Yawˇshuˆ 2:12 - Akha

¹² Naw nyaꞈ-ahˇ ngaˇ gʼawˬ shaˬ gaˬ nehˬ-euˬ loꞈ-ehˇ, ngaˬ-eu nymˇ jiˇ-ahˇ naw nyaꞈ gʼawˬ shaˬ gaˬ nehˬ ma lehˇ, aˬ yawꞈ-euˬ mehˬ shi nymˬ-mˇ naw nyaꞈ kamˬ-awˬ. Naw nyaꞈ-ahˇ ngaˇ jah coeˇ ni, saˇ kiˇ tiˬ jeˬ paˬ kʼawꞈ bi jaˆ yaꞈ-awˬ.

Yawˇshuˆ 2:12 Referans Kwoze

Yawˇshuˆ 2:18

Naw maꞈ-euˬ miˇ kʼahˬ-ahˇ nga maꞈ guiˇ deuˆ uˇ laꞈ ngeh, nga nyaꞈ-ahˇ bi zaꞈ ka-iˇ laꞈ-euˬ laˇ gʼoˆ gʼoˆ zaˬ kʼoeˇ gʼoˆ-ahˇ aˇ caˆ caˆ neˇ heu caˆ paꞈ gʼeu taˬ-awˬ. Nawˬ da, nawˬ ma, nawˬ-euˬ aˬ mahˇ aˬ da deuˬ hawˇ-eu, nawˬ da-euˬ miˬ sawˇ zaˬ dawˬ tawˆ luꞈ, nawˬ-euˬ nymˇ laꞈ kʼoeˇ bi jawˇ-awˬ.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

1 Tiˆmoˇseˬ 5:8

Tsawˇ haˬ tiˬ gʼaˬ na, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh-eu uˬ taꞈ, kʼoeˇ naˆ maˬ tseˇ, yawˬ ha-euˬ nymˇ jiˇ-ahˇ keuˆ ni ngehˬ maˬ gʼeh naˇ, jah-eu jeˬ-ahˇ byehˇ dzeh-euˬ gaˇ duˇ-awˇ, Ka li-ahˇ maˬ jah-eu tsawˇ haˬ deuˬ naˆ maˬ tseˇ doeˇ dui dui-eu meh.

Lormav 1:31

Noeˬ siˬ nya-eu nui ma maˬ ahˇ-a. Saˇ jaˇ maˬ ziꞈ-a. Kʼoeˇ uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-a.

Maˬkuˆ 14:44

Yeˬsuˇ-ahˇ ahˬ dzaˬ-euˬ kʼoeˇ gʼaˬ tsawˇ haˬ kʼoeˇ maꞈ-ahˇ heu loꞈ-ehˇ ehˇ nehˬ taˬ-euˬ meh. “Ngaˇ mehˬ cuˇ cuˇ nehˬ-eu gʼaˬ-aˬ, naw maꞈ poˆ luꞈ-eu kʼoeˇ gʼaˬ meh de. Aˬ yawꞈ-ahˇ nyehꞈ-awˇ, yaw muiˬ paˬ-ehˇ bi loꞈ-awˇ tsahˇ gʼeh-awˬ.”

Yeˬlaˬmiˇ 12:16

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˬ-euˬ tsawˇ jeuˬ-euˬ uˬ duˬ tahˬ-eu zahˇ sahˇ kʼoꞈ-ahˇ ha geuꞈ-awˇ, aˇ hu Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ saˇ jaˇ dzaˬ ni ngaˬ-euˬ tsawˇ haˬ deuˬ-ahˇ aˬ yawꞈ maꞈ neh mehˬ nehˬ taˬ-euˬ jaˆ-eu loꞈ-ehˇ, nymˬ-mˇ aˬ yawꞈ maꞈ, “Sahˬpaˬ Miˬyehˇ kʼaˇ dehꞈ kʼoeˇ keuˆ ni” lehˇ ehˇ-awˇ saˇ jaˇ dzaˬ naˇ, aˬ yawꞈ maꞈ kʼawꞈ ngaˬ-euˬ tsawˇ jeuˬ ya pyeuꞈ-awˇ, baw le za le tehꞈ-a.

Iˇsaˬtaˆ 8:6

Ngaˬ-euˬ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le-awˇ, ngaˬ-euˬ aˬ yuiꞈ aˬ nyiˇ deuˬ bi sehꞈ jiˇ-eu keuˆ le-euˬ miˇ neh ngaˬ-ahˇ maˬ jawˇ tehˬ coeˇ nya.”

2 Laˬsaˬbaˬ 36:13

Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.

1 Saˬmeuˬlaˆ 30:15

Daˬbiˇ ehˇ-eu, “Guiˇ deuˆ laˇ-euˬ tsawˇ haˬ kʼoeˇ deuˬ jawˇ gaˇ nga maꞈ-ahˇ nawˇ sheuˬ gʼeh nehˬ ma loˇ.” Aˬ li kʼoeˇ li ehˇ-eu, “Naw maꞈ ngaˬ-ahˇ maˬ sehꞈ-ehˇ, ngaˬ-euˬ baw leˬ-euˬ aˬ laꞈ laꞈ kʼoeˇ kʼawꞈ maˬ a kʼoꞈ nehˬ lehˇ, Miˬyehˇ-euˬ mehˬ shi kamˬ tsehˆ naˇ, ngaˇ sheuˬ gʼeh nehˬ ma.”

Yawˇshuˆ 9:15

Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ maˬ sehꞈ ni bi jawˇ-eu gʼaˇ duˬ, cawˬ cawˬ taꞈ-eu saˇ jaˇ Yawˇshuˆ dzaˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kʼawꞈ, saˇ jaˇ ziꞈ ma lehˇ kamˬ-eu meh.

Yawˇshuˆ 2:13

Ngaˬ da, ngaˬ ma, ngaˬ-euˬ aˬ yuiꞈ aˬ nyiˇ deuˬ hawˇ-eu, aˬ yawꞈ maꞈ-euˬ miˬ sawˇ zaˬ dawˬ tawˆ luꞈ-ahˇ ka kʼoꞈ ma lehˇ, naw nyaꞈ ngaˬ-ahˇ saˇ jaˇ dzaˬ taˬ yaꞈ-awˬ. Nga maꞈ-ahˇ taˬ bi sehꞈ nehˬ laꞈ.”

Doˆ-iˇ 12:13

Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

Aˇ dahˬ 24:9

Kʼoeˇ ngeh, zaˬ kʼaˆ kʼoeˇ gʼaˬ Aˬbyaˬhaˬ-euˬ shaˬ pyaˬ yaw kaˬ-ahˇ aˬ laꞈ cawˬ ahˇ-awˇ, Aˬbyaˬhaˬ neh kʼaˇ ehˇ-euˬ loꞈ-ehˇ mˇ-eu gʼaˇ duˬ saˇ jaˇ dzaˬ-euˬ meh.

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

Aˇ dahˬ 21:23

Teu miˇ neh, ngaˬ-ahˇ maˬ ehˇ, ngaˬ-euˬ zaˬ deuˬ-ahˇ maˬ ehˇ, aˬ kaˇ dehꞈ le jawˇ le-eu ngaˬ-euˬ zaˬ ngaˬ-euˬ uˆ deuˬ-ahˇ maˬ ehˇ, nawˇ yehˬ bawˬ-ehˇ maˬ jahˇ lehˇ, Miˬyehˇ-euˬ mehˬ shi ngaˬ nehˬ-ehˇ saˇ jaˇ dzaˬ-awˬ. Ngaˇ nawˬ-ahˇ saˇ jaˇ ziꞈ-eu loꞈ-ehˇ, nawˇ kʼawꞈ, ngaˬ-ahˇ maˬ ehˇ, nawˇ jawˇ luꞈ-eu miˇ kʼahˬ heu kʼahˬ-ahˇ maˬ ehˇ, saˇ jaˇ ziꞈ ma lehˇ nymˬ-mˇ ehˇ tsehˆ-awˬ.”

Aˇ dahˬ 40:14

Ehˇ kʼawꞈ, nawˇ heu gaˇ neh ya doˆ-iˇ-awˇ, yaw muiˬ-ehˇ ya dehꞈ ya jawˇ ngeh, ngaˬ-ahˇ maˬ ngehˇ-ehˇ, ngaˇ kʼawꞈ heu gaˇ neh ya doˆ-iˇ ni, ngaˬ-euˬ gaˇ kawˆ sahˬ paˬ-ahˇ tiˬ poˆ dzawˇ mehˬ nehˬ law.

Yawˇshuˆ 2:19

Tiˬ gʼaˬ na nymˇ laꞈ nyiˇ doˆ-iˇ-awˇ ya shiˇ naˇ, aˬ yawꞈ-euˬ iˬ baˇ meh. Nga maꞈ-euˬ iˬ baˇ maˬ ngeuˇ. Ehˇ kʼawꞈ, nawˬ nehˬ-ehˇ nymˇ laꞈ kʼoeˇ jawˇ luꞈ-eu tsawˇ haˬ-ahˇ laˆ tahˬ laˆ naˇ naˇ, nga maꞈ-euˬ iˬ baˇ ma.

Yawˇshuˆ 6:22

Kʼoeˇ naˇ, bi kʼoeˬ sho haw leˇ-euˬ tsawˇ haˬ kʼoeˇ nyiˬ gʼaˬ-ahˇ Yawˇshuˆ ehˇ nehˬ-eu, “Naw nyaꞈ neh saˇ jaˇ biꞈ taˬ-euˬ loꞈ-ehˇ, meh maˬ laˇ kʼoeˇ gʼaˬ-euˬ nymˇ-ahˇ iˇ-awˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ sheuˬ doˆ laˬ-iˇ-awˬ.”

Yaˇ kʼaˬ daˇ 1:24

Kʼoeˬ sho haw-iˇ-euˬ tsawˇ haˬ kʼoeˇ deuˬ, tsawˇ haˬ tiˬ gʼaˬ meuˬ laꞈ kʼoeˇ neh doˆ le luꞈ-eu ya mawˇ-awˇ, “Nga maꞈ-ahˇ meuˬ-ahˇ uˇ le-eu gaˇ ma mehˬ nehˬ laꞈ-awˬ. Nga maꞈ nawˬ-ahˇ tiˬ jeˬ-iˬ maˬ jahˇ” lehˇ ehˇ nehˬ-euˬ meh.