Yawˇshuˆ 18:4 - Akha

⁴ Tsawˇ jeuˬ aˬ yawꞈ jeuˬ yawꞈ laꞈ kʼoeˇ tsawˇ haˬ smˇ gʼaˬ tseˇ doˆ nehˬ laꞈ-awˬ. Aˬ yawꞈ maꞈ geuꞈ mawꞈ-eu miˇ kʼahˬ aˇ baˇ aˇ kawˆ bi kawˆ doˆ-eu gʼaˇ duˬ, aˬ yawꞈ maꞈ-ahˇ ngaˇ pyehˬ gʼeh ma. Kʼoeˇ naˇ, aˬ yawꞈ maꞈ ngaˇ jawˇ gaˇ gʼoꞈ le tehꞈ-a.

Yawˇshuˆ 18:4 Referans Kwoze

Yawˇshuˆ 18:9

Tsawˇ haˬ kʼoeˇ deuˬ miˇ kʼahˬ kʼahˬ lah ni cah doe-awˇ, meuˬ deuˬ-euˬ tsawˇ myahˇ boꞈ ahˇ jiˇ-awˇ, miˇ kʼahˬ aˬ joˆ-ehˇ biˇ paˆ-eu gaˇ kawˆ boꞈ doˆ-euˬ meh. Kʼoeˇ naˇ, Shiˇloˬ taˆ-ahˇ Yawˇshuˆ jawˇ gaˇ gʼoꞈ le-euˬ meh.

Yawˇshuˆ 18:6

Miˇ kʼahˬ shiꞈ paˆ paˆ-euˬ gaˇ kawˆ aˇ baˇ boꞈ doˆ-awˇ, ngaˇ jawˇ gaˇ yuˇ laꞈ-awˬ. Naw maꞈ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma.

Yawˇshuˆ 18:3

Kʼoeˇ ngeh, Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ naw maꞈ maˬ jawˇ uˇ leˇ ni aˬ jeˬ gʼeh nyi naˬ te.

Yawˇshuˆ 4:2

“Tsawˇ haˬ tseˇ nyiꞈ gʼaˬ byah ni, tsawˇ jeuˬ tiˬ jeuˬ-euˬ tsawˇ haˬ tiˬ gʼaˬ tseˇ doˆ-awˇ,

Yawˇshuˆ 3:12

Tsawˇ haˬ tseˇ nyiꞈ gʼaˬ byah ni, Iˇsaˬleˬlaˆ tsawˇ jeuˬ tiˬ jeuˬ-euˬ tsawˇ haˬ tiˬ gʼaˬ nymˬ-mˇ tseˇ doˆ-awˬ.

Bawˇtsahˬ 13:2

“Iˇsaˬleˬlaˆ tsawˇ haˬ deuˬ-ahˇ ngaˇ biꞈ nehˬ-eu lehˇ gʼeh-eu Kaˬnaˬ miˇ kʼahˬ-ahˇ bi pyehˆ tseˇ haw leˇ-eu gʼaˇ duˬ, tsawˇ jeuˬ tseˇ nyiꞈ jeuˬ, aˬ yawꞈ jeuˬ yawꞈ laꞈ kʼoeˇ, aˬ yuiꞈ aˬ tsu tiˬ gʼaˬ tseˇ doˆ-awˇ bi le-awˬ.”

Bawˇtsahˬ 1:4

Tsawˇ jeuˬ aˬ yawꞈ jeuˬ yawꞈ laꞈ kʼoeˇ aˬ yuiꞈ aˬ tsu geuꞈ luꞈ-eu gʼaˬ naw nyaꞈ-ahˇ bi caw ba-awˬ.”

Yawˇshuˆ 18:5

Miˇ kʼahˬ kʼoeˇ kʼahˬ-ahˇ, aˬ yawꞈ maꞈ gʼaˇ duˬ shiꞈ paˆ ya paˆ tehꞈ-a. Yuˇdaˆ tsawˇ jeuˬ-aˬ, laꞈ oˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ-awˇ, Yoˇsehˆ tsawˇ jeuˬ deuˬ-aˬ, laꞈ taˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ tehꞈ-a.

Miˇkaˬ 2:5

Kʼoeˇ naˇ, Sahˬpaˬ Miˬyehˇ-euˬ tsawˇ haˬ deuˬ-ahˇ miˇ tsaˬ kʼoeˇ deuˬ paˇ biꞈ kʼoꞈ ngeh nah, naw maꞈ-ahˇ miˇ tsaˬ maˬ paˇ oꞈ meh.