Yawˇshuˆ 2:11 - Akha

¹¹ Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Yawˇshuˆ 2:11 Referans Kwoze

Dawˬmehˬ 4:39

Kʼoeˇ miˇ neh, Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, Miˬyehˇ pyeuꞈ-eu gaˇ kawˆ, tiˬ jawˇ-iˬ maˬ paˇ ya ngehˇ leˇ ni, iˬ nah naw maꞈ noeˬ taˬ-awˬ. Miˬ yehˇ nui gʼaˬ maˬ jawˇ-a.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Yawˇshuˆ 7:5

Aˬiˇ meuˬ-ahˇ jawˇ-eu tsawˇ haˬ deuˬ, meuˬ meuˬ lahˇ laˇ gʼoˆ-ahˇ neh Sheˬbaˬlmˬ lehˇ kuˇ-eu jawˇ duˬ-ahˇ keuˆ ni aˬ yawꞈ maꞈ-ahˇ teh-awˇ, gawˬ duˇ baˬ gʼa-ahˇ Iˇsaˬleˬlaˆ tsawˇ haˬ smˬ tseˇ koꞈ gʼaˬ bi sehꞈ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ nui ma baˬ laˇ-awˇ guˆ-euˬ meh.

Jaceuq 102:15

Tsawˇ jeuˬ dawˬ tawˆ luꞈ Sahˬpaˬ Miˬyehˇ-ahˇ guˆ tehꞈ-a. Miˇ kʼahˬ sahˬ paˬ sahˬ ma dawˬ tawˆ luꞈ, aˬ yawꞈ-euˬ baoˬ-ahˇ guˆ tehꞈ-a.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

1 Sahˬpaˬ 8:60

Kʼoeˇ miˇ neh, Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ hawˇ-eu, miˬ yehˇ nui gʼaˬ maˬ jawˇ-eu gaˇ kawˆ, miˇ tsaˬ heu kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ ya siˬ duˬ luꞈ-uˇ.

Panmaeq 6:16

Gawˬ jawˬ hawˇ-eu lo guˇ deuˬ-ahˇ aˬ yawꞈ maꞈ guˇ guˇ-ehˇ ehˇ-eu, “Nga maꞈ kʼoeˇ taˆ byaˆ tehˬ le-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ-euˬ myaˆ nuiˆ hawˇ-eu, Yawˇzaˬ-euˬ nui ma pehˇ-eu jeˬ-ahˇ maˬ bi mawˇ ni dehˬ kaˬ nehˬ laꞈ-awˬ.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Yawˇshuˆ 14:8

Ngaˬ nehˬ-ehˇ tiˬ kawˆ loꞈ-ehˇ kʼoeˬ sho haw laˇ-euˬ tsawˇ haˬ deuˬ-aˬ, aˬ dui-euˬ tsawˇ haˬ deuˬ guˆ ni, ja guˆ-euˬ meh. Ehˇ kʼawꞈ, ngaˇ gʼaˬ-aˬ, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ saˇ jaˇ ziꞈ-awˇ, aˬ yawꞈ-euˬ dawˬ-ahˇ naˇ haˬ geuꞈ-euˬ ma.

Dawˬmehˬ 20:8

“Kʼoeˇ naˇ, guiˇ maꞈ-ahˇ uˆ lahˇ-eu yaw huiˬ geuꞈ-eu deuˬ heu loꞈ-ehˇ paˇ ya ehˇ meh. ‘Guˆ nya-eu tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Maˬ ngeuˇ naˇ, aˬ yawꞈ baˬ da neh nui deuˬ gʼaˬ baˬ laˇ tehꞈ-a’ lehˇ paˇ ya ehˇ meh.

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

Doˆ-iˇ 15:14

Gaˇ kawˆ heu aˬ cawˬ tsawˇ jeuˬ deuˬ ya gaˬ-awˇ, aˬ yawꞈ maꞈ guˆ dui dui-eu laꞈ kʼoeˇ yaw dzuˬ dzuˬ-euˬ meh. Piˇliˇtiˆ tsawˇ haˬ deuˬ noeˬ shaˬ dui dui meh.

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

2 Sahˬpaˬ 5:15

Kʼoeˇ naˇ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, Eˇliˇshehˇ jawˇ gaˇ paˇ gʼoꞈ poˆ leˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, Iˇsaˬleˬlaˆ-euˬ Miˬyehˇ maˬ ngeuˇ naˇ miˬyehˇ nui gʼaˬ maˬ jawˇ-eu ngaˇ lehˇ ngaˇ siˬ duˬ-eu ma. Teu miˇ neh, ngaˬ neh biꞈ-euˬ laꞈ sawˬ-ahˇ ha geuꞈ nehˬ laꞈ-awˬ.”

Jaceuq 58:7

Iˇ cuꞈ dzeˇ byoˆ-eu loꞈ-ehˇ aˬ yawꞈ maꞈ byoˆ-iˇ luꞈ-uˇ. Gaˇ ma-ahˇ dehꞈ-eu yaˇ moꞈ loꞈ-ehˇ, aˬ cawˬ neh bi nawˬ pyehˆ luꞈ-uˇ.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Yeˬsaˬgeˬlaˇ 21:15

Mi cehˇ kʼoeˇ ngaˬ-euˬ tsawˇ haˬ-ahˇ nui ma bi baˬ-iˇ-awˇ, bi pehˆ toˆ sehꞈ-eu meh. Mˬ myawꞈ myawꞈ-eu loꞈ-ehˇ naˇ guiˇ guiˇ laˇ-awˇ, sehꞈ-eu lehˇ lehˬ hmˬ taˬ-euˬ mi cehˇ kʼoeˇ kahˇ neh, aˬ yawꞈ maꞈ-euˬ meuˬ-ahˇ ngaˇ laˆ guˆ luꞈ-eu ma.

Yawˇshuˆ 2:24

Aˬ yawꞈ nyaꞈ ehˇ-eu, “Miˇ kʼahˬ kʼoeˇ kʼahˬ kʼahˬ lah ni Sahˬpaˬ Miˬyehˇ aˬ dui-ahˇ biꞈ laꞈ-eu yaw duˬ baw meh. Kʼoeˇ gaˇ jawˇ-eu tsawˇ haˬ dawˬ tawˆ luꞈ aˬ dui-ahˇ guˆ dui dui luꞈ meh.”

Yawˇshuˆ 9:24

Aˬ yawꞈ maꞈ ehˇ-eu, “Miˇ kʼahˬ heu kʼahˬ kʼahˬ lahˬ ni naw maꞈ-ahˇ biꞈ-awˇ, naw maꞈ laˇ uˇ-eu nehˬ-ehˇ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ dawˬ biꞈ taˬ-euˬ aˬ diˇ aˬ maˇ ngeuˇ meh lehˇ nga maꞈ ya siˬ duˬ-euˬ miˇ neh, kʼoeˇ loꞈ-ehˇ mˇ-euˬ ma. Naw maꞈ-ahˇ nga maꞈ guˆ dui dui-awˇ, nga maꞈ ya shiˇ gaˇ kʼahˬ lahˇ-eu miˇ neh, kʼoeˇ loꞈ-ehˇ mˇ-euˬ ma.

Neˬhaˬmiˇ 6:16

Nga maꞈ-euˬ jawˬ jawˬ-ehˇ jawˇ-eu nga maꞈ-ahˇ muiˇ-eu aˬ cawˬ tsawˇ jeuˬ deuˬ gaˇ kawˆ kʼoeˇ ya gaˬ ngeh, aˬ yawꞈ maꞈ-euˬ myaˆ pyawˬ naˇ mehˇ maˬ jaˆ-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Miˬyehˇ caw ba-eu miˇ neh gaˇ kʼoeˇ mˇ pyeuꞈ nya-euˬ gaˇ kawˆ, yawˬ gʼaˬ na luꞈ siˬ duˬ-eu meh.

Iˇsaˬtaˆ 8:17

Sahˬ paˬ-euˬ dawˬ kʼaˇ gaˬ keuˆ-iˇ-euˬ meuˬ yawˬ meuˬ na luꞈ laꞈ kʼoeˇ, Yuˇdaˆ tsawˇ haˬ deuˬ dzaˬ byawˬ dawˇ byawˬ byawˬ-awˇ nah lah lah-euˬ meh. Aˬ cawˬ tsawˇ jeuˬ gʼawˬ mya ni Yuˇdaˆ tsawˇ haˬ-ahˇ guˆ laˇ-awˇ, Yuˇdaˆ tsawˇ jeuˬ geuꞈ-euˬ meh.