Yawˇshuˆ 2:16 - Akha

¹⁶ Aˬ yawꞈ nyaꞈ-ahˇ aˬ yawꞈ ehˇ nehˬ-eu, “Gawˬ duˇ jaˆ-eu paw le-awˬ. Maˬ ngeuˇ naˇ, sahˬ paˬ-euˬ tsawˇ haˬ deuˬ naw nyaꞈ-ahˇ mawˇ tehꞈ-a. Aˬ yawꞈ maꞈ maˬ gʼoꞈ doˆ laˇ kʼoeˇ keuˆ ni, smˬ nah keuˆ ni kʼoeˇ gaˇ dzuˇ zaꞈ-awˇ jawˇ-awˬ. Kʼoeˇ naˇ, naw nyaꞈ yawˬ ha gaˇ ma yawˬ ha iˇ-awˬ.”

Yawˇshuˆ 2:16 Referans Kwoze

Yaˬkoˆ 2:25

Meh maˬ laˇ Laˬhaˇ-euˬ gaˇ kawˆ kʼawꞈ, kʼoeˇ loꞈ-ehˇ meh. Miˇ kʼahˬ kʼoeˇ kʼahˬ-ahˇ kʼoeˬ sho haw leˇ-euˬ Iˇsaˬleˬlaˇ tsawˇ haˬ deuˬ-ahˇ aˬ yawꞈ ha geuꞈ-awˇ, gaˇ ma yawˬ kahˇ yawˬ mehˬ pyawˇ nehˬ-awˇ bi buˬ bi law-iˇ-euˬ meh. Aˬ yawꞈ kʼoeˇ loꞈ-ehˇ mˇ-euˬ shaˇ-euˬ miˇ neh, Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ-euˬ meh.

1 Saˬmeuˬlaˆ 23:14

Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, gawˬ jawˬ gawˬ duˇ-ahˇ Daˬbiˇ cehˆ zaꞈ-awˇ jawˇ-euˬ meh. Kʼoeˇ ngeh, aˬ yawꞈ-ahˇ poˆ mawˇ-eu gʼaˇ duˬ, Sawˇluˆ maˬ naˬ leˇ ni leh jeh luꞈ-eu meh. Ehˇ kʼawꞈ, Miˬyehˇ aˬ yawꞈ-ahˇ Sawˇluˆ-euˬ aˬ laꞈ laꞈ kʼoeˇ maˬ a nehˬ-a.

Jaceuq 11:1

SahˬpaˬMiˬyehˇ ngaˇgʼoe duˬma. Ngaˬ-ahˇheu loꞈ-ehˇ ehˇ-eu deuˬ, aˇnaˆni dzawˬ-eu tsawˇhaˬnga. “Aˇjiˇguˆ-awˇzaw-eu loꞈ-ehˇ, gawˬjawˬpaw zaw daˆbyoˆleꞈ-awˬ.

1 Saˬmeuˬlaˆ 23:29

Jawˇ duˬ kʼoeˇ tsahˇ-ahˇ neh Daˬbiˇ iˇ doˆ gʼeh-awˇ, Eˬgeˬdiˇ gahˬ kaˬ paw iˇ-awˇ jawˇ zaꞈ-euˬ meh.

Yawˇshuˆ 2:22

Kʼoeˬ sho haw laˇ-euˬ tsawˇ haˬ kʼoeˇ nyiˬ gʼaˬ-aˬ, gawˬ duˇ jaˆ-eu paw le-awˇ dzuˇ zaꞈ-euˬ meh. Sahˬ paˬ-euˬ tsawˇ haˬ deuˬ smˬ nah keuˆ ni aˬ yawꞈ nyaꞈ-ahˇ bawˇ tsahˬ doe ni poˆ-euˬ kʼawꞈ, maˬ poˆ mawˇ nya-ehˇ, Yeˬliˇkoˇ meuˬ-ahˇ gʼoꞈ leˇ-euˬ meh.

Yawˇshuˆ 2:15

Laˬhaˇ-aˬ, meuˬ lahˇ gawˬ taˬ-euˬ gaˇ tsoˆ tawꞈ taˬ-euˬ nymˇ-ahˇ jawˇ-eu meh. Kʼoeˇ miˇ neh, laˇ gʼoˆ gʼoˆ zaˬ-ahˇ neh aˇ caˆ pyehˬ ka-awˇ, tsawˇ haˬ kʼoeˇ nyiˬ gʼaˬ-ahˇ bi zaꞈ ka-iˇ-euˬ meh.