yaꞈ-awˬ.

Yawˇshuˆ 2:20

Ehˇ kʼawꞈ, nga nyaꞈ neh mˇ yaꞈ-euˬ gaˇ kawˆ heu tsawˇ haˬ tiˬ gʼaˬ na-ahˇ nawˇ ehˇ nehˬ naˇ, nawˬ neh nga nyaꞈ-ahˇ bi dzaˬ laꞈ-euˬ saˇ jaˇ-ahˇ nga maꞈ maˬ ziꞈ.”

Doˆ-iˇ 12:22

Hiˇsoˆ uˬ pyaˬ kʼehꞈ-awˇ, jeˬ zaˬ-euˬ shiˬ dahˬ-eu kʼmˬ maˬ-ahˇ cawˬ duiˆ-awˇ, naw maꞈ-euˬ laˇ gʼoˆ kʼoeˇ dzeˇ ma dzeˇ jaˆ-eu laˇ gʼoˆ bahˬ hawˇ-eu, laˇ gʼoˆ-euˬ kʼoeˇ taˆ paw jaˆ-eu pyaꞈ dmˬ-ahˇ shiˬ kʼoeˇ lehꞈ-awˬ. Uˬ shawˬ uˬ bya maˬ bya laˇ kʼoeˇ keuˆ ni, naw maꞈ tiˬ gʼaˬ-iˬ nymˇ laꞈ nyiˇ paw taˬ doˆ-iˇ.