Yawˇshuˆ 18:28 - Akha

²⁸ Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.

Yawˇshuˆ 18:28 Referans Kwoze

2 Saˬmeuˬlaˆ 21:14

Kʼoeˇ naˇ, sahˬ paˬ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ mˇ-awˇ, Sawˇluˆ hawˇ-eu Yawˇnaˆshaˬ aˬ nyaꞈ da zaˬ-euˬ shaˬ yoeˬ-ahˇ, Beˬyaˬmiˬ miˇ kʼahˬ Zeˬlaˬ meuˬ-ahˇ jaˆ-eu Sawˇluˆ-euˬ aˬ da Giˇshaˆ-euˬ lmˬ bymˇ-ahˇ baꞈ pahˬ-euˬ meh. Kʼoeˇ loꞈ-ehˇ jahˇ gʼaˬ ngeh, aˬ yawꞈ maꞈ miˇ kʼahˬ gʼaˇ duˬ aˬ yawꞈ maꞈ neh shaˇ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

Yawˇshuˆ 15:8

Kʼoeˇ naˇ, Yeˬbuˇ tsawˇ jeuˬ-euˬ meuˬ pyeuꞈ-eu Yeˬluˇsaˬlehˬ meuˬ jaˆ-eu gawˬ duˇ-euˬ laꞈ oˆ paw, Hiˬnoˬ deh kʼawꞈ nyiˬ paˆ-ehˇ le gʼeh leꞈ-awˇ, deh kʼawꞈ kʼoeˇ kʼawꞈ-euˬ nahˇ ma doˆ kʼehˬ paw Leˬpeˬ deh kʼawꞈ-euˬ uˬ gʼmˬ-ahˇ jaˆ-eu gawˬ duˇ uˬ du-ahˇ le daˆ-euˬ meh.

Hawˇseˬ 10:9

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Giˇbyaˬ meuˬ-ahˇ aˇ dahˬ beh-euˬ, iˬ baˇ mˇ-eu maˬ naˬ-aˬ siˬ. Kʼoeˇ baˬ da neh Giˇbyaˬ meuˬ-ahˇ, guiˇ deuˆ-eu jeˬ keuˆ le tehꞈ-a.

Iˇsaˬyaˇ 10:29

Aˬ yawꞈ maꞈ gʼaˬ lahˇ oe tsehˆ-awˇ, Geˬbaˬ meuˬ-ahˇ uˬ ciꞈ oe yaꞈ-euˬ meh. Laˬmahˇ meuˬ-ahˇ jawˇ-eu tsawˇ haˬ deuˬ guˆ dui dui-awˇ, Sawˇluˆ-euˬ meuˬ pyeuꞈ-eu Giˇbyaˬ meuˬ-ahˇ jawˇ-eu deuˬ cehˆ byaˆ jiˇ-euˬ meh.

2 Saˬmeuˬlaˆ 5:8

Kʼoeˇ ngeh nah, aˬ yawꞈ-euˬ tsawˇ haˬ deuˬ-ahˇ Daˬbiˇ ehˇ nehˬ-eu, “Yeˬbuˇ tsawˇ haˬ deuˬ-ahˇ ngaˇ kʼaˇ bye-eu naˆ ni bye-awˇ sehꞈ leˇ mawꞈ-eu tsawˇ haˬ jawˇ naˇ, miˇ tsaˬ dawˬ dah pahˬ doˆ laꞈ-euˬ iˇ cuꞈ uiˇ kʼehˬ caw caw-ehˇ le-awˇ, myaˆ behꞈ hawˇ-eu kuiˇ kuˆ kʼoeˇ deuˬ-ahˇ deuˆ leˇ-awˬ.” Kʼoeˇ ngeh neh naˇ, “Myaˆ behꞈ hawˇ-eu kuiˇ kuˆ deuˬ Sahˬpaˬ Miˬyehˇ-euˬ nymˇ-ahˇ maˬ ya uˇ leˇ-a” lehˇ ehˇ-eu dawˬ jaˆ laˇ-euˬ meh.

1 Saˬmeuˬlaˆ 10:26

Sawˇluˆ gʼeh Giˇbyaˬ meuˬ-ahˇ gʼoꞈ-iˇ-euˬ meh. Miˬyehˇ neh nui ma laˆ saˆ nehˬ-euˬ baoˬ ahˇ-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

Yawˇshuˆ 18:16

Kʼoeˇ gaˇ neh naˇ, Leˬpeˬ deh kʼawꞈ-euˬ uˬ gʼmˬ-ahˇ Hiˬnoˬ deh kʼawꞈ kʼoeˇ taˆ jaˆ-eu gawˬ jawˬ-euˬ dawˬ dahˬ paw iˇ gʼeh-euˬ meh. Kʼoeˇ naˇ, Yeˬbuˇ gawˬ jawˬ dahˇ teˇ laꞈ oˆ jaˆ-eu Hiˬnoˬ deh kʼawꞈ caw caw-ehˇ, laꞈ oˆ paw jaˆ-eu Eˬloˇgeˬ meuˬ-ahˇ iˇ-euˬ meh.

Yawˇshuˆ 15:63

Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.

Bawˇtsahˬ 33:54

Miˇ kʼahˬ kʼoeˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biꞈ nehˬ-awˇ, shehˆ tsaˬ bi tsaˬ geuꞈ-awˬ. Tsawˇ haˬ myaˬ dzehˬ-eu tsawˇ jeuˬ-ahˇ huiˬ dzehˬ-eu miˇ kʼahˬ biˇ oꞈ nehˬ-awˇ, tsawˇ haˬ cuiˆ dzehˬ-eu tsawˇ jeuˬ-ahˇ nyiˇ dzehˬ-eu miˇ kʼahˬ biˇ oꞈ nehˬ-awˬ.

Bawˇtsahˬ 26:54

Tsawˇ haˬ myaˬ dzehˬ-eu tsawˇ jeuˬ-ahˇ miˇ kʼahˬ yaw huiˬ biˇ nehˬ-awˇ, tsawˇ haˬ cuiˆ dzehˬ-eu tsawˇ jeuˬ-ahˇ miˇ kʼahˬ yaw nyiˇ biˇ nehˬ-awˬ. Tsawˇ jeuˬ yawˬ jeuˬ na luꞈ-ahˇ tsawˇ haˬ yaw myaˬ yaw cuiˆ-ahˇ haw-awˇ, miˇ kʼahˬ biˇ nehˬ-awˬ.

Bawˇtsahˬ 26:38

Beˬyaˬmiˬ tsawˇ jeuˬ-aˬ, Beˬlaˬ aˇ jeuˬ, Aˬshaˇbeˬlaˆ aˇ jeuˬ, Aˬhiˇlamˬ aˇ jeuˬ,

Yawˇshuˆ 18:27

Leˬkmˬ meuˬ, Iˇlaˬpeˬlaˇ meuˬ, Taˬlaˬlahˬ meuˬ,

Yawˇshuˆ 19:1

Miˇ kʼahˬ biˇ nehˬ-euˬ tsawˇ jeuˬ nyiˬ jeuˬ tiˬ jeuˬ-aˬ, Suˇmoˬ tsawˇ jeuˬ meh. Yuˇdaˆ miˇ kʼahˬ tiˬ paˆ na deuˬ aˬ yawꞈ maꞈ-ahˇ biꞈ ahˇ nehˬ-euˬ meh.

2 Saˬmeuˬlaˆ 5:6

Sahˬ paˬ Daˬbiˇ hawˇ-eu aˬ yawꞈ-euˬ tsawˇ haˬ deuˬ, Yeˬluˇsaˬlehˬ meuˬ-ahˇ guiˇ deuˆ leˇ-euˬ meh. Kʼoeˇ gaˇ jawˇ-eu Yeˬbuˇ tsawˇ haˬ deuˬ meuˬ kʼoeˇ meuˬ-ahˇ Daˬbiˇ maˬ deuˆ gʼaˬ nya-aˇ lehˇ noeˬ-awˇ, “Meuˬ heu meuˬ-ahˇ nawˇ maˬ uˇ laˇ nya-aˇ. Myaˆ behꞈ hawˇ-eu kuiˇ kuˆ deuˬ tehꞈ-ehˇ kʼawꞈ, nawˬ-ahˇ heu gaˇ maˬ bi uˆ keuˆ laˇ ni deuˆ gʼaˬ nya meh” lehˇ, Daˬbiˇ-ahˇ ehˇ nehˬ-euˬ meh.

2 Saˬmeuˬlaˆ 23:29

Neˬtawˇpaˬ meuˬ-ahˇ jawˇ-eu Baˬnahˬ-euˬ aˬ li Heˬloeˆ, Beˬyaˬmiˬ miˇ kʼahˬ Giˇbyaˬ meuˬ-ahˇ jawˇ-eu Yiˇbaiˇ-euˬ aˬ li Iˇtehˇ,

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Yaˇ kʼaˬ daˇ 1:21

Ehˇ kʼawꞈ, Beˬyaˬmiˬ tsawˇ jeuˬ-aˬ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ jeuˬ-ahˇ maˬ teh doˆ-ehˇ, Yeˬbuˇ tsawˇ jeuˬ hawˇ-eu Beˬyaˬmiˬ tsawˇ jeuˬ tiˬ kawˆ loꞈ-ehˇ jawˇ daˆ leꞈ-euˬ meh.

Yaˇ kʼaˬ daˇ 19:10

Ehˇ kʼawꞈ, aˬ zaˬ gʼaˬ tiˬ miˇ maˬ paˇ yaꞈ bya mawꞈ-eu miˇ neh, mahˬ tahˬ laˆ nyiˬ mawˇ-ahˇ kʼaˆ daˬ baꞈ daˆ-awˇ, aˬ yawꞈ-euˬ ma nyiˇ sheuˬ-awˇ, Yeˬluˇsaˬlehˬ meuˬ lehˇ kuˇ-eu Yeˬbuˇ meuˬ paw le gʼeh leꞈ-euˬ meh.

1 Laˬsaˬbaˬ 8:28

Heu-aˬ, Yeˬluˇsaˬlehˬ meuˬ-ahˇ jawˇ-euˬ aˇ jeuˬ aˇ ca kʼoeˇ taˆ aˬ yuiꞈ aˬ tsu geuꞈ-euˬ aˬ poeˬ aˬ bawˇ deuˬ hawˇ-eu, aˬ yawꞈ maꞈ-euˬ zaˬ deuˬ uˆ deuˬ meh.