Yawˇshuˆ 19:18 - Akha

¹⁸ Aˬ yawꞈ maꞈ-euˬ miˇ kʼahˬ laꞈ kʼoeˇ, Yeˬzaˬleˬlaˇ meuˬ, Sheˬsuˇlawˆ meuˬ, Shuˇneˬ meuˬ,

Yawˇshuˆ 19:18 Referans Kwoze

1 Saˬmeuˬlaˆ 28:4

Piˇliˇtiˆ yehˇ dawˬ tawˆ luꞈ uiˬ leˇ-awˇ, Shuˇneˬ meuˬ dawˬ peh taˆ tsoˆ-awˇ jawˇ-eu meh. Sawˇluˆ gʼeh, Iˇsaˬleˬlaˆ tsawˇ haˬ deuˬ-ahˇ kuˇ uiˬ-awˇ, Giˇlaˬbawˬ gawˬ jawˬ-ahˇ taˆ tsoˆ-awˇ jawˇ-eu meh.

2 Sahˬpaˬ 4:8

Tiˬ nah keuˆ laˇ ngeh, Shuˇneˬ meuˬ-ahˇ Eˇliˇshehˇ iˇ-euˬ meh. Kʼoeˇ gaˇ jawˇ-eu smˇ muiˬ muiˬ-eu zaˬ miˬ zaˬ tiˬ gʼaˬ aˬ yawꞈ-ahˇ dzaˬ byawˇ lawˇ nehˬ-euˬ meh. Kʼoeˇ ngeh poˆ neh naˇ, Shuˇneˬ meuˬ-ahˇ aˬ yawꞈ kʼaˇ iˇ ngeh, zaˬ miˬ zaˬ kʼoeˇ gʼaˬ-euˬ nymˇ-ahˇ dzaˬ-euˬ dawˇ-euˬ meh.

2 Sahˬpaˬ 9:30

Kʼoeˇ naˇ, Yeˬzaˬleˬlaˇ meuˬ-ahˇ Yeˬhuˇ le-euˬ meh. Gaˇ kawˆ kʼoeˇ Yeˬsaˬbeˬlaˇ ya gaˬ ngeh, myaˆ nuiˆ hawˇ-eu uˬ duˬ tsehˇ kahˇ laˆ muiˬ-awˇ, sahˬ paˬ-euˬ hawˇ nymˇ laˇ gʼoˆ zaˬ-ahˇ yawꞈ-awˇ, gaˇ ma paw ciꞈ pyawˇ-awˇ jawˇ-eu meh.

2 Sahˬpaˬ 9:15

Ehˇ kʼawꞈ, Suˇliˆ sahˬ paˬ Haˬzeˬlaˇ nehˬ-ehˇ deuˆ ceh ceh ngeh, Yoˇlamˬ-ahˇ Suˇliˆ tsawˇ haˬ deuˬ neh bi deuˆ tahˬ-awˇ, jawˇ saˇ doˆ laˇ ni Yeˬzaˬleˬlaˇ meuˬ-ahˇ gʼoꞈ jawˇ-iˇ-euˬ meh. Kʼoeˇ ngeh, Yeˬhuˇ-euˬ cawˬ yaw huiˬ yaw mahˇ kʼoeˇ deuˬ-ahˇ Yeˬhuˇ ehˇ nehˬ-eu, “Naw maꞈ ngaˇ jawˇ paw pyawˬ ma lehˇ ngeuˇ naˇ, tsawˇ haˬ tiˬ gʼaˬ-iˬ Laˬmoˆ meuˬ-ahˇ neh cehˆ doˆ-awˇ Yeˬzaˬleˬlaˇ meuˬ-ahˇ gaˇ kawˆ heu maˬ ya tsaꞈ gaˬ-iˇ ni, yaw kʼaˆ kʼaˆ-ehˇ yahˇ-awˬ.”

2 Sahˬpaˬ 8:29

Aˬ yawꞈ jawˇ saˇ doˆ laˇ ni Yeˬzaˬleˬlaˇ meuˬ-ahˇ gʼoꞈ naˬ-iˇ-awˇ, aˬ yawꞈ jawˇ gaˇ Aˬhaˬziˇ dawˬ deh gʼa leˇ-euˬ meh.

2 Sahˬpaˬ 4:12

Aˬ yawꞈ-euˬ zaˬ kʼaˆ Geˬhaˬziˇ-ahˇ, “Zaˬ miˬ zaˬ kʼoeˇ gʼaˬ kuˇ laˬ-iˇ-awˬ” lehˇ aˬ yawꞈ ehˇ nehˬ-euˬ meh. Zaˬ kʼaˆ kʼoeˇ gʼaˬ zaˬ miˬ zaˬ kʼoeˇ gʼaˬ kuˇ keuˆ laꞈ-awˇ, aˬ yawꞈ-euˬ mehˬ shi yawꞈ luꞈ-eu meh.

1 Sahˬpaˬ 21:1

Yeˬsaˬleˬlaˇ meuˬ-ahˇ jaˆ-eu sahˬ paˬ Aˬhaˆ-euˬ nymˇ dawˬ peh, Naˬboˆ lehˇ myahˇ-euˬ tsawˇ haˬ tiˬ gʼaˬ-euˬ aˬ gaꞈ yaˇ kmˇ tiˬ kmˇ jaˆ-eu meh.

1 Sahˬpaˬ 2:21

Aˬ ma gʼaˬ ehˇ-eu, “Nawˬ-euˬ aˇ doˆ Aˬdawˇniˇyaˆ-ahˇ, Aˬbiˇshehˇ-ahˇ bi sheuˬ-awˬ.”

1 Sahˬpaˬ 2:17

Baˬsheˬba ehˇ-eu, “Nawˇ aˬ jeˬ shaˇ mawꞈ-euˬ nya.” Aˬ yawꞈ ehˇ-eu, “Shuˇneˬ meuˬ-ahˇ jawˇ-eu Aˬbiˇshehˇ lehˇ kuˇ-eu zaˬ miˬ aˬ buˇ kʼoeˇ gʼaˬ-ahˇ bi sheuˬ nehˬ laꞈ lehˇ, sahˬ paˬ Sawˇlaˬmoˬ-ahˇ tiˬ poˆ ehˇ nehˬ leˇ nehˬ laꞈ sheˇ. Nawˬ-euˬ ehˇ dawˬ-ahˇ aˬ yawꞈ maˬ leuˇ coeˇ-aˇ lehˇ ngaˇ siˬ nya ma.”

1 Sahˬpaˬ 1:3

Kʼoeˇ naˇ, Iˇsaˬleˬlaˆ miˇ kʼahˬ doe ni aˬ yawꞈ maꞈ iˇ-awˇ, aˇ gʼehˇ muiˬ-eu zaˬ miˬ aˬ buˇ tiˬ gʼaˬ shaˇ poˆ-iˇ-euˬ meh. Shuˇneˬ meuˬ-ahˇ jawˇ-eu Aˬbiˇshehˇ lehˇ myahˇ-euˬ zaˬ miˬ aˬ buˇ tiˬ gʼaˬ aˬ yawꞈ maꞈ poˆ mawˇ-awˇ, sahˬ paˬ jawˇ gaˇ sheuˬ kʼoꞈ gʼeh-euˬ meh.

Yawˇshuˆ 19:17

Miˇ kʼahˬ biˇ nehˬ-euˬ tsawˇ jeuˬ oeˬ jeuˬ tiˬ jeuˬ-aˬ, Iˇsaˬkaˬ tsawˇ jeuˬ meh.

Yawˇshuˆ 19:19

Haˬpaˬleˬ meuˬ, Shiˇoˬ meuˬ, Aˬnaˬhaˬlaˆ meuˬ,

Yawˇshuˆ 15:56

Yeˬzaˬleˬlaˇ meuˬ, Yawˇkaˬdeˬ meuˬ, Zaˬnoˇaˬ meuˬ,

Yawˇshuˆ 17:16

Aˬ yawꞈ maꞈ ehˇ-eu, “Gawˬ jawˬ gawˬ duˇ miˇ kʼahˬ kʼoeˇ nga maꞈ gʼaˇ duˬ yaw suꞈ meh. Deh saˇ-ahˇ jawˇ-eu Kaˬnaˬ tsawˇ haˬ deuˬ shmˇ mahˬ laˆ lawˬ jaˆ-eu meh. Behˬshahˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jawˇ-eu tsawˇ haˬ deuˬ maˬ ehˇ, Yeˬzaˬleˬlaˇ deh kʼawꞈ-ahˇ jawˇ-eu deuˬ maˬ ehˇ, shmˇ mahˬ laˆ lawˬ jaˆ-eu meh.”

2 Saˬmeuˬlaˆ 2:9

Kʼoeˇ gaˇ, Aˬbaˬnaˬ neh Iˇshaˬbawˇshehˆ-ahˇ, Giˇlaˆ miˇ kʼahˬ, Aˬshaˬ miˇ kʼahˬ, Yeˬzaˬleˬlaˇ miˇ kʼahˬ, Eˇpaˬleˬ miˇ kʼahˬ, Beˬyaˬmiˬ miˇ kʼahˬ hawˇ-eu, Iˇsaˬleˬlaˆ miˇ kʼahˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, sahˬ paˬ ka nehˬ-euˬ meh.