Yawˇshuˆ 2:15 - Akha

¹⁵ Laˬhaˇ-aˬ, meuˬ lahˇ gawˬ taˬ-euˬ gaˇ tsoˆ tawꞈ taˬ-euˬ nymˇ-ahˇ jawˇ-eu meh. Kʼoeˇ miˇ neh, laˇ gʼoˆ gʼoˆ zaˬ-ahˇ neh aˇ caˆ pyehˬ ka-awˇ, tsawˇ haˬ kʼoeˇ nyiˬ gʼaˬ-ahˇ bi zaꞈ ka-iˇ-euˬ meh.

Yawˇshuˆ 2:15 Referans Kwoze

Gʼaˬkʼehˇ 9:25

Ehˇ kʼawꞈ, aˬ yawꞈ-euˬ mehˬ nah caw teh-eu tsawˇ haˬ deuˬ, uˬ ciꞈ paw aˬ yawꞈ-ahˇ kʼaˆ kaˇ-ahˇ bi uˇ-iˇ-awˇ, meuˬ lahˇ kʼoeˇ taˆ neh laꞈ nyiˇ paw aˬ za za-ehˇ pyehˬ ka nehˬ-euˬ meh.

2 Gawˇliˬtu 11:33

Ehˇ kʼawꞈ, meuˬ meuˬ lahˇ-euˬ kaˇ pyawˇ-ahˇ dahˇ-eu laˇ gʼoˆ zaˬ-ahˇ kʼaˆ kaˇ neh bi pyehˬ ka-awˇ, aˬ yawꞈ-euˬ laꞈ-ahˇ ya dzeuˇ-iˇ-euˬ ma.

Yawˇshuˆ 6:20

Kʼoeˇ naˇ, piˇ ma deuˬ daˇ heh baw-euˬ meh. Daˇ heh teˇ saˇ ya gaˬ-eu nehˬ-ehˇ, tsawˇ haˬ kʼoeˇ deuˬ guˇ kʼaˆ leꞈ-awˇ, meuˬ meuˬ lahˇ byaˆ-iˇ-euˬ meh. Kʼoeˇ ngeh, guiˇ maꞈ maꞈ lah ni, yawˬ ha mehˬ shi tiˬ dawˇ gawˬ duˇ-ahˇ daˆ leˇ-awˇ, meuˬ-ahˇ uˇ leˇ-euˬ meh.

Yawˇshuˆ 2:14

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”

Yawˇshuˆ 2:16

Aˬ yawꞈ nyaꞈ-ahˇ aˬ yawꞈ ehˇ nehˬ-eu, “Gawˬ duˇ jaˆ-eu paw le-awˬ. Maˬ ngeuˇ naˇ, sahˬ paˬ-euˬ tsawˇ haˬ deuˬ naw nyaꞈ-ahˇ mawˇ tehꞈ-a. Aˬ yawꞈ maꞈ maˬ gʼoꞈ doˆ laˇ kʼoeˇ keuˆ ni, smˬ nah keuˆ ni kʼoeˇ gaˇ dzuˇ zaꞈ-awˇ jawˇ-awˬ. Kʼoeˇ naˇ, naw nyaꞈ yawˬ ha gaˇ ma yawˬ ha iˇ-awˬ.”